Henna Plant Vastu: చాలా మంది ఇంటిని అందంగా మార్చుకోవడానికి వివిధ రకాల పూలు, మొక్కలు పెంచుకోవడాన్ని ఇష్టపడతారు. పచ్చని చెట్లు, పూలు ఉన్న ఇల్లు సహజంగా ఆకర్షణీయంగా కనిపిస్తుంది. అంతేకాకుండా, గాలిలోని కాలుష్యాన్ని తగ్గించడంలో, పాజిటివ్ ఎనర్జీ పెంచడంలో కూడా మొక్కలు సహాయపడతాయి. అయితే ప్రతి మొక్కను ఇంట్లో పెంచుకోవచ్చని అనుకోవడం తప్పు. ఎందుకంటే వాస్తు శాస్త్రం ప్రకారం కొన్ని మొక్కలు ఇంట్లో పెంచితే అనుకూల ఫలితాలు ఇస్తాయి, మరికొన్ని మాత్రం ప్రతికూల ప్రభావాన్ని చూపుతాయి. ఆ జాబితాలో గోరింటాకు మొక్క ఒకటి.
ప్రతికూల శక్తులు..
గోరింటాకు మహిళల అలంకారంలో కీలకమైన భాగం. పండగలు, ప్రత్యేక సందర్భాల్లో స్త్రీలు చేతులపై గోరింటా పెట్టుకోవడం సంప్రదాయంగా కొనసాగుతోంది. ఇది శుభప్రదంగా భావిస్తారు. అయితే గోరింటాకు మొక్కను ఇంట్లో పెంచితే మాత్రం వాస్తు ప్రకారం శుభం కాదని చెబుతారు. గోరింటాకు ఆకులు పవిత్రమైనవిగా భావించినా, ఆ మొక్కను ఇంటి ఆవరణలో పెంచితే ప్రతికూల శక్తులు స్థిరపడతాయని నమ్మకం ఉంది.
Also Read:https://teluguprabha.net/devotional-news/vastu-effects-of-storing-items-under-the-bed/
కుటుంబ ఆనందం..
ఇంట్లో గోరింటాకు మొక్క ఉంటే మొదట ప్రభావం కుటుంబ ఆనందంపై కనిపిస్తుంది. ఇంటి వాతావరణంలో సఖ్యత తగ్గిపోతుందని, శాంతి భంగమవుతుందని చెబుతారు. ఒక కుటుంబంలో చిన్న చిన్న విషయాలకే గొడవలు జరగడం, విభేదాలు పెరగడం వంటి సమస్యలు వస్తాయని వాస్తు నిపుణులు హెచ్చరిస్తున్నారు.
ఆరోగ్య పరంగా..
ఆరోగ్య పరంగా కూడా గోరింటాకు మొక్క అనుకూలం కాదని అంటారు. ఇంట్లో ఈ మొక్క ఉంటే కుటుంబ సభ్యులు తరచూ అనారోగ్య సమస్యలను ఎదుర్కొనే అవకాశం ఉంటుంది. ఒక్కొక్కరికి వేర్వేరు సమస్యలు రావచ్చు. ఈ కారణంగా ఇంట్లో గోరింటాకు మొక్కను నాటడం తప్పు అని వాస్తు నిపుణులు సూచిస్తున్నారు.
ప్రశాంతత కోల్పోవడం..
మానసికంగా కూడా ఈ మొక్క ప్రతికూల ప్రభావాన్ని చూపుతుందని నమ్మకం ఉంది. ఇంట్లో ఉన్నవారు ఎప్పుడూ ఆందోళనతో ఉండడం, ఒత్తిడిని అనుభవించడం, ప్రశాంతత కోల్పోవడం లాంటివి జరగవచ్చు. దీని వల్ల వ్యక్తిగత జీవితం, ఉద్యోగం, చదువులపై కూడా ప్రతికూల ప్రభావం పడుతుంది.
నిరంతరం ఆటంకాలు..
గోరింటాకు మొక్క ఉన్న ఇంట్లో పురోగతి ఆగిపోతుందని కూడా విశ్వాసం ఉంది. ఏ పని చేసినా మధ్యలో అడ్డంకులు రావడం, ప్రయత్నాలు వృథా కావడం వంటి ఇబ్బందులు వస్తాయని చెబుతారు. కుటుంబ సభ్యులు తీసుకునే నిర్ణయాల్లో నిరంతరం ఆటంకాలు ఎదురయ్యే పరిస్థితి ఏర్పడవచ్చని అంటారు.
శాంతి, ఆరోగ్యం, ఆనందం…
ఈ మొక్క ఇంట్లో ఉంటే సంతోషం నిలకడగా ఉండదని వాస్తు చెబుతుంది. కుటుంబ సభ్యులలో అనుకూలత తగ్గి, ఒకరితో ఒకరికి దూరం పెరగవచ్చు. ఇలా శాంతి, ఆరోగ్యం, ఆనందం, అభివృద్ధి అన్నీ ప్రభావితమవుతాయని నమ్మకం ఉంది.
అందుకే వాస్తు శాస్త్రం ప్రకారం గోరింటాకు మొక్కను ఇంటి ఆవరణలో పెంచకూడదని సూచిస్తున్నారు. ఇప్పటికే ఇంట్లో ఈ మొక్క ఉంటే దాన్ని తొలగించడం మంచిదని చెబుతున్నారు. అయితే ఇల్లు వెలుపల, ఇంటి గోడల బయట పెంచితే మాత్రం సమస్య ఉండదని అంటారు. బయట నాటితే ప్రతికూల ఫలితాలు రాకుండా ఉంటుంది.
