Dragon Fruit: ఈరోజుల్లో చాలామంది ఆరోగ్యకరమైన జీవనశైలిని అవలంబిస్తున్నారు. ఆరోగ్యాంగా ఉండటానికి పండ్లు, తాజా కూరగాయలు తమ ఆహారంలో భాగం చేసుకుంటున్నారు. అయితే పండ్లలో భాగంగా డ్రాగన్ ఫ్రూట్ కు బాగా డిమాండ్ పెరిగింది. దీనికి కారణం ఇందులో అనేక పోషకాలు దాగి ఉండటం. గుండె ఆరోగ్యం నుండి పేగు ఆరోగ్యం వరకు ప్రతిదానికీ మద్దతు ఇచ్చే ఈ పండులో యాంటీఆక్సిడెంట్లు, ఫైబర్, విటమిన్ సి, ఖనిజాలు పుష్కలంగా ఉన్నాయి. ఈ నేపథ్యంలో డ్రాగన్ ఫ్రూట్ తినడం వల్ల కలిగే ఆరోగ్య ప్రయోజనాల గురించి ఇక్కడ వివరంగా తెలుసుకుందాం.

రోగనిరోధక శక్తి: డ్రాగన్ ఫ్రూట్‌లోని విటమిన్ సి, యాంటీఆక్సిడెంట్లు పుష్కలంగా ఉంటాయి. ఇవి శరీర రోగనిరోధక శక్తిని పెంచుతాయి. ఇది ఫ్రీ రాడికల్స్‌తో పోరాడుతుంది. ఇన్ఫెక్షన్ల నుండి రక్షిస్తుంది. డ్రాగన్ ఫ్రూట్‌ను క్రమం తప్పకుండా తీసుకుంటే జలుబు, దగ్గు, వైరల్ ఇన్‌ఫెక్షన్లను నివారించడానికి సహాయపడుతుంది.

గుండె ఆరోగ్యం: డ్రాగన్ ఫ్రూట్‌లో కనిపించే మోనోశాచురేటెడ్ కొవ్వులు, యాంటీఆక్సిడెంట్లు కొలెస్ట్రాల్‌ను నియంత్రించడంలో సహాయపడతాయి. ఇది రక్తపోటును సమతుల్యం చేస్తాయి. దీనిని తీసుకోవడం వల్ల గుండె జబ్బుల ప్రమాదాన్ని తగ్గిస్తుంది. ఆరోగ్యకరమైన గుండెను నిర్వహిస్తుంది.

Also Read:Avoid Guava: జామకాయ ఆరోగ్యానికి మంచిదే.. కానీ వీళ్లకు మాత్రం కాదు..

జీర్ణక్రియ: ఈ పండులో డైటరీ ఫైబర్ పుష్కలంగా ఉంటుంది. ఇది జీర్ణక్రియకు ప్రయోజనకరంగా ఉంటుంది. ఇది మలబద్ధకం నుండి ఉపశమనం కలిగిస్తుంది. పేగులను శుభ్రపరచడంలో సహాయపడుతుంది. అజీర్ణం, గ్యాస్ లేదా ఉబ్బరంతో బాధపడేవారికి డ్రాగన్ ఫ్రూట్ ఒక అద్భుతమైన ఎంపిక.

బరువు తగ్గడం: డ్రాగన్ ఫ్రూట్ తక్కువ కేలరీలు, అధిక ఫైబర్ కలిగిన పండు. దీని తింటే ఎక్కువసేపు కడుపు నిండిన అనుభూతిని కలుగుతుంది. ఇది పదే పదే తినే అలవాటును నివారిస్తుంది. బరువు తగ్గించే ఆహారంలో దీనిని చేర్చుకోవడం వల్ల ఊబకాయం తగ్గుతుంది.

చర్మం, జుట్టు ఆరోగ్యం: డ్రాగన్ ఫ్రూట్‌లో విటమిన్ సి, బి విటమిన్లు, ఐరన్, భాస్వరం వంటి ఖనిజాలు ఉంటాయి. ఇవి చర్మాన్ని మెరిసేలా చేస్తాయి. అంతేకాదు, బలమైన జుట్టుకు దోహదం చేస్తాయి. దీనిని ఫేస్ మాస్క్‌గా కూడా ఉపయోగించవచ్చు.

నోట్ : ఇందులోని అంశాలు కేవలం అవగాహన కోసం మాత్రమే. అమలు చేసే ముందు సంబంధిత నిపుణులను సంప్రదించడం మంచిది.