Vastu Rules About Donations:హిందూ సంప్రదాయాల్లో దానం చాలా పవిత్రమైన ఆచారంగా భావిస్తారు. పండుగల తర్వాత లేదా ఉపవాసం ముగిసినప్పుడు ఎవరికైనా ఏదైనా దానం చేయడం పుణ్యకార్యంగా గుర్తిస్తారు. అయితే వాస్తు శాస్త్రం దృష్టిలో ప్రతి దానం శ్రేయస్సు ఇవ్వదు. కొన్ని ప్రత్యేక వస్తువులను దానం చేస్తే ఆ పుణ్యం తగ్గిపోవడమే కాకుండా అనుకోని సమస్యలు కూడా ఎదురవుతాయని నిపుణులు చెబుతున్నారు. కాబట్టి ఏ వస్తువులను దానం చేయకూడదో తెలుసుకోవడం చాలా ముఖ్యం.
నూనె, ఉప్పు…
వాస్తు ప్రకారం నూనె, ఉప్పు వంటి వస్తువులను ఎప్పుడూ దానం చేయరాదు. ప్రత్యేకంగా ఉపవాసం ముగిసిన రోజున ఈ రెండింటిని ఇవ్వడం వల్ల ఉపవాసం ద్వారా లభించే పుణ్యం పోతుందని చెబుతారు. అంతేకాకుండా ఆర్థిక సమస్యలు, ఆరోగ్య ఇబ్బందులు కూడా వచ్చే అవకాశముందని నమ్మకం ఉంది. కాబట్టి ఇతర ఆహార పదార్థాలను మాత్రమే దానంగా ఇవ్వాలని నిపుణులు సూచిస్తున్నారు.
Also Read: https://teluguprabha.net/devotional-news/vastu-rules-for-eating-directions-and-health-benefits/
మిగిలిపోయిన ఆహారం…
మరొక ముఖ్యమైన విషయం ఆహారానికి సంబంధించినది. ఎవరైనా ఇంటికి భిక్ష కోసం వస్తే వారికి ఎప్పుడూ పాడైపోయిన లేదా మిగిలిపోయిన ఆహారం ఇవ్వరాదు. అలా చేస్తే ఇంటి సౌఖ్యం తగ్గిపోతుందని, పేదరికం పెరిగే ప్రమాదం ఉంటుందని చెబుతారు. దానంలో శ్రద్ధ చూపకపోతే కుటుంబ సభ్యుల ఆరోగ్యం దెబ్బతింటుందని కూడా వాస్తు నిపుణులు హెచ్చరిస్తున్నారు. కాబట్టి ఎప్పుడూ తాజా, శుభ్రమైన ఆహారాన్నే ఇవ్వాలి.
చీపురును…
ఇలాగే చీపురును కూడా దానం చేయరాదు. సంప్రదాయంగా చీపురును లక్ష్మీదేవి చిహ్నంగా పరిగణిస్తారు. అది దానం చేస్తే ఇంట్లో లక్ష్మీ కృప తగ్గిపోతుందని విశ్వసిస్తారు. ఆర్థిక నష్టాలు ఎదురయ్యే అవకాశముందని, సంపద నిలకడగా ఉండకపోవచ్చని నిపుణులు చెబుతున్నారు. కాబట్టి చీపురును ఎప్పుడూ ఇతరులకు ఇవ్వకూడదని వారు సలహా ఇస్తున్నారు.
మతపరమైన గ్రంథాలు లేదా పుస్తకాలు…
దానం చేసే విషయంలో మతపరమైన గ్రంథాలు లేదా పుస్తకాలు కూడా ఒక ప్రత్యేకస్థానం కలిగి ఉన్నాయి. అయితే వాస్తు ప్రకారం వీటిని ఇతరులకు ఇవ్వడం మంచిది కాదని అంటారు. ఎందుకంటే వాటిని అందుకున్నవారు గౌరవంగా ఉంచకపోతే లేదా చదవకపోతే, పాపం దాతకే వస్తుందని నమ్మకం ఉంది. దీనివల్ల వ్యక్తిగత జీవితంలో అడ్డంకులు ఎదురయ్యే అవకాశం ఉంటుందని చెబుతున్నారు. అందుకే మతపరమైన పుస్తకాలను దానం చేయకుండా ఉండటం మంచిదని సలహా ఇస్తున్నారు.
పదునైన వస్తువులకు…
ఇంకా ఒక ముఖ్యమైన అంశం పదునైన వస్తువులకు సంబంధించినది. కత్తులు, కత్తెరలు, కత్తిలాంటి ఆయుధాలను దానం చేయడం వాస్తు నియమాలకు విరుద్ధమని భావిస్తారు. ఇవి కుటుంబంలో కలహాలు పెంచి, ఆనందాన్ని దూరం చేస్తాయని అంటారు. అంతేకాకుండా ఇంట్లో సంపాదన తగ్గిపోవడమే కాకుండా శాంతి కూడా లేకపోవచ్చని నిపుణులు చెబుతున్నారు. అందువల్ల పదునైన వస్తువులను దానం చేయడం ఎట్టి పరిస్థితుల్లోనూ మంచిది కాదు.
