Orange: ఆరోగ్యాంగా ఉండాలంటే తరచుగా పండ్లు, తాజా కూరగాయలు తీసుకోవాలి. ఇక పండ్ల విషయానికి వస్తే, ఇవి ఆరోగ్యానికి ఎంత మేలు చేస్తాయో ప్రత్యేకంగా చెప్పాల్సిన అవసరం లేదు. డైలీ డైట్‌లో ఆరంజ్ ఉన్నదంటే అది ఆరోగ్యానికి చాలా పెద్ద బోనస్ లాంటిదే అని చెప్పవచ్చు. విటమిన్ సి, ఫైబర్, శక్తివంతమైన యాంటీ ఆక్సిడెంట్లతో ఉండే ఈ ఆరంజ్ పండు మన శరీరానికి రక్షణ కవచం లాంటిది. చిన్న పిల్లల నుంచి పెద్దల వరకు ఆరెంజ్ తినడం వల్ల ఎన్నో ప్రయోజనాలు కలుగుతాయని ఆరోగ్య నిపుణులు చెబుతున్నారు. ఈ నేపథ్యంలో ప్రతిరోజూ ఒక ఆరంజ్ పండు తినడం వల్ల కలిగే ఆరోగ్య లాభాల గురించి ఈ ఆర్టికల్ ద్వారా తెలుసుకుందాం.

రోగనిరోధక శక్తి: నారింజలు విటమిన్ సి అద్భుతమైన మూలం. ఒక నారింజలో దాదాపు 70-90 mg విటమిన్ సి ఉంటుంది. ఇది రోజువారీ అవసరాన్ని తీర్చడానికి సరిపోతుంది. విటమిన్ సి తెల్ల రక్త కణాల ఉత్పత్తిని ప్రోత్సహించి రోగనిరోధక శక్తిని బలపరుస్తుంది. ఇది జలుబు, ఫ్లూ వంటి సాధారణ వ్యాధులతో పోరాడటానికి ప్రయోజనకరంగా ఉంటుంది. పైగా శరీరాన్ని ఇన్ఫెక్షన్ల నుండి రక్షిస్తుంది.

చర్మం ప్రకాశవంతం: ఆరంజ్ లో విటమిన్ సి కొల్లాజెన్ ఉత్పత్తికి అవసరం, చర్మం నిర్మాణానికి ప్రోటీన్ కూడా అంతే కావాలి. తరచుగా ఆరెంజ్ తినడం వల్ల ఆరోగ్యకరమైన, యవ్వనంగా కనిపించే సొంతం అవుతుంది. ఇంకా నారింజలోని యాంటీఆక్సిడెంట్లు చర్మాన్ని ఫ్రీ రాడికల్ నష్టం నుండి రక్షిస్తాయి. ఇది మెరుస్తూ, వృద్ధాప్య సంకేతాలను నెమ్మదిస్తాయి.

also read:Weight Loss Drink: బరువు తగ్గాలనుకుంటున్నారా..? రాత్రి పడుకునే ముందు ఈ డ్రింక్స్ తాగండి!

గుండె ఆరోగ్యం: ఇందులో ఫైబర్, పొటాషియం, విటమిన్ సి, కోలిన్ వంటి పోషకాలు ఉంటాయి. ఇవి గుండె ఆరోగ్యానికి ఎంతో మంచివి. పొటాషియం రక్తపోటును నియంత్రిస్తుంది. అయితే ఫైబర్ కొలెస్ట్రాల్ స్థాయిలను తగ్గిస్తుంది. అందువల్ల నారింజను క్రమం తప్పకుండా తినడం వల్ల గుండె ఆరోగ్యాన్ని గణనీయంగా మెరుగుపరుస్తుంది.

జీర్ణవ్యవస్థమెరుగుపడుతుంది: మిడిల్ సైజు లో ఉండే నారింజలో సుమారు 3-4 గ్రాముల ఆహార ఫైబర్ ఉంటుంది. ఇది జీర్ణవ్యవస్థకు చాలా ప్రయోజనకరంగా ఉంటుంది. ఫైబర్ మలబద్ధకాన్ని తగ్గిస్తుంది. ప్రేగులను శుభ్రపరచడంలో సహాయపడుతుంది. నారింజలోని ఫైబర్ కడుపు క్యాన్సర్ ప్రమాదాన్ని తగ్గించడంలో కూడా సహాయపడుతుంది. రోజూ నారింజ తినడం సరైన జీర్ణక్రియను నిర్వహించడానికి సహాయపడుతుంది.

కంటి చూపుకు ప్రయోజనాలు: ఇందులో ఉండే విటమిన్ ఎ, కెరోటినాయిడ్స్ వంటి పోషకాలు ఉంటాయి. ఇవి కంటి ఆరోగ్యానికి అవసరం. ఈ పోషకాలు కంటిశుక్లం, వయస్సు సంబంధిత దృష్టి నష్టం ప్రమాదాన్ని తగ్గిస్తాయి. విటమిన్ ఎ రెటీనా ఆరోగ్యాన్ని కాపాడుకోవడానికి సహాయపడుతుంది.

తక్షణ శక్తి, బరువు తగ్గడం: నారింజలో ఫ్రక్టోజ్, కార్బోహైడ్రేట్లు ఉంటాయి. ఇవి తక్షణ శక్తిని అందిస్తాయి. వాటిలో అధిక ఫైబర్, నీటి శాతం ఉండటం వల్ల ఎక్కువసేపు కడుపు భావన అనిపిస్తుంది. ఇది అదనపు కేలరీల తీసుకోవడం తగ్గిస్తుంది. అందువల్ల నారింజ పండ్లు తింటే బరువు సులభంగా తగ్గవచ్చు.