ఒక్క సినిమాతో ఓవర్‌ నైట్‌లో స్టార్‌ అయిపోయింది పాయల్ రాజ్‌పుత్‌ (Payal rajput). Rx 100 మూవీతో కుర్రకారు గుండెల్లో నిలచిపోయింది. ఆ మూవీతో కుర్రాళ్ల క్రష్‌ అయిపోయింది, డ్రీమ్‌ గర్ల్ గా మారింది.
అయితే ఆ తర్వాత వచ్చిన కొన్ని సినిమాలు అంతగా ఆడలేదు. వరుస పరాజయాల అనంతరం ‘మంగ‌ళ‌వారం’ సినిమాతో మళ్లీ ఫామ్ లోకి వచ్చిన ఈ బ్యూటీ.. ఈ సారి పాన్ ఇండియా సినిమాతో రాబోతోంది.
పాయల్ వెంకటలచ్చిమి అనే సినిమాలో నటిస్తుంది. ఈ మూవీతో ఆమె ఆరు భాషల్లోకి ఎంట్రీ ఇవ్వబోతున్నట్లు తెలుస్తోంది.
ముని దర్శకత్వంలో తెరకెక్కనున్న ఈ సినిమాలో వెంకటలచ్చిమిగా పాన్ ఇండియా ఆడియన్స్ ను పలకరించనుంది.
మూవీ ట్రైబల్ గర్ల్ యాక్షన్ రివైంజ్ స్టోరీగా తెరకెక్కనుంది. పాయల్ చేస్తున్న తొలి పాన్ ఇండియా సినిమా ఇదే. ఈ సినిమాకి రాజా, ఎన్ఎస్ చౌదరి నిర్మాత‌లుగా వ్యవహరిస్తున్నారు.
వెంకటలచ్చిమి’ మూవీ హైద‌రాబాద్ రామానాయుడు స్టూడియోలో పూజా కార్య‌క్ర‌మాల‌తో ప్రారంభ‌మైంది.
