Garlic Health Benefits:వంటింట్లో ప్రతిరోజూ ఉపయోగించే పదార్థాల్లో వెల్లుల్లి ఒక ముఖ్యమైనది. వంటకాల్లో రుచిని పెంచడమే కాకుండా ఆరోగ్యానికి కూడా ఇది ఎన్నో ప్రయోజనాలు అందిస్తుంది. సాధారణంగా వెల్లుల్లి ఘాటు రుచి కలిగినప్పటికీ, ఇందులో దాగి ఉన్న ఔషధ గుణాలు శరీరానికి అమోఘమైన మేలు చేస్తాయి. అయితే దీనిని ఎలా తినాలో కూడా ఒక ప్రత్యేకమైన పద్ధతి ఉందని వైద్య నిపుణులు చెబుతున్నారు. సరిగ్గా వాడితే జీర్ణ సమస్యల నుండి మెదడు, లివర్, రోగనిరోధక శక్తి వరకు ఎన్నో ఆరోగ్య లాభాలు దక్కుతాయి.

నేరుగా నమిలి మింగితే..

వెల్లుల్లి నేరుగా నమిలి మింగితే నోటిలో కారం, చేదు రుచులు ఎక్కువగా ఉంటాయి. అందువల్ల నిపుణులు సూచించే విధానం ఏమిటంటే, ముందు ఒకటి రెండు రెబ్బల పొట్టు తీసి కొంచెం నలిపి గోరువెచ్చని నీటితో కలిపి తాగాలి. ఇలా చేస్తే నోటిలో ఎలాంటి ఇబ్బంది అనిపించదు. గోరువెచ్చని నీరు జీర్ణక్రియను సులభతరం చేస్తుంది. పైగా వెల్లుల్లిలోని పోషకాలు త్వరగా శరీరంలోకి చేరతాయి. ఇక్కడ ఒక ముఖ్యమైన విషయం ఏమిటంటే, వెల్లుల్లి తాజాగా ఉండాలి.

Also Read:https://teluguprabha.net/health-fitness/fruits-and-vegetables-to-avoid-in-juice-form-experts-warn/

రక్తపోటు సమస్య

రక్తపోటు సమస్య ఉన్నవారు ఈ విధానం ద్వారా మంచి ఫలితాలు పొందగలరని వైద్యులు చెబుతున్నారు. బీపీ ఎక్కువైందంటే శరీరంలో అనేక రకాల సమస్యలు వచ్చే అవకాశాలు ఉంటాయి. చాలా మంది మందులపై ఆధారపడతారు. అయితే వెల్లుల్లిలో ఉండే అల్లీసిన్, సల్ఫర్ వంటి పదార్థాలు రక్తనాళాలను సడలించి ఒత్తిడిని తగ్గిస్తాయి. దీని ఫలితంగా రక్తపోటు స్థిరంగా ఉండటానికి సహాయపడుతుంది. కాబట్టి, రక్తపోటు సమస్యతో బాధపడుతున్నవారు డాక్టర్ సలహాతో పాటు సహజ వైద్య పద్ధతిగా వెల్లుల్లి వాడితే లాభం ఉంటుంది.

చెడు కొలెస్ట్రాల్ పెరిగితే

రక్తంలోని చెడు కొలెస్ట్రాల్ పెరిగితే గుండెకు ముప్పు ఎక్కువవుతుంది. కొలెస్ట్రాల్ పెరగడం వల్ల శరీరంలో బయటికి కనబడే లక్షణాలు చాలా అరుదుగా ఉంటాయి. కానీ అంతర్గతంగా అవయవాలను దెబ్బతీస్తుంది. దీనివల్ల హృదయ సంబంధిత సమస్యలు, ఊబకాయం, రక్తప్రసరణ సమస్యలు రావచ్చు. వెల్లుల్లిని క్రమం తప్పకుండా తీసుకుంటే అందులోని అల్లిసిన్ పదార్థం చెడు కొలెస్ట్రాల్‌ను తగ్గించడంలో సహాయపడుతుంది. దీనివల్ల గుండె ఆరోగ్యం కాపాడుకోవచ్చు.

మతిమరుపు సమస్య

ఇప్పట్లో చిన్న వయసులోనే మతిమరుపు సమస్య పెరుగుతోంది. దీని వెనుక కారణాల్లో ఒకటి మెదడుకు సరైన రక్తప్రసరణ లేకపోవడం. వెల్లుల్లిలోని యాంటీ ఆక్సిడెంట్లు మెదడు కణాలను రక్షిస్తాయి. ఇవి ఆక్సిడేటివ్ డ్యామేజ్ అనే హానికర ప్రభావాన్ని తగ్గిస్తాయి. కొన్ని పరిశోధనలు వెల్లుల్లి నరాలకు రక్తప్రసరణ మెరుగుపరుస్తుందని నిర్ధారించాయి. కాబట్టి, దీన్ని ఆహారంలో చేర్చుకుంటే జ్ఞాపకశక్తి బలపడుతుంది.

లివర్ పనితీరు

లివర్ పనితీరును కాపాడడంలో వెల్లుల్లి ప్రత్యేక పాత్ర పోషిస్తుంది. శరీరానికి అవసరమైన పోషకాలు అందించడమే కాకుండా విషపదార్థాలను బయటకు పంపడంలో కూడా లివర్ కీలక పాత్ర పోషిస్తుంది. వెల్లుల్లిలోని సల్ఫర్, అల్లిసిన్ వంటి పదార్థాలు లివర్ డ్యామేజ్‌ను నివారించి, కాలేయాన్ని డిటాక్స్ చేయడంలో సహాయపడతాయి. దీంతో ఫ్యాటీ లివర్ వంటి సమస్యలు తగ్గే అవకాశం ఉంటుంది. లివర్ సరిగా పని చేయడం వల్ల మొత్తం శరీర ఆరోగ్యం మెరుగుపడుతుంది.

Also Read: https://teluguprabha.net/health-fitness/kidney-damage-symptoms-and-early-warning-signs-explained/

రోగనిరోధక శక్తి

రోగనిరోధక శక్తి బలహీనంగా ఉంటే తరచూ జలుబు, వైరల్ ఫీవర్, ఇన్ఫెక్షన్లు వచ్చే ప్రమాదం ఉంటుంది. వెల్లుల్లి సహజమైన యాంటీ బ్యాక్టీరియల్, యాంటీ వైరల్, యాంటీ ఫంగల్ గుణాలను కలిగి ఉంటుంది. వీటి వల్ల ఇమ్యూనిటీ బలోపేతం అవుతుంది. క్రమం తప్పకుండా వెల్లుల్లిని తీసుకుంటే శరీరానికి రక్షణ కవచం లాంటిదిగా పనిచేస్తుంది. వాత, కఫ సమస్యల వల్ల కలిగే ఇబ్బందులను కూడా ఇది తగ్గిస్తుంది.

అందరికీ సరిపోదు…

అయితే అందరికీ వెల్లుల్లి సరిపోదు. కొందరికి దీన్ని తింటే అసిడిటీ, అల్సర్ సమస్యలు పెరుగుతాయి. ముఖ్యంగా రక్తం పల్చబడే మందులు, రక్తపోటు ఔషధాలు వాడుతున్న వారు నేరుగా వెల్లుల్లి తీసుకునే ముందు వైద్యుల సలహా తీసుకోవాలి. ఎందుకంటే మందుల ప్రభావాన్ని ఇది ప్రభావితం చేసే అవకాశం ఉంటుంది