చియా సీడ్స్ లో బోలెడన్ని పోషకాలున్నాయి. ఇందులో ఉండే యాంటీ ఆక్సిడెంట్స్ శరీరానికి ఎంతో మేలు చేస్తాయి. చియా సీడ్స్ ని చాలా మంది ఎక్స్ పర్ట్స్ న్యూట్రిషనల్ పవర్ హౌజ్ అని పిలుస్తారు. అంటే.. ఆ స్థాయిలో పోషకాలుంటాయని అర్థం. వీటిని సాధారణంగా రాత్రంతా నీటిలో నానబెట్టి మరుసటి రోజు ఉదయం తీసుకుంటారు. ఇంకొంత మంది జ్యూస్ లు, స్మూతీలలో కలుపుకుని తింటారు. నీళ్లలో వేసుకుని తాగినా ఇవి డిటాక్స్ వాటర్ లా పని చేస్తాయి.అయితే..జుట్టు పెరుగుదలకు కూడా ఇవి ఎంతగానో తోడ్పడతాయి. కురులు దృఢంగా, ఒత్తుగా పెరగడానికి సాయపడతాయి. మరి ఉదయం లేదా సాయంత్రం ఎప్పుడు తీసుకుంటే ఈ ప్రయోజనాలు అందుతాయో తెలుసుకుందాం. ఉదయం లేదా సాయంత్రం ఎప్పుడు తింటే హెయిర్ గ్రోత్ ఉంటుందనేది తెలుసుకునే ముందు అసలు చియా సీడ్స్ వల్ల కురులు ఆరోగ్యంగా ఎలా మారతాయో తెలుసుకుందాం.చియా సీడ్స్ లో ఒమెగా 3 ఫ్యాటీ యాసిడ్స్ ఉంటాయి. కురుల కుదుళ్లను బలంగా మార్చేస్తాయి. ముఖ్యంగా పెరుగుదల ఎక్కువగా ఉండేలా చూస్తాయి. అంతే కాదు. చివర్లు చిట్లిపోవడం, రాలిపోవడం లాంటి సమస్యలూ తగ్గిపోతాయి. ఇక ఇందులో కావాల్సినంత ప్రొటీన్ ఉంటుంది. ఈ ప్రొటీన్ కురులను ఆరోగ్యంగా ఉంచుతుంది. ఇందులో ఉండే యాంటీ ఆక్సిడెంట్స్ హెయిర్ డ్యామేజ్ కాకుండా అడ్డుకుంటాయి. జింక్, కాపర్ కూడా చియా సీడ్స్ లో అధికంగా ఉంటాయి. ఇవి జుట్టు నల్లగా ఉండేందుకు సాయపడతాయి. సింపుల్ గా చెప్పాలంటే ఇవి మల్టీ విటమిన్స్ లా పని చేస్తాయి.ఉదయమే చియా సీడ్స్ తీసుకోవడం వల్ల శరీరానికి సరైన విధంగా పోషకాలు అందుతాయి. రోజంతా ఉత్సాహంగా ఉంటారు. అందుకే.. చాలా వరకూ న్యూట్రియెంట్స్ ఉన్న ఆహారాన్ని ఉదయమే తీసుకోవాలని డాక్టర్లు సలహా ఇస్తుంటారు. వీటిని మార్నింగ్ తినడం వల్ల అందులో ఉన్న ఒమెగా 3 ఫ్యాటీ యాసిడ్స్, ప్రొటీన్ సరైన విధంగా కురులకు అందుతాయి. అవి డ్యామేజ్ అవ్వకుండా కాపాడతాయి. బ్రేక్ ఫాస్ట్ లో ముఖ్యంగా యోగర్ట్, స్మూతీలు, ఓట్ మీల్స్ లో కలుపుకుని తింటే చాలా మంచిది. బెర్రీస్, నట్స్, ఆకు కూరలతో కలిపి తీసుకుంటే ఇంకా బెటర్. దీని వల్ల కురులకు కావాల్సిన కొలాజీన్ ఉత్పత్తి అవుతుంది. రక్త సరఫరా మెరుగవుతుంది.