Moringa Tea Benefits: మోరింగ అని కూడా పిలువబడే మునగకాయ కేవలం కూరగాయ మాత్రమే కాదు, ఔషధ గుణాల నిధి కూడా! ఈరోజుల్లో దాని ఆకులతో తయారు చేసిన టీ మూలికా ఆరోగ్య ధోరణిలో బాగా ప్రాచుర్యం పొందుతోంది. ఆయుర్వేదంలో, మోరింగ ఆకులను త్రిదోషాలను తగ్గించే మూలికగా పరిగణిస్తారు. ఇందులో విటమిన్లు ఎ, సి, ఇ, కాల్షియం, ఐరన్, ఫైబర్, యాంటీఆక్సిడెంట్లు పుష్కలంగా ఉంటాయి. ఈ టీ ఆకలిని అణిచివేస్తుంది. అతిగా తినకుండా కూడా నిరోధిస్తుంది. ఇది ఆరోగ్యకరమైన టీ కాబట్టి, ప్రతిరోజూ మితంగా తీసుకోవడం వల్ల మంచి ఫలితాలు ఉంటాయి. ఈ నేపథ్యంలో రోజూ మోరింగ టీ తాగడం వల్ల కలిగే అనేక ఆరోగ్య ప్రయోజనాల గురించి ఇక్కడ తెలుసుకునే ప్రయత్నం చేద్దాం.
రోగనిరోధక శక్తి: మోరింగ ఆకులలో ఉండే విటమిన్ సి, ఐరన్ శరీర రోగనిరోధక శక్తిని పెంచుతాయి. జలుబు, దగ్గు, వైరల్ ఇన్ఫెక్షన్లు వంటి ఇతర ఇన్ఫెక్షన్ల నుండి మనల్ని రక్షిస్తాయి.
ఎముకలను బలపరుస్తుంది: ఇది సమృద్ధిగా కాల్షియం, భాస్వరం కలిగి ఉంటుంది. ఇవి ఎముకల బలానికి, ముఖ్యంగా మహిళలకు అవసరం.
also read:Kidney Health: జాగ్రత్త..ఈ డ్రింక్స్తో కిడ్నీలకు ముప్పు..
శరీరాన్ని నిర్విషీకరణ చేస్తుంది: ఈ టీ శరీరం నుండి విషాన్ని బయటకు పంపించి లివర్, కిడ్నీల పనితీరును మెరుగుపరుస్తుంది. తరచుగా ఈ టీని తీసుకుంటే శరీరం తేలికగా అనిపిస్తుంది.
జీర్ణవ్యవస్థను మెరుగుపరుస్తుంది: మురగకాయ టీలోని ఉండే ఫైబర్ కంటెంట్ మలబద్ధకం నుండి ఉపశమనం కలిగిస్తుంది. అంతేకాదు గ్యాస్, అజీర్ణం వంటి సమస్యలను దూరం చేస్తుంది.
రక్తంలో చక్కెర స్థాయిలు: డ్రమ్ స్టిక్ టీని క్రమం తప్పకుండా తీసుకోవడం వల్ల రక్తంలో చక్కెర స్థాయిలు స్థిరంగా ఉంటాయి. ఇది డయాబెటిస్ రోగులకు ఎంతో ప్రయోజనం చేకూరుస్తుంది.
అధిక రక్తపోటు: దీనిలో పొటాషియం, యాంటీఆక్సిడెంట్లు ఉండటం వల్ల ఈ టీ రక్తపోటును నియంత్రించడంలో సహాయపడుతుంది. గుండె జబ్బుల ప్రమాదాన్ని తగ్గిస్తుంది.
చర్మాన్ని ప్రకాశవంతంగా చేస్తుంది: ఈ టీలోని యాంటీఆక్సిడెంట్లు చర్మాన్ని మెరిసేలా చేస్తాయి.
జుట్టు ఆరోగ్యం: మునగ టీలో ఉండే విటమిన్లు A, B జుట్టు మూలాలను బలోపేతం చేస్తాయి. జుట్టు రాలడాన్ని సైతం తగ్గిస్తాయి.
ఒత్తిడి, అలసటను తగ్గిస్తాయి: ఈ టీ శరీరాన్ని సడలించి మానసిక ఒత్తిడిని తగ్గిస్తుంది.
బరువు తగ్గడం: మూరింగ్ టీ ఆకలిని నియంత్రిస్తుంది. జీవక్రియను పెంచుతుంది. ఇది కొవ్వును వేగంగా కరిగించడంలో సహాయపడుతుంది. తద్వారా బరువు నియంత్రణలో ఉంటుంది.
నోట్ : ఇందులోని అంశాలు కేవలం అవగాహన కోసం మాత్రమే. అమలు చేసే ముందు సంబంధిత నిపుణులను సంప్రదించడం మంచిది.
