Thyroid symptoms: మనం తినే ఆహారంతో పాటుగా వాతావరణ కాలుష్యం కారణంగా ఎన్నో అనారోగ్య సమస్యలు వెంటాడుతున్నాయి. అలాంటి సమస్యల్లో థైరాయిడ్ ఒకటి. ఇది చాలా మందిని వేధించే దీర్ఘకాలిక వ్యాధి. థైరాయిడ్ అనగానే కేవలం గొంతులో వాపుకు సంబంధించినదిగా భావిస్తారు. కానీ లక్షణాలు శరీరం అంతటా కనిపిస్తాయని ఆరోగ్యనిపుణులు చెబుతున్నారు.
అశ్రద్ధతో మరింత ప్రమాదం: శరీర బరువు పెరగడం లేదా తగ్గడం థైరాయిడ్ ప్రారంభ లక్షణాలు. ఇలాంటి లక్షణాలు ఉంటే అశ్రద్ధ చేయకుండా వెంటనే వైద్యులను సంప్రదించాలని ఆరోగ్య నిపుణులు సూచిస్తున్నారు. థైరాయిడ్ గ్రంథి పెరగడం లేదా దాని పరిమాణం తగ్గడం రెండూ అనారోగ్యానికి కారణాలే. వీటికి సకాలంలో చికిత్స అందించకుంటే పరిస్థితి మరింత దిగజారే అవకాశం ఉంటుందని ఆరోగ్య నిపుణులు హెచ్చరిస్తున్నారు.
Also read-Daily habits: ఉదయం లేచిన వెంటనే ఇలా చేస్తే.. మీ రోజంతా సూపర్ అవుతుంది
థైరాయిడ్ వ్యాధి అనగా: శరీర బరువు పెరగడం లేదా తగ్గడం లేదా గొంతు వాపెక్కడం జరుగుతే.. థైరాయిడ్ గ్రంథి సరిగ్గా పనిచేయడం లేదని అర్థం. అయితే ఈ వ్యాధి రెండు రకాలు. హైపోథైరాయిడిజం అనగా తక్కువ థైరాయిడ్ చర్య. హైపర్ థైరాయిడిజం అనగా అధిక థైరాయిడ్ చర్యగా వైద్య నిపుణులు అంచనావేస్తారు.ఈ రెండు సందర్భాలలోనూ లక్షణాలు కనిపిస్తాయి. అయితే చాలా థైరాయిడ్ కేసులను మందులతో చికిత్స చేయవచ్చు. కొన్ని ప్రత్యేక పరిస్థితులలో శస్త్రచికిత్స అవసరం అవుతుందని వైద్య నిపుణులు తెలిపారు.
థైరాయిడ్ గ్రంథుల ప్రధాన విధి: మెడ ముందు భాగంలో సీతాకోకచిలుక ఆకారంలో థైరాయిడ్ గ్రంథి ఉంటుంది. ఇది గ్రంథి థైరాయిడ్ హార్మోన్ను ఉత్పత్తి చేస్తుంది. ట్రైఅయోడోథైరోనిన్ (T3), గ్రంథి థైరాక్సిన్ (T4) వంటి థైరాయిడ్ హార్మోన్లను ఉత్పత్తి చేసి విడుదల చేయడానికి పనిచేస్తుంది. శరీరానికి ఈ రెండు హార్మోన్లు కూడా అవసరం. థైరాయిడ్ హార్మోన్ జీవక్రియ వేగాన్ని నియంత్రించడం..ఆహారాన్ని శక్తిగా మార్చడంకు ఉపయోగపడును. దీనిలో ఏదైనా ఆటంకం ఏర్పడితే దాని ప్రభావ శరీరంపై పడుతుంది.
Also read-Neck pain: నిద్రలో హీలింగ్ కావాలా? అయితే మీ దిండును మార్చాల్సిందే!
థైరాయిడ్ లక్షణాలు: బరువు పెరగడం,అలసట, చలిని తట్టుకోలేకపోవడం, మలబద్ధకం హైపోథైరాయిడిజం సాధారణ లక్షణాలు. హైపర్ థైరాయిడిజం వల్ల హృదయ స్పందన రేటు పెరగడం, విరేచనాలు, బరువు తగ్గడం, ఆందోళన, చిరాకు వంటివి సంభవిస్తాయి. ఈ రెండు పరిస్థితులలోనూ థైరాయిడ్ గ్రంథి పెద్దదిగా మారును.