Vastu Tips of Bilva Tree (Maredu Mokka): ఇంటి నిర్మాణంలోనే కాదు ఇంటి ఆవరణలో పెంచుకునే మొక్కల విషయంలోనూ కొన్ని నియమాలున్నాయి. ఇంటి దగ్గర పెంచుకునే మొక్కలను ఏ దిశలో పెంచుకోవాలి? ఏ రోజున నాటాలి? వంటి అనేక విషయాలను వాస్తు శాస్త్రం తెలియజేస్తుంది. ఇప్పుడా విషయాలు తెలుసుకుందాం.
శివుడికి అత్యంత ప్రీతికరమైన కార్తీక మాసం వస్తున్నందున ఈ నెలలో శివుడికి ఇష్టమైన బిల్వ దళాలతో పూజ చేస్తే మంచి జరుగుతుందని చాలా మంది నమ్ముతారు. ఈ నేపధ్యంలో మన ఇంటి ఆవరణలో మారేడు మొక్కను పెంచుకోవచ్చా? ఏ దిశలో పెంచుకోవాలి? ఏ రోజున నాటాలి అనే విషయాలను తెలుసుకుందాం.వాస్తు శాస్త్రంలో మారేడు మొక్క (బిల్వ మొక్క)కు చాలా ప్రాముఖ్యత ఉంది. శివుడికి ప్రీతికరమైన ఈ మొక్కని ఇంట్లో నాటడం వల్ల ఆనందం, శ్రేయస్సు, లక్ష్మీ దేవి ఆశీస్సులు లభిస్తాయి.వాస్తు ప్రకారం మాత్రమే కాదు జ్యోతిష్యశాస్త్రం ప్రకారం కూడా మారేడు మొక్కను ఇంటి ఆవరణలో పెంచితే చాలా మంచిదని చెబుతుంది. ఈ మొక్క ఉన్న ఇంట్లో లక్ష్మి అనుగ్రహం లభిస్తుందని, ఐశ్వర్యానికి లోటు ఉండదని శుభ ఫలితాలను ఇస్తుందని చెబుతోంది.మారేడు మొక్కను వాస్తు ప్రకారం తూర్పు, ఉత్తర లేదా ఈశాన్య దిశలో పెంచుకోవచ్చు. అయితే, ఈ మొక్కని ఒక్కో దిక్కులో పెంచితే ఒక్కో రకమైన ఫలితం ఉంటుంది. తూర్పు దిక్కున పెంచితే సమస్త సౌఖ్యాలు, ఉత్తర దిక్కులో పెంచితే అఖండ ధనలాభం, ఈశాన్యం దిశలో పెంచితే లక్ష్మి అనుగ్రహం తో అష్టైశ్వర్యాలు కలుగుతాయి. అయితే, మొక్కని పెంచడానికి సూర్యరశ్మి , వెంటిలేషన్‌కు ప్రాధాన్యత తప్పనిసరి.మారేడు మొక్క ఇంటికి శ్రేయస్సుని, సానుకూలతను ఆకర్షించడానికి సోమవారం, ప్రదోషం లేదా మహా శివరాత్రి లేదా శివునికి సంబంధించిన ఏదైనా శుభ దినాన ఇంటి ఆవరణలో నాటండి. ఇలా చేస్తే ఆ ఇంట్లో ఆర్థిక సమస్యలు తొలగి ధనవంతులవుతారు.మారేడు మొక్కని ఇంటి ప్రధాన ద్వారం దగ్గర పెంచుకోకూడదు. సోమవారం, అష్టమి, నవమి, చతుర్దశి, అమావాస్య తిథులలో ఈ మొక్కని నాటవద్ధని జ్యోతిష్య శాస్త్రం చెబుతోంది.
