వంటిట్లో గ్యాసు గట్టు, గోడలపై నూనె, వంట పదార్థాల మొండి మరకలు ఉంటాయి. అవి పోవాలంటే వెనిగర్, వంటసోడాలను సమాన పరిమాణంలో తీసుకుని వాటిని బాగా కలిపి ఆ మిశ్రమంతో గోడలపై రుద్ది పది నిమిషాల తర్వాత కడిగితే ఆ మరకలు పోతాయి.
చేపలకు శెనగపిండి పట్టించి ఐదు నిమిషాలు తర్వాత శుభ్రం చేస్తే నీచు వాసన సులువుగా పోతుంది.
బొంబాయి రవ్వతో ఉప్మా చేసేటప్పుడు ఉండకట్టకుండా ఉండేందుకు నూకలో చెంచా నూనె వేయాలి.
తేనె సీసాలో నాలుగైదు మిరియాలు వేస్తే చీమలు చేరవు.
కత్తికి ఉప్పు రాయడం వల్ల పదును ఎక్కుతుంది.
బ్రెడ్ ప్యాకెట్ లో బంగాళాదుంప ముక్కలు వేస్తే తొందరగా పాడవవు.
అగరవత్తుల నుసితో ఇత్తడి సామాను తోమితే బాగా శుభ్రమవుతాయి.
బియ్యం నిల్వ చేసిన డబ్బాలో గుప్పెడు పుదీనా ఆకులు వేస్తే పురుగు పట్టదు.
పచ్చిబటానీలను ఉడికించేటప్పుడు వాటిల్లో చిటికెడు పంచదార వేస్తే రంగు మారకుండా ఉంటాయి.