శివనామస్మరణ, జాగారంతో మహాశివుడిని ఆరాధించే మహాశివరాత్రి పర్వదినం ఈ నెల 15న రానుంది. ఈ సందర్భంగా చేతికి మెహందీ డిజైన్ వేసుకోవాలనుకునే మహిళలు.. ఈ సారి కొత్తగా భక్తి పారవశ్యాన్ని పెంపొందించేలా ఆదిదేవుడి రూపంతో మీ అరచేతిలో శివయ్యను పూజించవచ్చు.
మహిళ శివలింగాన్ని ప్రార్థిస్తున్నట్లుగా ఉన్న డిజైన్ ఇది. టాసెల్ డిజైన్లతో తలుపులు, మిగిలిన అరచేతి భాగం పూలు, ఆకు డిజైన్లతో నిండి ఉంటుంది. మణికట్టుపై నందీశ్వరుడు కొలువై ఉన్నాడు.
సింపుల్గా పూర్తయ్యే డిజైన్ కావాలని కోరుకుంటే.. శివుని డమరుకం, కన్ను, త్రిశూలం, తామర పువ్వును వర్ణించే ఈ డిజైన్ను పరిశీలించవచ్చు.
అరచేతి వెనుకవైపు శివలింగం, త్రిశూలం, కలశం, డమరుకం వంటి నమూనాలతో సింపుల్గా ఉండే ఈ డిజైన్ను ఆ శివయ్యపై భక్తిని రెట్టింపు చేస్తుంది.
శివయ్యకు ఇష్టమైన బిల్వ ఆకులు, తామర పువ్వుపై శివలింగం, త్రిశూలం, డమరుకం నమూనాలతో ఉండే ఈ మెహందీ డిజైన్ మహాశివరాత్రికి సరైనది. ఇంకా మీరు మీ చేతిపై “ఓం నమః శివాయ” లేదా “హ్యాపీ శివరాత్రి” అని రాసుకోవచ్చు.
ఒక అరచేతిలో కేదార్నాథ్ ఆలయం చిత్రంతో త్రిశూలం, మరొక అరచేతిలో త్రిశూలం, డమరుకం డిజైన్తో పరిపూర్ణమైన పండుగ అనుభూతిని మీ అరచేతుల్లోనే ఆస్వాదించవచ్చు.
పర్వతాల్లో కొలువుదీరినట్లుగా ఉండేలా ఆదిదంపతులు శివపార్వతులను మీ అరచేతిలో బంధించే డిజైన్ ఇది. మీకు నచ్చిన డిజైన్తో ఈ శివరాత్రికి మీ చేతులను భక్తి భావంతో నింపేయండి.