SSC JOBS: పదో తరగతి అర్హతతో కేంద్ర ప్రభుత్వ ఉద్యోగం సంపాందించుకునే అవకాశం. స్టాఫ్ సెలెక్షన్ కమిషన్(SSC) మల్టీ టాస్కింగ్ స్టాఫ్, హవల్దార్ పోస్టుల భర్తీకి ఇటీవల నోటిఫికేషన్ విడుదల చేసింది. ఆసక్తి గల అభ్యర్థులు ఆన్లైన్ ద్వారా ఉద్యోగానికి దరఖాస్తు చేయవచ్చు. మొత్తం 1075 పోస్టుల కోసం దరఖాస్తుల స్వీకరణ జూన్ 26న ప్రారంభమైంది. జులై 24వ తేదీ వరకు దరఖాస్తు చేసుకోవచ్చు.
పోస్టులు: మల్టీ టాస్కింగ్ స్టాఫ్(ఎంటీఎస్), హవల్దార్ (సీబీఐసీ, సీబీఎన్), అర్హత: ఏదైనా గుర్తింపు పొందిన బోర్డు నుంచి పదో తరగతి ఉత్తీర్ణత సాధించి ఉండాలి.
వయో పరిమితి: మల్టీ టాస్కింగ్ స్టాఫ్ పోస్టుకు 2025, ఆగస్టు 1 నాటికి 18 నుంచి 25 ఏళ్లు, హవల్దార్ పోస్టుకు 2025, ఆగస్టు 1 నాటికి 18 నుంచి 27 ఏళ్ల మధ్యలో ఉండాలి.
ఎస్సీ, ఎస్టీలకు ఐదేళ్లు, ఓబీసీలకు మూడేళ్లు, పీడబ్ల్యూబీడీ అభ్యర్థులకు 10 ఏళ్లు వయోపరిమితిలో సడలింపు ఉంటుంది.
దరఖాస్తు ఫీజు: జనరల్, ఈడబ్ల్యూఎస్, ఓబీసీ అభ్యర్థులకు రూ.100. ఎస్సీ, ఎస్టీ, పీడబ్ల్యూబీడీ, మహిళా అభ్యర్థులకు ఫీజు లేదు.
పరీక్ష తేదీ: 2025, సెప్టెంబర్ 20 నుంచి అక్టోబర్ 24 వరకు.
ఎంపిక విధానం: మల్టీ టాస్కింగ్ స్టాఫ్ పోస్టులకు రాత పరీక్ష ద్వారా అభ్యర్థులను ఎంపిక చేస్తారు. హవల్దార్ పోస్టులకు రాత పరీక్షతోపాటు ఫిజికల్ ఎఫీషియెన్సీ టెస్ట్ లేదా ఫిజికల్ స్టాండర్డ్ ఉంటుంది.
పూర్తి వివరాలకు ssc.gov.in వెబ్ సైట్ సందర్శించవచ్చు.