Guava Leaves Benefits: జామ పండు తినడానికి రుచికరంగా ఉండడమే కాకుండా ఆరోగ్యానికి ఎన్నో ప్రయోజనాలు అందిస్తుంది. జామ పండ్లలో విటమిన్ సి, ఫైబర్, విటమిన్లు ఎ, బి, యాంటీఆక్సిడెంట్లు వంటి పోషకాలు పుష్కలంగా ఉంటాయి. దీని రెగ్యులర్ వినియోగం రోగనిరోధక శక్తిని పెంచడంలో సహాయపడుతుంది. ఈ పండు ఆమ్లతను ఎదుర్కోవడానికి సహాయపడుతుంది. శరీరాన్ని వైరస్‌ల నుండి రక్షిస్తుంది. అయితే, మీకు తెలుసా జమ పండు మాత్రమే కాదు దాని ఆకులు కూడా ఆరోగ్యానికి చాలా మేలు చేస్తాయని? అవును, ఉదయం కొన్ని జామ ఆకులను నమిలి తింటే అది మన ఆరోగ్యానికి చాలా మేలు చేస్తుంది. జామ ఆకులను తినడం ద్వారా కలిగే ఆరోగ్య ప్రయోజనాలు గురించి తెలుసుకుందాం.
జామ ఆకులు తీసుకుంటే కడుపుకు ఎంతో మేలు చేస్తాయి. వీటిలో ఉండే ఫైబర్, యాంటీ-మైక్రోబయల్ లక్షణాలు కడుపులో గ్యాస్, ఆమ్లత్వం, మలబద్ధకం వంటి సమస్యను దూరం చేస్తాయి. ఉదయం ఖాళీ కడుపుతో ఈ ఆకులను నమలడం వల్ల జీర్ణ ఎంజైమ్‌లు సక్రియం అవుతాయి. దీంతో ఆహారం సులభంగా జీర్ణమవుతుంది.
ఈ ఆకులు రక్తంలో చక్కెర స్థాయిలను తగ్గించే సామర్థ్యాన్ని కలిగి ఉంటాయి. ఇది ఇన్సులిన్ సున్నితత్వాన్ని మెరుగుపరుస్తుంది. అదేవిధంగా గ్లూకోజ్ శోషణను నెమ్మదిస్తుంది. దీంతో షుగర్ అదుపులో ఉంటుంది. డయాబెటిక్ రోగులు ఉదయం ఖాళీ కడుపుతో జామ ఆకుల పానీయాన్ని తాగడం ప్రయోజనకరంగా ఉంటుంది.
Also Read: Almond Benefits: బాదం పప్పు ఇలా తింటే ఆరోగ్యానికి ఎంతో మేలు..
జామ ఆకులలో కేలరీలు చాలా తక్కువగా ఉంటాయి. దీని వినియోగం జీవక్రియను పెంచుతాయి. దీనితో పాటు, ఇవి కార్బోహైడ్రేట్ల శోషణను తగ్గించడం ద్వారా బరువును నియంత్రించడంలో సహాయపడుతుంది. ఇందులో విటమిన్-సి, యాంటీఆక్సిడెంట్లు పుష్కలంగా ఉంటాయి. ఇవి శరీర వ్యాధులతో పోరాడే సామర్థ్యాన్ని బలోపేతం చేస్తాయి. జామ ఆకులు తినడం వల్ల జలుబు, దగ్గు ప్రమాదం తగ్గుతుంది.
కొలెస్ట్రాల్ మరియు గుండె ఆరోగ్యానికి ఉపయోగపడుతుంది
జామ ఆకులు చెడు కొలెస్ట్రాల్ (LDL) ను తగ్గించడంలో మరియు మంచి కొలెస్ట్రాల్ (HDL) ను పెంచడంలో సహాయపడతాయి. ఇది గుండె జబ్బులు మరియు అధిక రక్తపోటు ప్రమాదాన్ని తగ్గిస్తుంది.
జమ ఆకులూ చర్మం, జుట్టుకు ఎంతో ఉపయోగపడుతుంది. ఇందులో ఉండే ఉండే యాంటీఆక్సిడెంట్లు చర్మాన్ని ఫ్రీ రాడికల్స్ నుండి రక్షిస్తాయి. తద్వారా ముడతలు, మొటిమలను తగ్గిస్తాయి. జామ ఆకులలో యాంటీ బాక్టీరియల్ లక్షణాలు ఉంటాయి. ఇవి నోటిలోని హానికరమైన బ్యాక్టీరియాను తొలగిస్తాయి. వాటిని నమలడం వల్ల చిగుళ్ల వాపు, పంటి నొప్పి నుండి ఉపశమనం లభిస్తుంది.
జామ ఆకులను ఎలా తినాలి?
1. ఉదయాన్నే ఖాళీ కడుపుతో క్లీన్ గా కడిగిన 2-3 జమ లేత ఆకులను నమలవచ్చు.
2. జామ ఆకులను నీటిలో మరిగించి, వడకట్టి గోరువెచ్చగా తాగొచ్చు.
3. ఎండిన జమ ఆకులను పొడి లాగా తయారు చేసి గోరువెచ్చని నీటితో తీసుకోవచ్చు.
