Egg Yolk Causes Heart Stroke: అనారోగ్యకరమైన జీవనశైలి, తప్పుడు ఆహారపు అలవాట్లు, శారీరక శ్రమ లేకపోవడం అనేక అనారోగ్య సమస్యల్ని తెచ్చిపెడుతోంది. దీంతో చాలామంది ఇటీవల కాలంలో ఆరోగ్యం, ఫిట్ నెస్ పై ప్రత్యేక శ్రద్ధ చూపుతున్నారు. దీంతోపాటు అనేక అపోహాలు కూడా వేగంగా వ్యాపిస్తున్నాయి. గుడ్డు పచ్చ సోన గుండెకు హానికరమని, గుండెపోటు ప్రమాదాన్ని పెంచుతుందనేది అత్యంత ముఖ్యమైన వాదనలలో ఒకటి. బరువు పెరగడం, కొలెస్ట్రాల్ కు భయపడి చాలామంది గుడ్డులోని పచ్చ సోనను పక్కనబెట్టి, తెల్ల సోనను తినడానికి ఆసక్తి చూపుతున్నారు. అయితే, గుడ్డులోని పచ్చ సోన బరువు పెరగడానికి, కొలెస్ట్రాల్ కు కారణమవుతుందన్నది నిజమేనా? ఆరోగ్య నిపుణులు ఈ అపోహ వెనుక ఉన్న నిజాన్ని వివరించారు. గుడ్డు పచ్చ సోన నిజంగా గుండెపోటుకు కారణమవుతుందా? మరి నిపుణులు ఏం చెబుతున్నారో తెలుసుకుందాం.
గుడ్డులోని పచ్చసొన గుండెపోటు ప్రమాదాన్ని పెంచుతుందా?: నిపుణులు ఏం చెబుతున్నారంటే?
ఆరోగ్య నిపుణుల అభిప్రాయం ప్రకారం..లివర్ శరీరంలో 80 శాతం కొలెస్ట్రాల్ ను ఉత్పత్తి చేస్తుంది. దీని అర్థం ఆహార కొలెస్ట్రాల్ రక్త కొలెస్ట్రాల్ ను పెంచడంలో ముఖ్యమైన పాత్ర పోషిస్తుంది. అయితే, గుడ్డు పచ్చ సోన తినడం వల్ల గుండెపోటు లేదా స్ట్రోక్ ప్రమాదం పెరగదని, బదులుగా..ఇది శరీరానికి ఒక ముఖ్యమైన పోషకాలను అందిస్తుంది. 150,000 మందిపై నిర్వహించిన అధ్యాయానంలో రోజుకు ఒక గుడ్డు తినడం వల్ల గుండెజబ్బుల ప్రమాదం పెరగదని తేలిందని నిపుణులు అభిప్రాయపడుతున్నారు.
also read:Green Tea: 30 రోజుల పాటు గ్రీన్ టీ తాగితే శరీరంలో జరిగేది ఇదే!
గుడ్డు పచ్చ సోన ఆరోగ్య ప్రయోజనాలు
ఆరోగ్య నిపుణుల ప్రకారం..గుడ్డు పచ్చ సోనలో ఉండే పోషకాలు శరీరానికి చాలా ముఖ్యమైనవి. గుడ్డు పచ్చ సోనా మన శరీరంలో HDL (మంచి కొలెస్ట్రాల్) ను పెంచుతుంది. ల్యూటిన్, కోలిన్ అనేక ముఖ్యమైన విటమిన్లు గుండె, లివర్, మెదడును ఆరోగ్యంగా ఉంచడంలో సహాయపడతాయి. గుడ్డు పచ్చ సోన బరువు పెరగడానికి లేదా కొలెస్ట్రాల్ పెరగడానికి కారణమవుతుందనే అపోహను నిపుణులు పూర్తిగా అపోహగా తోసిపుచ్చారు. ఇక డయాబెటిస్, అధిక రక్తపోటు లేని ఆరోగ్యకరమైన వ్యక్తి రోజుకు మూడు గుడ్లు తినవచ్చని పేర్కొన్నారు.
సమస్య గుడ్డు పచ్చ సోన కాదు
చాలా సమస్యలు పచ్చ సోనలోనే కాకుండా చేసే వంట పద్ధతిలో కూడా ఉన్నాయని నిపుణులు చెబుతున్నారు. వెన్న, క్రీమ్ లేదా అదనపు నూనెతో తయారు చేసిన గుడ్డు వంటకాలు జీర్ణ సమస్యలను కలిగిస్తాయి. అంతేకాదు కొవ్వును సైతం పెంచుతాయి. అందువల్ల గుడ్లను ఆరోగ్యకరమైన రీతిలో ఉడికించడం అవసరం. ఒక ఉడికించిన గుడ్డులో 77 కేలరీలు, ఫ్యాట్స్ 3.5 గ్రాములు, కొలెస్ట్రాల్ 186 మి.గ్రా, సోడియం 62 మి.గ్రా, కార్బోహైడ్రేట్లు 0.56 గ్రాములు, చక్కెర 0.56 గ్రాములు, ప్రోటీన్ 6.3 గ్రాములు ఉంటాయని నిపుణులు చెబుతున్నారు. గుడ్లలో విటమిన్లు A, D, E, K అనేక B విటమిన్లు కూడా గణనీయమైన స్థాయిలో ఉంటాయంటున్నారు. కాబట్టి అపోహలను వీడి రోజుకు ఒక ఫుల్ ఎగ్ తినవచ్చని చెబుతున్నారు.
నోట్ : ఇందులోని అంశాలు కేవలం అవగాహన కోసం మాత్రమే. అమలు చేసే ముందు సంబంధిత నిపుణులను సంప్రదించడం మంచిది.