Health Benefits Of Muskmelon Seeds: వేసవికాలం వస్తే చల్లగా, తీపిగా ఉండే కర్బూజ పండు తినకుండా చాలా మందికి రోజు పూర్తి కాదనే చెప్పాలి. ఈ పండు రుచి మాత్రమే కాదు, ఆరోగ్యానికి ఇస్తున్న మేలుకూడా విశేషమే. ఫైబర్, విటమిన్ సి, విటమిన్ ఎ, నీటి శాతం అధికంగా ఉండే ఈ పండు శరీరానికి సహజ హైడ్రేషన్ ఇస్తుంది. కానీ మనలో చాలామంది కర్బూజ తిన్నాక దాని గింజలను వదిలేస్తారు. అయితే ఆ చిన్న గింజల్లో దాగి ఉన్న ఆరోగ్య రహస్యం తెలుసుకుంటే మీరు ఇకపై వాటిని పారేయరని నిపుణులు చెబుతున్నారు.
గింజల్లో ఉండే పోషకాలు..
కర్బూజ గింజల్లో ఉండే పోషకాలు మన శరీరానికి చాలా రకాలుగా ఉపయోగపడతాయి. ముఖ్యంగా వీటిలో ఒమేగా-3 ఫ్యాటీ యాసిడ్లు, ప్రోటీన్, విటమిన్లు, మినరల్స్ వంటి ముఖ్యమైన పోషకాలు ఉన్నాయి. ఇవి గుండె ఆరోగ్యం నుంచి చర్మ కాంతి వరకు శరీరంలోని అనేక వ్యవస్థలను మేలు చేయగలవు.
గుండె ఆరోగ్యాన్ని…
ముందుగా గుండె ఆరోగ్యాన్ని తీసుకుంటే, కర్బూజ గింజల్లో ఉండే ఒమేగా-3 ఫ్యాటీ యాసిడ్లు రక్త ప్రసరణను సరిగ్గా ఉంచుతాయి. ఇవి హృద్రోగాల ప్రమాదాన్ని తగ్గించడంలో కీలక పాత్ర పోషిస్తాయి. అలాగే ఆక్సిడేటివ్ స్ట్రెస్‌ అనే కణ నష్టాన్ని తగ్గించే శోథ నిరోధక లక్షణాలు కూడా వీటిలో ఉంటాయి. దీనివల్ల గుండె కండరాలు బలంగా మారి రక్తప్రవాహం సజావుగా జరుగుతుంది.
జీర్ణక్రియ పరంగా..
జీర్ణక్రియ పరంగా కూడా కర్బూజ గింజలు ప్రయోజనకరమే. వీటిలో ఉండే డైటరీ ఫైబర్ ప్రేగుల కదలికను సులభతరం చేస్తుంది. ఫైబర్ అధికంగా ఉండడం వల్ల మలబద్ధకం సమస్యను తగ్గించి ఆహారాన్ని జీర్ణం చేయడంలో సహాయపడుతుంది. రెగ్యులర్‌గా కర్బూజ గింజలు తింటే జీర్ణవ్యవస్థ సమతుల్యంగా ఉంటుంది.
రోగనిరోధక శక్తిని …
రోగనిరోధక శక్తిని పెంచడంలో కూడా ఈ గింజలు ప్రత్యేక పాత్ర పోషిస్తాయి. వీటిలో విటమిన్ సి సమృద్ధిగా ఉంటుంది. ఇది శరీరంలోని రోగనిరోధక కణాలను చురుకుగా ఉంచి ఇన్ఫెక్షన్‌లను ఎదుర్కోవడంలో సహాయపడుతుంది. అంతేకాదు, యాంటీఆక్సిడెంట్లు సమృద్ధిగా ఉండడం వల్ల శరీరంలో విషతుల్య పదార్థాల ప్రభావం తగ్గుతుంది.
చర్మ ఆరోగ్యం..
చర్మ ఆరోగ్యం విషయానికి వస్తే, కర్బూజ గింజలు చర్మానికి అవసరమైన విటమిన్ ఎ, సి, ఇ వంటి పోషకాలను అందిస్తాయి. ఇవి చర్మంలోని కొల్లాజెన్ ఉత్పత్తిని పెంచుతాయి. కొల్లాజెన్ చర్మాన్ని గట్టి, తేమగా ఉంచి వృద్ధాప్య లక్షణాలను ఆలస్యం చేస్తుంది. ఈ కారణంగా చర్మం కాంతివంతంగా కనిపిస్తుంది. రోజూ కొద్దిగా కర్బూజ గింజలు తింటే చర్మంలో సహజ ప్రకాశం వస్తుంది.
జుట్టు సంరక్షణలో..
జుట్టు సంరక్షణలో కూడా ఈ గింజలు మేలు చేస్తాయి. వీటిలో ఉండే ప్రోటీన్ మరియు విటమిన్ ఇ జుట్టు వేర్లను బలపరచి, జుట్టు రాలడాన్ని తగ్గిస్తాయి. కర్బూజ గింజల్లో ఉండే మాగ్నీషియం మరియు జింక్ తల చర్మంలో రక్త ప్రసరణను మెరుగుపరుస్తాయి, దీంతో జుట్టు పెరుగుదల సహజంగా జరుగుతుంది.
ఎముకల ఆరోగ్యాన్ని…
ఎముకల ఆరోగ్యాన్ని కాపాడడంలో కర్బూజ గింజల్లో ఉన్న కాల్షియం, ఫాస్పరస్, మాగ్నీషియం కీలక పాత్ర పోషిస్తాయి. ఈ మినరల్స్ ఎముకలకు బలం ఇచ్చి, వయసుతో వచ్చే ఎముకల బలహీనతను నివారించగలవు. నిరంతరం కర్బూజ గింజలను తినడం వలన కీళ్ల నొప్పులు, ఎముకల దృఢత తగ్గడం వంటి సమస్యలు తగ్గుతాయని నిపుణులు చెబుతున్నారు.
శరీరంలోని కణజాలాలను..
అలాగే ఈ గింజల్లో ఉన్న ప్రోటీన్ శరీరంలోని కణజాలాలను పునరుద్ధరించడంలో సాయపడుతుంది. ఇది శరీరానికి శక్తినిస్తుంది. ఆరోగ్యకరమైన డైట్‌లో కర్బూజ గింజలను చేర్చడం ద్వారా శరీరం తేలికగా, చురుకుగా అనిపిస్తుంది.
చర్మ సంరక్షణ ఉత్పత్తులు
మరొక ముఖ్యమైన విషయం ఏమిటంటే, ఈ గింజలు చర్మ సంరక్షణ ఉత్పత్తుల తయారీలో కూడా ఉపయోగిస్తారు. వీటిలో ఉండే సహజ నూనెలు చర్మాన్ని మృదువుగా ఉంచి తేమను నిలిపి ఉంచుతాయి. అందుకే కొన్ని బ్యూటీ ప్రోడక్ట్స్‌లో కర్బూజ సీడ్ ఆయిల్‌ కూడా ఉపయోగిస్తారు.
కర్బూజ గింజలను తినే పద్ధతి కూడా చాలా సులభం. పండును కోసిన తర్వాత గింజలను శుభ్రంగా కడిగి ఎండబెట్టి నిల్వ చేసుకోవచ్చు. వీటిని వేయించి తినవచ్చు లేదా సలాడ్‌లలో కలపవచ్చు. కొన్ని మంది వీటిని పొడిచేసి స్మూతీలు లేదా జ్యూసుల్లో కూడా కలుపుతారు.
