Why Not Eat Amla On Sunday: మన పెద్దలు చెప్పిన ఎన్నో నియమాలు, సంప్రదాయాలు మన జీవన విధానంలో శతాబ్దాలుగా కొనసాగుతున్నాయి. వాటిలో ఒకటి.. “ఆదివారం ఉసిరికాయ తినకూడదు” అనే మాట. చిన్నతనంలో పెద్దలు ఇలా చెప్పినప్పుడు, కారణం అడిగితే “అదే నియమం” అని చెప్పేవారు. అయితే ఈ నమ్మకం వెనుక ఉన్న కారణం కేవలం ఆచార విశ్వాసం మాత్రమే కాదు, దానిలో దాగి ఉన్న ఆరోగ్యపరమైన మరియు ఆధ్యాత్మిక పరమైన అర్థాలు కూడా ఉన్నాయి.

పూర్వం నుండి ఆదివారం లేదా రాత్రిపూట ఉసిరి తినకూడదని చెప్పడం వెనుక సైన్స్ ఆధారిత రహస్యాలు ఉన్నాయి. మన తాతలు, ముత్తాతలు దాని వెనుక ఉన్న శాస్త్రీయ కారణాలు తెలియకపోయినా, తాము పెద్దల నుండి విన్నట్టుగా పాటించేవారు. కానీ ఇప్పుడు ఆ సంప్రదాయానికి ఉన్న ఆధారాలను శాస్త్రీయంగా పరిశీలిస్తే, చాలా ఆసక్తికరమైన విషయాలు బయటకు వస్తాయి.

Also Read:https://teluguprabha.net/devotional-news/saturn-second-phase-effects-on-pisces-in-2025-explained/

ఉసిరికాయలో దాగి ఉన్న శక్తి

ఉసిరికాయ అంటే సహజ విటమిన్ సి కు గొప్ప మూలం. ఒక చిన్న ఉసిరికాయలోనే రోజుకు కావాల్సిన విటమిన్ సి మోతాదు దాదాపు రెండింతలు ఉంటుంది. ఇది రోగనిరోధక శక్తిని పెంచుతుంది, చర్మానికి మెరుగునిస్తుంది, రక్త ప్రసరణను మెరుగుపరుస్తుంది. అయితే అదే ఉసిరిని తినే సమయం సరిగా కాకపోతే, అది మన శరీరానికి కొంత ఇబ్బందిని కలిగిస్తుంది.

రాత్రిపూట తినకూడదని కారణం

రాత్రి సమయంలో మన శరీరపు జీర్ణక్రియ నెమ్మదిస్తుంది. ఉసిరికాయలో ఉండే ఆమ్లత మరియు శక్తివంతమైన విటమిన్ సి కారణంగా అది కడుపులో ఆమ్లం స్థాయిని పెంచుతుంది. ఈ సమయంలో ఉసిరిని తింటే ఆహారం పూర్తిగా జీర్ణం కాకుండా, కడుపులో మంట, అజీర్తి, గ్యాస్ వంటి సమస్యలు తలెత్తుతాయి.
అలాగే ఉసిరిలో ఉన్న సహజ శక్తి రాత్రిపూట మన నిద్రను కూడా దెబ్బతీస్తుంది. శరీరంలో శక్తి ఉత్పత్తి పెరిగి రక్తప్రసరణ వేగంగా జరిగిపోవడంతో మనకు నిద్ర పట్టకపోవడం, నిద్రలో మధ్యలో లేచిపోవడం వంటి ఇబ్బందులు ఎదురవుతాయి. అందుకే రాత్రిపూట ఉసిరి తినకూడదని పూర్వీకులు నిశ్చయించారు.

ఆదివారం తినకూడదని ఎందుకు?