ఉదయమే చియా సీడ్స్ తీసుకుంటే రోజంతా చురుగ్గా ఉండేందుకు వీలవుతుంది. ఇందులో ఫైబర్ అధికంగా ఉంటుంది. దీని వల్ల బ్లడ్ షుగర్ లెవెల్స్ కంట్రోల్ లో ఉంటాయి. ఎప్పుడైతే షుగర్ కంట్రోల్ అవుతుందో అప్పుడు హెయిర్ ఫాల్ తగ్గుతుంది. ఇక ఉదయం చియాసీడ్స్ ని నిమ్మరసంతో కలిపి తీసుకుంటే మంచిదని ఎక్స్ పర్ట్స్ చెబుతున్నారు. బాదం పాలు, పండ్లతో కలిపి తీసుకున్నా మంచిదే. అవకాడో టోస్ట్ లో చియా సీడ్స్ వేసుకుని తింటే కురుల ఆరోగ్యానికి సరైన విధంగా పోషకాలు అందుతాయి.రాత్రి పూట చియా సీడ్స్ తీసుకుంటే మరో రకంగా ప్రయోజనా లుంటాయి. సాధారణంగా రాత్రి 10 గంటల నుంచి తెల్లవారుజామున 2 గంటల వరకూ బాడీ రిపేర్ కండీషన్ లో ఉంటుంది. ఆ సమయంలో తప్పనిసరిగా నిద్రపోవాలి. అలా అయితేనే మెటబాలిజం బాగుంటుంది. అయితే రాత్రి పూట చియా సీడ్స్ తీసుకుంటే శరీరానికి పోషకాలు ఇంకాస్త ఎక్కువగా అందుతాయి. నిద్రపోయినప్పుడు శరీరానికి కావాల్సిన న్యూట్రియెంట్స్ అందుతాయి. ఫలితంగా కురులకూ సరైన విధంగా పోషకాలు వెళ్తాయి. ఇక జీర్ణ సమస్యలు తీరడానికి కూడా రాత్రి పూట చియా సీడ్స్ తీసుకుంటే మంచిదే. రాత్రి పూట కురులకు ఆయిల్ అప్లై చేసే అలవాటు ఉంటే ఆ సమయంలోనే చియా సీడ్స్ తీసుకోవడం బెటర్.అయితే రాత్రి పూట చియా సీడ్స్ తీసుకోవాలంటే కొన్ని పద్ధతులున్నాయి. ఉదయం అయితే నిమ్మరసంతో తీసుకోవచ్చు. కానీ రాత్రి పూట మాత్రం నిమ్మరసం తాగవద్దు. లేనిపోని సమస్యలు వస్తాయి. అందుకు బదులుగా వేడి పాలల్లో చియా గింజలు వేసుకుని తాగాలి. అయితే..వీటితో పాటు దాల్చిన చెక్క కూడా వేస్తే ఇంకాస్త ఎఫెక్టివ్ గా పని చేస్తుంది. ఇక యోగర్ట్ లో చియా సీడ్స్ జెల్ ని కలిపి తీసుకుంటే కురులు ఆరోగ్యకరంగా మారిపోతాయి. పెప్పర్ మింట్ లేదా చమోమిల్ లాంటి టీలతో కలుపుకుని చియా సీడ్స్ తీసుుకంటే చాలా త్వరగా పోషకాలు అందుతాయి.అయితే, సీడ్స్ ని ఉదయం తీసుకుంటే మంచిదా..లేదా రాత్రి తింటే మంచిదా అనేది చూడాలి. మీకు డబుల్ ఎనర్జీ కావాలంటే తప్పకుండా ఉదయం తీసుకోవాలి. వీటితో పాటు పండ్లు కూడా తీసుకుంటే అవే సూపర్ ఫుడ్స్ లా పని చేస్తాయి. రోజంతా కురులకు సరైన విధంగా పోషకాలు అందేందుకు వీలుంటుంది. ఒకవేళ చియా సీడ్స్ ద్వారా రెట్టింపు ప్రయోజనాలు పొందాలంటే మాత్రం రాత్రి పూట తీసుకోవడం మంచిది. రాత్రంతా కురులకు చియా సీడ్స్ ద్వారా అన్ని న్యూట్రియెంట్స్ అందుతాయి. కురులు పెరగాలనేదే మీరు టార్గెట్ గా పెట్టుకుంటే రోజుకు ఒకటి లేదా రెండు టేబుల్ స్పూన్స్ మేర చియా సీడ్స్ వాడవచ్చు. అలా అనుకున్నప్పుడు ఓ టేబుల్ స్పూన్ మేర ఉదయం, మరో టేబుల్ స్పూన్ మేర రాత్రి వాడినా బ్యాలెన్స్ అవుతుంది.
