Venus transit-Zodiac signs: జ్యోతిష్యశాస్త్రంలో శుక్రుడి సంచారం ఒక ముఖ్యమైన సంఘటనగా పండితులు చెబుతున్నారు. ప్రేమ, అందం, వైవాహిక సుఖాలు, సౌభాగ్యానికి ప్రతీకగా భావించే ఈ గ్రహం ప్రతి మార్పు ద్వాదశ రాశులపై ప్రభావం చూపుతుంది. 2025 అక్టోబర్ 17న మధ్యాహ్నం 12:55 గంటలకు శుక్రుడు ఉత్తర ఫాల్గుణి నక్షత్రం నుంచి హస్తా నక్షత్రంలోకి ప్రవేశించబోతున్నట్లు పండితులు వివరిస్తున్నారు. ఈ మార్పు అక్టోబర్ 27వ తేదీ వరకు కొనసాగుతుంది. ఈ పదిహేను రోజుల కాలం కొన్ని రాశుల వారికి సానుకూల ఫలితాలను అందించనుంది.

హస్తా నక్షత్రంలోకి ప్రవేశం..

హస్తా నక్షత్రంలోకి ప్రవేశించడం వలన భౌతిక సుఖాలు, సృజనాత్మకత, ఆర్థిక స్థిరత్వం వంటి అంశాల్లో మార్పులు కనిపిస్తాయి. ముఖ్యంగా వృషభ, మిథున, తులా, మకర రాశుల వారికి ఈ సమయంలో మంచి ఫలితాలు ఆశించవచ్చు. ఈ రాశులవారికి కొత్త అవకాశాలు లభించి, వ్యక్తిగత జీవితంలో సానుకూల పరిణామాలు చోటు చేసుకునే సూచనలు ఉన్నాయి.

Also Read:https://teluguprabha.net/devotional-news/zodiac-signs-blessed-by-kubera-on-diwali-2025/

వృషభ రాశి..

వృషభ రాశి వారికి శుక్రుడు స్వగ్రహాధిపతి కాబట్టి, ఈ మార్పు వారి జీవితంలో మరింత శుభప్రభావాన్ని కలిగించనుంది. పనిలో కొత్త ఉత్సాహం వస్తుంది, ఆర్థికంగా స్థిరత్వం పెరుగుతుంది. కుటుంబ వాతావరణం సానుకూలంగా ఉంటుంది. సన్నిహితులతో బంధం మరింత బలపడుతుంది. ప్రేమ సంబంధాలు స్థిరపడి, వివాహ బంధం వైపు దారితీసే అవకాశం ఉంది. కొంతమంది విలాసవంతమైన వస్తువులు కొనుగోలు చేసే అవకాశం కూడా ఉంది. ఉద్యోగస్తులకు పదోన్నతి లేదా గుర్తింపు లభించే పరిస్థితులు ఏర్పడవచ్చు. మొత్తం మీద ఈ కాలం వృషభ రాశి వారికి విజయవంతమైన దశగా మారుతుంది.

మిథున రాశి..

మిథున రాశి వారికి కూడా శుక్రుడి ఈ మార్పు లాభదాయకంగా ఉంటుంది. మీరు ఈ సమయంలో సంతోషం, ఉత్సాహంతో నిండిపోతారు. ఆర్థికంగా కొత్త మార్గాలు తెరుచుకుంటాయి. కొత్త వాహనం కొనుగోలు చేయడం, పూర్వీకుల ఆస్తిపై హక్కు పొందడం వంటి శుభసూచనలు ఉన్నాయి. వ్యాపారంలో కొత్త ప్రాజెక్టులు లభించి, లాభదాయకమైన ఒప్పందాలు కుదుర్చుకునే అవకాశం ఉంది. కుటుంబం, స్నేహితులతో సంబంధాలు మెరుగవుతాయి. అవివాహితులకు సంబంధాల విషయాల్లో శుభవార్తలు రావచ్చు. మొత్తం మీద ఈ కాలం మిథున రాశివారికి అభివృద్ధి దిశగా నడిపే సమయం అవుతుంది.

తులా రాశి….

తులా రాశి వారికి శుక్రుడి సంచారం ఎల్లప్పుడూ శుభప్రదం. ఈ రాశికి శుక్రుడు అధిపతి కాబట్టి, ఈ మార్పు మీ ఆత్మవిశ్వాసాన్ని పెంచుతుంది. మీరు చేపట్టే పనుల్లో విజయం సాధిస్తారు. కొత్త పెట్టుబడులు లాభదాయకంగా మారవచ్చు. ఖరీదైన వస్తువులు కొనుగోలు చేయడం లేదా కొత్త ఇల్లు, వాహనం తీసుకోవడం వంటి అవకాశాలు ఉన్నాయి. వివాహం గురించి ఆలోచిస్తున్న వారికి అనుకూలమైన ప్రతిపాదనలు వస్తాయి. వ్యాపారులు ఈ సమయంలో పెద్ద లాభాలు పొందవచ్చు. ఉద్యోగస్తులకు పదోన్నతి, జీతవృద్ధి వంటి సానుకూల పరిణామాలు జరుగుతాయి. కుటుంబ వాతావరణం ఆహ్లాదకరంగా ఉండి, మనసుకు ప్రశాంతత లభిస్తుంది.

మకర రాశి…

మకర రాశి వారికి కూడా ఈ కాలం ఎంతో శుభంగా ఉంటుంది. శుక్రుడు హస్తా నక్షత్రంలో సంచరించడంతో ఆర్థిక పరిస్థితి గణనీయంగా మెరుగుపడుతుంది. వ్యాపారాల్లో లాభాలు పెరుగుతాయి. మీ కృషికి గుర్తింపు లభిస్తుంది. ఉద్యోగ జీవితంలో ఉన్నవారికి పదోన్నతి లేదా కొత్త బాధ్యతలు వచ్చే అవకాశం ఉంది. కుటుంబంలో ఆనందం నెలకొని, సంతోషకరమైన వాతావరణం ఉంటుంది. మీ శ్రమ ఫలించి, ముందడుగు వేయగలరని సూచనలు ఉన్నాయి. ఆరోగ్య పరంగా కూడా ఈ కాలం అనుకూలంగా ఉంటుంది.

Also Read: https://teluguprabha.net/devotional-news/diwali-2025-rituals-and-remedies-for-wealth-and-prosperity/

శుక్రుడి ప్రభావం ఈ నాలుగు రాశుల వారికి ప్రధానంగా ఆర్థిక, ప్రేమ, కెరీర్ రంగాల్లో సానుకూల మార్పులు తెస్తుంది. వ్యక్తిగతంగా సంతోషం పెరుగుతుంది, సంబంధాలు బలపడతాయి. ఈ గ్రహ స్థితి వల్ల పాత సమస్యలు పరిష్కారం కావచ్చు, కొత్త అవకాశాలు రావచ్చు. అయితే, మిగతా రాశుల వారు ఈ కాలాన్ని ప్రశాంతంగా గడిపి, కొత్త నిర్ణయాల విషయంలో జాగ్రత్తగా ఉండడం మంచిందని పండితులు వివరిస్తున్నారు.