Kitchen tips: వంటింటి చిట్కాలు కొన్ని

 నెయ్యి పేరుకుపోకుండా ఉండలంటే మీగడ కట్టేటప్పుడు కొద్దిగా నీళ్లు చల్లాలి.
 అల్లం ముక్కలు ఎండబెట్టి టీలో వేస్తే ఆ టీ ఎంతో రుచిగా ఉంటుంది.
 పూరీలు వేగించేటప్పుడు తెల్లగా ఉండాలంటే వేడి నూనెలో నాలుగైదు జామ ఆకులు వేయాలి.
 దోశె, పకోడీ, జంతికలు లాంటివి చేసేటప్పుడు ఆ పిండిలో కొద్దిగా పాలు వేసి కలపాలి. ఆ తర్వాత పిండిలో ఉప్పు కలపాలి. ఇలా చేస్తే అవి ఎంతో రుచిగా ఉంటాయి.
 ఎక్కువ ప్రమాణంలో వెల్లుల్లిపాయల పొట్టుతీయాల్సి వచ్చినపుడు వాటిని ఐదునిమషాలు గోరువెచ్చని నీటిలో నానబెట్టి తర్వాత పొడి బట్టతో తుడిస్తే వాటి పొట్టు సులభంగా వచ్చేస్తుంది.
 కత్తిపీటకు ఉప్పు రాస్తే పదునుగా అవుతుంది.
 బ్రెడ్ ప్యాకెట్ లో బంగాళాదుంప ముక్కలు ఉంచితే ఆ బ్రెడ్ తొందరగా పాడవదు.

 గాలిచొరబడని గాజుసీసాలో బాదం పప్పులు పోసి ఫ్రిజ్ లోపెడితే అవి వాసన రావు. పురుగుపట్టవు. ఎంతో తాజాగా కూడా ఉంటాయి.
 పాల గిన్నె అడుగున మందంగా పేరుకున్నట్టు ఉండకుండా ఉండాలంటే పాలు కాచే ముందర అందులో కొన్ని నీళ్లు పోసి ఐదు నిమిషాలు అలాగే ఉంచి ఆ తర్వాత ఆ నీళ్లను ఒపేసి అందులో పాలు పోసి కాచాలి. ఇలా చేయడం వల్ల పాలగిన్నె అడుగున మందంగా పేరుకుపోకుండా ఉండడంతో పాటు
గిన్నెను శుభ్రం చేసుకోవడం కూడా ఎంతో సులువవుతుంది.
 పుణుగులు వంటివి ఆయిల్ పీల్చకుండా ఉండాలంటే పుణుగుల పిండిలో ఒకటి లేదా రెండు స్పూన్ల బియ్యప్పిండిని కలిపితే చాలు. అవి నూనె పీల్చవు.
 యాలకులు ఫైన్ పౌడర్ లా రావాలంటే కొద్దిగా షుగర్ వేసి గ్రైండ్ చేసుకోవాలి.
 నిమ్మకాయలు కొన్ని రోజులు అయిన తర్వాత నల్లగా ఎండినట్టు అవుతాయి. ఇలా అవకుండా అవి తాజాగా ఉండాలంటే ఒక పేపర్ లో వాటిని చుట్టి జిప్ లాక్ కవర్ లో పెట్టి ఫ్రిజ్ లో ఉంచితే చాలాకాలం తాజాగా ఉంటాయి.
 ఉల్లిపాయలు కట్ చేస్తుంటే కళ్లల్లోంచి నీళ్లు వస్తాయి కదా. అలా రాకుండా ఉండాలంటే ఉల్లిపాయ పైపొట్టు తీసి వాటిని పదిహేను నించి ఇరవై నిమిషాల దాకా నీళ్లల్లో వేసి ఆ తర్వాత కట్ చేసుకోవాలి.
 ఉల్లిపాయలు, వెల్లుల్లి, క్యాబేజీ, కాలిఫ్లవర్ వంటి వాటిని కట్ చేసినపుడు వాటి వాసన చేతులకు అంటిపెట్టుకుని ఉంటుంది. ఆ గాఢమైన వాసన పోవాలంటే చేతులో కొద్దిగా బేకింగ్ సోడా వేసుకుని కొంచెంసేపు శుభ్రంగా రుద్దికడిగితే చేతులకు అంటిపెట్టుకుని ఉన్న ఆ వాసన పోతుంది. అలా కాకుండా నీళ్లల్లో ఒక టీస్పూను వెనిగర్ లేదా నిమ్మరసం వేసి బాగా కలిపి ఆ నీటిలో చేతులు ముంచి కడుక్కున్నా కూడా చేతులకు అంటిన ఉల్లి, ఇతర వాటి గాఢమైన వాసన పోతుంది.
 బటర్ ముక్కను ఫ్రిజ్ నించి తీసిన వెంటనే బ్రెడ్ పై పూయడానికి సాధ్యపడదు కాబట్టి కొన్ని వేడినీళ్లు కాచి వాటిని గాజు గ్లాసులో పోసి వెంటనే ఆ నీటిని వంపేసి వేడిగా ఉన్న ఆ గ్లాసును బట్టర్ ముక్కపై బోర్లించి కాసేపు ఉంచాలి. ఇలా చేస్తే గట్టిగా ఉన్న బటర్ మెత్తగా అవుతుంది. అప్పుడు దాన్ని బ్రెడ్ పై పూయడం సులభం అవుతుంది.
 రెండు రోజులకు బ్రెడ్ గట్టిగా అవుతుంది. అలాంటప్పుడు దానిపై కొద్దిగా నీళ్లు పోసి మైక్రోవొవెన్ లో పదిసెకన్లు పెట్టి తీస్తే బ్రెడ్ మెత్తగా, మ్రుదువుగా అవుతుంది.
 కూరగాయలు తరిగే ఛాపింగ్ బోర్డు తరచూ వాడుతుంటాం కాబట్టి రంగు వెలుస్తుంది. అలాంటప్పుడు వంటల్లో వాడుకునే ఉప్పు దానిపై చల్లి నిమ్మ డిప్పతో దాన్ని బాగా రుద్ది ఐదు నిమిషాలు అలాగే ఉంచాలి. ఆ తర్వాత చల్లటి నీళ్లతో కడిగితే ఛాపింగ్ బోర్డు ఎంతో క్లీన్ గా తయారవుతుంది.
 వెల్లుల్లిపాయల ఘాటు కూరల్లో తక్కువగా ఉండాలనుకునేవాళ్లు వాటిని సన్నగా ముక్కలుగా చేసి కూరల్లో వేసుకోవాలి. వెల్లుల్లి ఘాటూ బాగా కావాలనుకునేవాళ్లు ముక్కలు చేసిన వెల్లుల్లిపాయలపై చాకుతో గట్టిగా వొత్తి వంటపదార్థాల్లో వేస్తే వెల్లుల్లి వాసన బాగా వస్తుంది.