Telugu Health News : చాలామందికి భోజనం పూర్తి చేయగానే ఏదైనా స్వీట్ లేదా చాక్లెట్ తినాలనిపిస్తుంది. దీనిని సాధారణంగా ‘షుగర్ క్రేవింగ్స్’ (Sweet Cravings) అని అంటాం. ఇది కేవలం అలవాటు మాత్రమే కాదు, మన శరీరంలో గ్లూకోజ్ స్థాయిలు , హార్మోన్ల పనితీరులో వచ్చే మార్పుల వల్ల కలిగే కోరిక. ముఖ్యంగా మనం కార్బోహైడ్రేట్లు ఎక్కువగా ఉండే ఆహారం తీసుకున్నప్పుడు, శరీరంలో ఇన్సులిన్ స్థాయిలు వేగంగా పెరిగి, తిరిగి అంతే వేగంగా తగ్గిపోతాయి. దీనివల్ల మన మెదడు శక్తి కోసం తక్షణమే తీపి పదార్థాలను కోరుకుంటుంది.
Amazon Deals : 47% డిస్కౌంట్తో Portronics 4K ప్రొజెక్టర్.. ఇంట్లోనే స్టేడియం ఫీలింగ్.!
తీపి క్రేవింగ్స్ వెనుక ఉన్న ఆరోగ్య కారణాలు
- మెగ్నీషియం లోపం: భోజనం తర్వాత స్వీట్స్ తినాలనే కోరిక కలగడానికి శరీరంలో మెగ్నీషియం లేదా ఇతర పోషకాల లోపం ఉన్నప్పుడు చక్కెర కలిగిన ఆహారాల మీద కోరిక పెరుగుతుంది.
- సెరోటోనిన్ హార్మోన్: తీపి పదార్థాలు తినడం వల్ల మెదడులో ‘సెరోటోనిన్’ అనే హ్యాపీ హార్మోన్ విడుదలవుతుంది. ఇది మనకు మానసిక ప్రశాంతతను , సంతోషాన్ని ఇస్తుంది. అందుకే ఒత్తిడిలో ఉన్నప్పుడు కూడా స్వీట్స్ తినాలనిపిస్తుంది.
- జీర్ణక్రియలో మార్పులు: మనం తీసుకున్న ఆహారం సరిగ్గా అరగనప్పుడు లేదా రక్తంలో చక్కెర స్థాయిలు అకస్మాత్తుగా తగ్గినప్పుడు శరీరం తక్షణ శక్తి కోసం గ్లూకోజ్ను అడుగుతుంది.
- నిద్ర లేమి: సరిగ్గా నిద్రపోని వారిలో ఆకలిని పెంచే హార్మోన్లు ఎక్కువగా విడుదలవుతాయి, దీనివల్ల భోజనం తర్వాత కూడా ఏదో ఒకటి తినాలనిపిస్తుంది, ముఖ్యంగా తీపి వస్తువులు.
దీనిని ఎలా నియంత్రించుకోవాలి?
అతిగా తీపి పదార్థాలు తీసుకోవడం వల్ల మధుమేహం (Diabetes), ఊబకాయం వంటి సమస్యలు వచ్చే అవకాశం ఉంది. అందుకే ఈ క్రేవింగ్స్ను తగ్గించుకోవడానికి కొన్ని జాగ్రత్తలు పాటించాలి. భోజనంలో ప్రోటీన్లు , ఫైబర్ (పీచు పదార్థం) ఎక్కువగా ఉండేలా చూసుకోవాలి. ఇవి రక్తంలో చక్కెర స్థాయిలను స్థిరంగా ఉంచుతాయి.
ఒకవేళ తీపి తినాలనిపిస్తే.. పంచదారతో చేసిన స్వీట్లకు బదులుగా పండ్లు లేదా కొద్దిగా బెల్లం తీసుకోవడం ఆరోగ్యానికి మంచిది. అలాగే రోజుకు సరిపడా నీరు తాగడం వల్ల కూడా అనవసరమైన ఆకలిని, తీపి కోరికలను తగ్గించుకోవచ్చు.
Oppo K14 Turbo Leaks : ఒప్పో నుంచి కొత్త టర్బో ఫోన్.. అదిరిపోయే ఫీచర్లు, లాంచ్ డేట్ ఇవే.!