Health benefits of palm jaggery:తాటి బెల్లం సహజంగా రుచికరమైనదే కాకుండా, ఆరోగ్యానికి కూడా మేలును అందిస్తుంది. ఇది సాధారణ చక్కెరతో పోలిస్తే కెమికల్స్ లేని స్వచ్ఛమైన ఆహారం. తీపి రుచితో పాటు ఇందులో కొద్దిగా కారామెల్ తరహా ఫ్లేవర్ ఉండడం ప్రత్యేకత. గోధుమరంగులో ఉండే ఈ బెల్లం రుచి మాత్రమే కాకుండా పోషకాల వల్ల కూడా మంచి గుర్తింపు పొందింది.

పంచదారకు బదులుగా..

తాటి బెల్లంలో ఐరన్, కాల్షియం, మెగ్నీషియం, ఫాస్ఫరస్, పొటాషియం వంటి ఖనిజాలు ఉంటాయి. వీటివల్ల శరీరానికి అవసరమైన పౌష్టికత లభిస్తుంది. కెమికల్స్ లేకుండా తయారు చేయబడటమే దీని ప్రధాన విశేషం. అందువల్ల దీన్ని సాధారణ బెల్లం లేదా పంచదారకు బదులుగా ఉపయోగించవచ్చు.

Also Read:https://teluguprabha.net/lifestyle/foods-that-accelerate-aging-expert-warning/

ఐరన్ అధికంగా

రక్తహీనతతో బాధపడేవారికి తాటి బెల్లం ఉపయోగకరమని చెబుతారు. ఐరన్ అధికంగా ఉండడం వల్ల రక్తంలో హిమోగ్లోబిన్ పెరగడానికి సహాయపడుతుంది. రక్తహీనత కారణంగా శరీరంలో వచ్చే బలహీనత, అలసట వంటి సమస్యలు తగ్గేందుకు ఇది తోడ్పడుతుంది. అలాగే మెగ్నీషియం నరాలకు ఆరామం కలిగించి నాడీ వ్యవస్థ పనితీరుకు మద్దతు ఇస్తుంది. అయితే ఎలాంటి ఆహారాన్ని ఎక్కువ మోతాదులో తీసుకోవడం మంచిది కాదనే జాగ్రత్త పాటించాలి.

ఎముకల ఆరోగ్యానికి

ఎముకల ఆరోగ్యానికి కూడా ఈ బెల్లం ఉపయోగకరంగా ఉంటుంది. కాల్షియం, ఫాస్ఫరస్ సమృద్ధిగా ఉండటం వలన ఎముకలు, దంతాలు బలపడతాయి. అలాగే పొటాషియం జీవక్రియను మెరుగుపరుస్తుంది. రక్తపోటు నియంత్రణకు కూడా ఇది సహాయం చేస్తుంది. సహజంగా తయారైన ఈ తీపి పదార్థం శరీరానికి అనవసరమైన హానికర కెమికల్స్‌ని అందించదు. అయినప్పటికీ ఎవరికైనా ప్రత్యేక ఆరోగ్య సమస్యలు ఉంటే, వారు వైద్యుల సలహా తీసుకున్న తర్వాతే దీన్ని రోజువారీ ఆహారంలో చేర్చుకోవడం మంచిది.

ఎంజైమ్స్ ఉత్పత్తి

జీర్ణక్రియ విషయంలో కూడా తాటి బెల్లం సహాయపడుతుంది. ఇది పేగులో ఎంజైమ్స్ ఉత్పత్తిని పెంచి మలబద్ధకం, అసిడిటీ, అజీర్ణం వంటి సమస్యల నుండి ఉపశమనం కలిగిస్తుంది. విటమిన్లు, యాంటీఆక్సిడెంట్లు అధికంగా ఉండటం వలన రోగనిరోధక శక్తి పెరుగుతుంది. తరచుగా దీనిని వాడితే సీజనల్ వ్యాధుల నుంచి రక్షణ లభిస్తుంది.

లివర్‌ను డిటాక్స్

శరీరాన్ని శుభ్రం చేసే గుణాలు కూడా తాటి బెల్లంలో ఉన్నాయి. ఇది లివర్‌ను డిటాక్స్ చేయడంతో పాటు రక్తంలోని మలినాలను తొలగించడంలో సహాయం చేస్తుంది. ఇందులో ఉండే కార్బోహైడ్రేట్లు నెమ్మదిగా శక్తిని విడుదల చేస్తాయి. దీంతో రోజంతా శక్తివంతంగా ఉండగలుగుతారు. వాపులను తగ్గించే లక్షణాలు ఉండటంతో శ్వాసకోశ సమస్యలు, ముఖ్యంగా బ్రాంకైటిస్ లేదా ఆస్తమా వంటి సమస్యలకు కొంతవరకు ఉపశమనం లభిస్తుంది.

Also Read: https://teluguprabha.net/health-fitness/health-risks-of-eating-bitter-gourd-seeds/

ఐరన్, మెగ్నీషియం

సాధారణ బెల్లం, తాటి బెల్లం రెండింటిలోనూ పోషకాలు ఉంటాయి. కానీ తాటి బెల్లంలో ఐరన్, మెగ్నీషియం వంటి ఖనిజాలు కొంచెం ఎక్కువగా ఉంటాయి. రక్తంలో చక్కెర స్థాయిలను నెమ్మదిగా పెంచే గుణం ఉండటంతో షుగర్ సమస్యలున్న వారికి ఇది మరింత అనుకూలంగా భావించబడుతుంది. అలాగే తాటి బెల్లం వంటకాలకు ప్రత్యేకమైన స్మోకీ ఫ్లేవర్‌ను అందిస్తుంది. తక్కువ ప్రాసెస్‌లో తయారు చేయబడటం దీని మరో ముఖ్యమైన లక్షణం.

జీర్ణ సమస్యలను..

అయితే బెల్లం, తాటి బెల్లం రెండూ వేర్వేరు గుణాలతో ఉంటాయి. ఒకటి మరొకదానికంటే పూర్తిగా మెరుగైనదని చెప్పడం కష్టం. శరీరానికి కూడా మేలు చేస్తాయి. జీర్ణ సమస్యలను తగ్గించుకోవాలనుకునే వారు తాటి బెల్లాన్ని ఎంచుకోవచ్చు. రుచి, అవసరం ఆధారంగా ఎవరికి నచ్చితే వారు దానిని ఎంచుకోవచ్చు.

తాటి బెల్లాన్ని అనేక రకాలుగా వాడుకోవచ్చు. టీ, కాఫీ లో చక్కెర బదులుగా వేసుకోవచ్చు. పాయసం, పరమాన్నం, లడ్డూలు వంటి స్వీట్లు తయారు చేసేప్పుడు వాడితే సహజమైన తీపి రుచి వస్తుంది. కేక్స్, కుకీలు, మఫిన్స్ వంటి పాశ్చాత్య వంటకాల్లో కూడా దీన్ని వాడొచ్చు. అంతేకాదు, ఏ సమయంలోనైనా స్వీట్స్ తినాలని అనిపిస్తే కొద్దిగా తాటి బెల్లం తింటే శక్తి లభిస్తుంది.