Prabhas: మన 'రాజాసాబ్' లగ్జరీ కార్ల కలెక్షన్ చూశారా.. ఒక్కో కారు కళ్లు చెదిరే ధర.!
‘కల్కి’ రిలీజైన దాదాపు ఏడాదిన్నర తర్వాత ‘ది రాజాసాబ్’తో అభిమానుల్లో జోష్ నింపాడు పాన్ ఇండియా స్టార్ ప్రభాస్. అయితే డార్లింగ్కి సినిమాలంటే ఎంత ప్యాషనో.. లగ్జరీ కార్లన్నా అంతే మోజు.
టాలీవుడ్ ఇతర ప్రముఖ హీరోల మాదిరిగానే ప్రభాస్ వద్ద కళ్లు చెదిరే ధరతో విదేశీ కార్లు ఉన్నాయి. అవేంటో చూద్దాం..
ప్రభాస్ లగ్జరీ కార్లలో అత్యంత హాటెస్ట్ కారు లంబోర్ఘిని అవెంటడార్ S రోడ్స్టర్.. ఒకప్పుడు ఆరెంజ్ కలర్లో ఉన్న ఈ కారును ఇప్పుడు శాటిన్ బ్లాక్ కలర్లోకి మార్చాడు. భారత మార్కెట్లో దీని ధర దాదాపు రూ. 6 కోట్లు.
లంబోర్ఘిని అవెంటడార్ S రోడ్స్టర్ సూపర్కార్కు 6.5L NA V12 పెట్రోల్ మోటార్తో పనిచేస్తుంది. 770 PS, 720 Nm గరిష్ట టార్క్ను ఉత్పత్తి చేస్తుంది. 7-స్పీడ్ డ్యూయల్-క్లచ్ ఆటోమేటిక్ ట్రాన్స్మిషన్ను కలిగి ఉంది. అయితే ఇప్పుడు ఈ కారు మార్కెట్లో అమ్మకానికి లేదు.
డార్లింగ్ వద్ద ఉన్న అత్యంత సౌకర్యవంతమైన, లగ్జరీ కారు రోల్స్ రాయిస్ ఫాంటమ్.. భారత్లో ఈ మోడల్ ధర రూ. 10.48 కోట్లు(ఎక్స్-షోరూమ్)గా ఉందట.
సినీ ఇండస్ట్రీలో ప్రతి సెలబ్రిటీతో పాటు ప్రభాస్కీ రేంజ్ రోవర్ ఉంది. 4.4L పెట్రోల్ మోటార్తో నడుస్తుంది. ఈ LWB ఫార్మాట్ ప్రస్తుత ధర రూ. 4.25 కోట్లు, ఎక్స్-షోరూమ్.
