చిరంజీవి, అనిల్ రావిపూడి కలిసి పనిచేస్తున్న మెగా157 చిత్రం ఉగాది సందర్భంగా అధికారికంగా ప్రారంభమైంది. ఈ సినిమా ప్రారంభోత్సవం ఆదివారం ఉదయం పూజా కార్యక్రమాలతో ఘనంగా జరిగింది.
వెంకటేశ్, అశ్వనీదత్, అల్లు అరవింద్, దగ్గుబాటి సురేశ్‌బాబు, దిల్ రాజు, నాగవంశీ, విజయేంద్ర ప్రసాద్ తదితరులు ముఖ్య అతిథులుగా పాల్గొన్నారు.
ముహూర్తపు సన్నివేశానికి వెంకటేశ్ క్లాప్ కొట్టగా, దిల్ రాజు స్క్రిప్ట్ అందించగా, అల్లు అరవింద్ కెమెరా స్విచాన్ చేశారు.
ఈ చిత్రాన్ని షైన్ స్క్రీన్స్ పతాకంపై సాహు గారపాటి, చిరంజీవి కుమార్తె సుస్మిత కలిసి నిర్మిస్తున్నారు.
ఈ చిత్రంలో చిరంజీవి తన అసలు పేరు “శంకర్ వరప్రసాద్” అనే పాత్రలో కనిపించనున్నారు. ఓ ముఖ్యమైన పాత్ర కోసం చిత్రబృందం అదితి రావు హైదరిని సంప్రదించిందని టాలీవుడ్ వర్గాలు చెబుతున్నాయి.
భీమ్స్ సంగీతం అందిస్తున్న ఈ సినిమాను 2026 సంక్రాంతికి విడుదల చేయాలని మేకర్స్ ప్లాన్ చేస్తున్నారు.