ఆదివారం రోజు సూర్యుడికి సంబంధించినది అని మనం తెలుసు. పూర్వకాలంలో సూర్య శక్తిని ప్రతిబింబించే పండ్లలో ఉసిరికాయ ఒకటి అని భావించేవారు. ఉసిరి లో సూర్య శక్తి నిల్వ ఉంటుంది, కానీ అదే రోజు సూర్యుడు అత్యంత ప్రభావవంతంగా ఉండటంతో ఉసిరిలో ఆ శక్తి మరింత పెరుగుతుంది. ఈ పెరిగిన శక్తి శరీరానికి తాత్కాలిక అసమతుల్యతను కలిగిస్తుందని నమ్మకం. అందుకే సూర్యునికి అంకితమైన ఆదివారం రోజున ఉసిరిని దూరంగా ఉంచడం సంప్రదాయం అయ్యింది.

శాస్త్రీయంగా కూడా ఇది కొంతమేరకు సరిపోతుంది. అధిక విటమిన్ సి ఉన్న ఆహారాలు సూర్య తాపం ఎక్కువగా ఉన్న రోజుల్లో తీసుకుంటే శరీర ఉష్ణోగ్రత పెరగడం, గ్యాస్ట్రిక్ సమస్యలు రావడం జరుగుతుంది. అందుకే ఆదివారం ఉదయం లేదా మధ్యాహ్నం ఉసిరి తినడం మానుకోవడం ఆరోగ్య పరంగా మంచిదని చెబుతున్నారు.

ఆరోగ్యపరమైన దృష్టిలో చూడగలిగితే

ఉసిరి పగటిపూట, ముఖ్యంగా ఉదయం లేదా మధ్యాహ్నం తింటే శరీరానికి పలు లాభాలు ఉన్నాయి. అయితే రాత్రి సమయాల్లో తీసుకుంటే అది జీర్ణక్రియను అడ్డుకుంటుంది. అలాగే ఆదివారం రోజుల్లో శరీరానికి విశ్రాంతి అవసరం ఉండటంతో, విటమిన్ సి వంటి శక్తివంతమైన పదార్థాలు ఆ సమయంలో శరీర తాపాన్ని పెంచి అసౌకర్యాన్ని కలిగిస్తాయి. కాబట్టి ఇది కేవలం నమ్మకమే కాదు, దానిలో కొంత శాస్త్రీయత కూడా ఉంది.

పూర్వీకుల ఆలోచనలో ఉన్న లోతు

మన పెద్దలు ఆచారాలు పెట్టినప్పుడు వాటికి ఎప్పుడూ శాస్త్రీయ కారణం ఉండేది. వారికి సైన్స్ అనే పదం తెలియకపోయినా, అనుభవం ద్వారా పొందిన జ్ఞానం ఉండేది. అదే కారణంగా వారు “ఆదివారం ఉసిరి తినవద్దు” అని చెప్పినా, దాని వెనుక ఉన్న ఉద్దేశ్యం ఆరోగ్య పరిరక్షణే.ఆ సమయంలో ప్రజలు ఎక్కువగా బాహ్య శ్రమ చేసే పనులు చేసేవారు. సూర్య తాపం ఎక్కువగా ఉండే రోజుల్లో ఉసిరి తింటే తలనొప్పి, గుండె మంట వంటి సమస్యలు రావచ్చని వారు గమనించి, దాన్ని నిషేధంగా ప్రకటించారు.

Also Read:https://teluguprabha.net/devotional-news/vastu-secrets-for-staircase-placement-in-home/

ఆధ్యాత్మిక భావం

ఉసిరి మన సంస్కృతిలో పవిత్ర పండు. దీన్ని ధాత్రీ అని కూడా పిలుస్తారు. పూరాణాలలో దీన్ని లక్ష్మీదేవి రూపంగా పేర్కొన్నారు. అందుకే ఈ పండును కొన్ని దినాల్లో ఆరాధనీయమైనదిగా భావించి తినడం మానుకోవడం ఒక విధమైన గౌరవ సూచికం. ఆదివారం సూర్యుడికి అంకితమైన రోజు కావడంతో, ధాత్రీ రూపమైన ఉసిరిని ఆ రోజు తినకూడదని పూర్వీకులు నమ్మారు.