ప్రముఖ సినీ ప్రొడ్యూసర్ అల్లు అరవింద్ ఫ్యామిలీలో పెళ్లి సందడి మొదలైంది. అల్లు శిరీష్.. తన ప్రియురాలు నయనిక రెడ్డితో శుక్రవారం ఘనంగా నిశ్చితార్థం జరుపుకొన్నాడు.
గత రెండేళ్లుగా ప్రేమలో ఉన్న శిరీష్, నయనిక రెడ్డి.. ఇరు కుటుంబాల పెద్దలను ఒప్పించి కుటుంబీకులు, బంధువుల సమక్షంలో ఉంగరాలు మార్చుకున్నారు. ఎంగేజ్మెంట్కి సంబంధించిన ఫొటోలను అల్లు శిరీష్ తన సోషల్ మీడియా ఖాతాలో షేర్ చేసుకున్నారు. అభిమానులు వారికి విషెస్ చెబుతున్నారు.
వైట్ కలర్ కుర్తా పైజామాలో అల్లు శిరీష్, రెడ్ కలర్ హాఫ్శారీలో నయనిక రెడ్డి.. ఎంతో చూడముచ్చటగా ఉన్నారు. వీరి ఫొటోలు చూసిన సినీ సెలబ్రిటీలు, నెటిజన్లు.. ఈ జంటకి బెస్ట్ విషెస్ తెలుపుతున్నారు. సూపర్ జోడీ, మేడ్ ఫర్ ఈచ్ అదర్ అంటూ కాంప్లిమెంట్స్ ఇస్తున్నారు.
ప్రస్తుతం ఈ జంట ఎంగేజ్మెంట్ ఫొటోలు నెట్టింట్లో వైరల్ అవుతున్నాయి. త్వరలోనే శిరీష్, నయనిక రెడ్డి మూడు ముళ్ల బంధంతో ఒక్కటి కానున్నారు. ఈ వేడుకకు మెగాస్టార్ చిరంజీవి దంపతులతో పాటు మెగా ఫ్యామిలీ, బంధుమిత్రులు పాల్గొని సందడి చేశారు.
