మరికొన్ని గంటల్లో ఆకాశంలో అద్భుతం జరగనుంది. దీనిని చూసేందుకు యావత్ ప్రపంచం ఆసక్తిగా ఎదురు చూస్తోంది. అసలు విషయానికి వస్తే.. మన విశ్వంలోని ఏడు గ్రహాలు ఒకే వరుసలోకి రానున్నాయి. ఇలా 144 సంవత్సరాలకు ఒకసారి మాత్రమే జరుగుతుంది. ఇప్పటివరకు మనం ఒక కక్ష్యలో చంద్రుడు, సూర్యుడు, భూమి రావడం ద్వారా చంద్ర గ్రహణాలు, సూర్యగ్రహణాలు చూశాం.. కానీ ఈ సారి 7 గ్రహాలు ఒకే కక్ష్యలోకి రానున్నాయి. శుక్రవారం (28-02-2025) ఆకాశంలో ఈ అద్భుతం జరగనుంది. మళ్లీ ఈ అద్భుతం చూడాలంటే దాదాపు 144 సంవత్సరాలు వేచి ఉండాల్సి ఉంటుందని శాస్త్రవేత్తలు చెబుతున్నారు.
సౌరమండలంలోని ఏడు గ్రహాలు.. మెర్క్యురీ, వీనస్, మార్స్, జూపిటర్, శని, యురేనస్, నెప్ట్యూన్.. ఒకే సరళ రేఖపైకి రానున్నాయి. ఈ వింతని టెలిస్కోప్ లేకుండానే చూడొచ్చు. వీటిని భూమి నుంచి చూసినప్పుడు ఒకే సరళ రేఖ పై ఉన్నట్లు కనపడతాయి. ఈ విశేషమైన ఖగోళ సంఘటనను గ్రహ paradade అని పిలుస్తారు. సాధారణంగా, ఇది చాలా అరుదుగా జరుగుతుంది. గతంలో 2022లో ఐదు గ్రహాలు ఒకే వరుసలో కనిపించాయి. కానీ ఏడు గ్రహాలు ఇలా ఒకేసారి ఒకే రేఖలో కనిపించడం చాలా అరుదు. ఈ విధమైన గ్రహ సముదాయం ఒకే సరళ రేఖపై మళ్లీ 2036లోనే కనిపిస్తుంది. అప్పుడు కూడా కేవలం ఐదు గ్రహాలే కనిపిస్తాయి.
ఇలా ఏడు గ్రహాలు ఇలా కనిపించేందుకు మరికొన్ని దశాబ్దాలు పట్టొచ్చు అంటున్నారు శాస్త్రవేత్తలు. అందుకే ఈ అవకాశాన్ని ఎవరూ మిస్ చేసుకోవద్దని సూచిస్తున్నారు. కొండలు లేదా బహిరంగ ప్రదేశాలు, తక్కువ కాంతి ఉండే ప్రాంతాల నుంచి వీటిని చూడొచ్చు. టెలిస్కోప్ ఉంటే ఈ గ్రహాలను మరింత స్పష్టంగా చూడటానికి ఉపయోగపడుతుందని శాస్త్రవేత్తలు అంటున్నారు.
ఈ గ్రహ paradadeను గురించి నాసా (NASA) మరియు ఇండియన్ ఇన్‌స్టిట్యూట్ ఆఫ్ ఆస్ట్రోఫిజిక్స్ (IIA) శాస్త్రవేత్తలు ప్రత్యేకంగా పరిశీలిస్తున్నారు. సౌరమండలంలోని గ్రహాలు కొన్ని సంవత్సరాలకు ఒకే సరళ రేఖపైకి వస్తుంటాయి. ఇక ఈ అనంత విశ్వంలో ఎప్పుడూ ఎక్కడో ఒకచోట వింత సంఘటనలు జరుగుతూనే ఉంటాయి. వాటిని గమనిస్తూ శాస్త్రవేత్తలు ఖగోళ శాస్త్ర రహస్యాలను కనిపెడుతుంటారు. సైంటిస్టులు కాబట్టి వారి వద్ద ఉన్న పెద్ద పెద్ద పరికరాలు, టెలీస్కోప్ లను ఉపయోగించి యూనివర్స్ లో రహస్యాలను తెలుసుకుంటారు. ఆకాశంలో ఎప్పుడు ఏం జరుగుతుందో ముందే కనిపెడతారు. గ్రహాలు, గ్రహ శకలాల కదలికల వల్ల భూమిపై కలిగే మార్పులను అంచనా వేస్తుంటారు.
