గ్లాసు నీటిలో ఉసిరి పొడి వేసి రాత్రంతా నానబెట్టాలి. పొద్దున్న లేచిన తర్వాత ఈ మిశ్రమంతో కళ్లు కడుక్కుంటే తాజాగా
ఉండడంతో పాటు మిల మిల మెరుస్తాయి కూడా.
తులసి ఆకులను నూరి ఆ పేస్టును ముఖానికి రాసుకుంటే మచ్చలు పోయి ముఖం అందంగా కనిపిస్తుంది.
టొమాటో, నిమ్మరసం కలిపిన ప్యాక్ ను ముఖానికి పూసుకుంటే చర్మంపై జిడ్డుపోతుంది.
మందారపూవులను నూనెలా తయారు చేసి తలకు రాసుకుని అరగంట తర్వాత తలస్నానం చేస్తే చుండ్రు పోతుంది.
అరటిపండు గుజ్జును కళ్ల చుట్టూ రాసుకుని పావుగంట సేపు అలాగే ఉంచుకోవాలి. ఆ తర్వాత చల్లటి నీళ్లతో కడిగేసుకోవాలి. ఇలా చేయడం వల్ల కంటిచుట్టూ ఏర్పడ్డ నల్లటి వలయాలు తగ్గుతాయి.
గంధం, రోజ్ వాటర్ కలిపి ఆ పేస్టును చెమటకాయలు ఉన్నచోట రాసుకుని పదినిమిషాల తర్వాత చల్లటి నీళ్లతో
కడిగేసుకోవాలి.
ఒత్తైన వెంట్రుకలకు బాదం నూనె రాసుకుంటే అవి రాలిపోవు.
కొన్ని మెంతులు తీసుకుని రాత్రంతా నీటిలో నానబెట్టి పొద్దున వాటిని మెత్తగా రుబ్బుకోవాలి. ఆ పేస్టులో కాస్త తేనె కలిపి ముఖానికి పూసుకుని పదిహేను నిమిషాల తర్వాత చల్లటి నీళ్లతో కడుక్కోవాలి. ఇలా చేయడం వల్ల చర్మం మ్రుదువుగా తయారవుతుంది. వయసు కనిపించదు.
కరివేపాకు చిగురు, పసుపు, వేపాకు కలిపి నూరి మొటిమలకు పెడితే అవి పోతాయి.
అరస్పూను నిమ్మరసానికి కాస్తంత గ్లిజరిన్ జోడించి ముఖానికి రాసుకుంటే ముఖంపై ఉన్న నల్లమచ్చలు పోతాయి.