High Cholesterol Foods: ఈరోజుల్లో చాలామంది అనేక అనారోగ్య సమస్యలతో బాధపడుతున్నారు. అందులో అధిక కొలెస్ట్రాల్ కూడా ఒకటి. అనేక మంది ఈ సమస్య బారిన పడుతున్నారు. నేటి అనారోగ్య జీవనశైలి, తప్పుడు ఆహారపు అలవాట్లు, శారీరక శ్రమ లేకపోవడం వీటికి ప్రధాన కారణాలు. దీనిని లైట్ తీసుకుంటే గుండె జబ్బులు, రక్తపోటు, స్ట్రోక్ వంటి తీవ్రమైన సమస్యలకు దారితీస్తుంది. దీని నివారించాలంటే ఆహారంలో చేర్చుకునే ఆహారాలపై ప్రత్యేక శ్రద్ధ వహించడం చాలా ముఖ్యం. ఎందుకంటే చెడు కొలెస్ట్రాల్‌ను నేరుగా పెంచే ఆహారాలు ఉన్నాయి.

శరీరంలో మంచి కొలెస్ట్రాల్ స్థాయిలను నిర్వహించడం ఆరోగ్యకరమైన గుండెకు చాలా అవసరం. అయితే, ప్రతిరోజూ వేయించిన ఆహారాలు, ప్రాసెస్ చేసిన స్నాక్స్ లేదా అధికంగా తీపి ఆహారాలను తీసుకుంటే, ఈ సమతుల్యత దెబ్బతింటుంది. ఇప్పుడు కొలెస్ట్రాల్‌ను వేగంగా పెంచే ఆహారాల గురించి ఈ ఆర్టికల్ లో తెలుసుకుందా.

వేయించిన ఆహారాలు: సమోసాలు, పకోడీలు, ఫ్రెంచ్ ఫ్రైస్ లేదా పూరీలు వంటి డీప్-ఫ్రై చేసిన ఆహారాలలో అధిక మొత్తంలో ట్రాన్స్ ఫ్యాట్ ఉంటుంది. ఈ కొవ్వులు LDL కొలెస్ట్రాల్‌ను పెంచుతాయి. శరీరంలో HDL కొలెస్ట్రాల్‌ను తగ్గిస్తాయి. వీటిని రుచి కోసం తరచుగా తీసుకుంటే రక్త నాళాలలో కొవ్వు పేరుకుపోతుంది. గుండెపోటు ప్రమాదం గణనీయంగా పెరుగుతుంది.

also read:Gut Health: గట్ హెల్త్ బాగుండాలంటే..ఈ సూపర్ ఫుడ్స్ తినండి!

ప్రాసెస్, ప్యాక్ చేసిన ఆహారాలు: చిప్స్, కుకీలు, బిస్కెట్లు తినడం మంచిది కాదు. ఇవి జీర్ణక్రియకు హాని కలిగించడమే కాకుండా కొలెస్ట్రాల్ స్థాయిలను కూడా పెంచుతాయి. ప్రతిరోజూ సరదాగా స్నాక్స్ తిన్నాకూడా అవి క్రమంగా గుండె ఆరోగ్యంపై ప్రభావం చూపే అవకాశం ఉంటుంది.

రెడ్ మీట్, ప్రాసెస్ చేసిన మాంసం: రెడ్ మీట్ మాంసం (మటన్, గొడ్డు మాంసం వంటివి), ప్రాసెస్ చేసిన మాంసం సంతృప్త కొవ్వులో ఎక్కువగా ఉంటాయి. ఈ కొవ్వు కాలేయంలో కొలెస్ట్రాల్ ఉత్పత్తిని పెంచుతుంది. వీటికి బదులుగా ప్రోటీన్ కోసం చికెన్, చేప లేదా కాటేజ్ చీజ్ వంటి ఆరోగ్యకరమైన ఆహారాలను ఎంచుకోవచ్చు.

వెన్న, చీజ్: వెన్న, చీజ్, పూర్తి కొవ్వు పాలు వంటి పాల ఉత్పత్తులు రుచికరమైనవి. కానీ వీటిలో ఉండే సంతృప్త కొవ్వులు శరీరంలో కొలెస్ట్రాల్ స్థాయిలను పెంచుతాయి. వీటిని క్రమం తప్పకుండా తీసుకోవడం వల్ల ధమని అడ్డంకులు వచ్చే ప్రమాదం పెరుగుతుంది. వీటికి బదులుగా తక్కువ కొవ్వు పాలు లేదా ఆలివ్ నూనెను ప్రయత్నించండి.

స్వీట్ డ్రింక్స్, డెజర్ట్‌లు: కేకులు, పేస్ట్రీలు, చాక్లెట్లు వంటి తీపి ఆహారాలు శరీరంలో షుగర్ ను పెంచడమే కాకుండా ట్రైగ్లిజరైడ్ స్థాయిలను కూడా పెంచుతాయి. అధిక చక్కెర కాలేయంపై భారాన్ని పెంచుతుంది. ఇది కొలెస్ట్రాల్ ఉత్పత్తిని పెంచుతుంది. వీటికి బదులుగా లెమన్ వాటర్, గ్రీన్ టీ తీసుకోవడం ఆరోగ్యానికి మంచింది.

నోట్ : ఇందులోని అంశాలు కేవలం అవగాహన కోసం మాత్రమే. అమలు చేసే ముందు సంబంధిత నిపుణులను సంప్రదించడం మంచిది.