Health Benefits Of Papaya Juice: బొప్పాయి పండు పోషకాలతో సమృద్ధిగా ఉంటుంది. చాలా మంది దీనిని జ్యూస్‌లా చేసుకుని తాగుతారు. ఈ పండులో లభించే పోషకాలు శరీరానికి బోలెడు లాభాలను అందిస్తాయి. ఇందులోని విటమిన్లు, ఖనిజాలు మన శరీరానికి ఎలా సహాయపడతాయి? బొప్పాయిపండు జ్యూస్‌లా తీసుకోవడం వల్ల కలిగే లాభాలు ఏంటి? అనే వివరాలు గురించి మనం తెలుసుకుందాం.

బొప్పాయి పండులో విటమిన్ ఎ ఎక్కువగా ఉంటుంది. ఇది కంటి చూపును, చర్మ ఆరోగ్యానికి మేలు చేస్తుంది. ఇందులో ఉండే విటమిట్‌ సి రోగనిరోధకశక్తిని పెంచి చిగుళ్ళు, పంటి నొప్పిని తగ్గిస్తుంది. బొప్పాయి పండులో విటమిన్ బి అధికంగా ఉండటం వల్ల జీర్ణవ్యవస్థ మెరుగుపడుతుంది. విటమిన్ కె ఎముకల ఆరోగ్యానికి తోడ్పడుతుంది. ఈ విధంగా బొప్పాయి మనకు సహాయపడుతుంది. దీని జ్యూస్‌లా తయారు చేసుకొని తాగడం వల్ల కలిగే లాభాలు గురించి తెలుసుకుందాం.

బొప్పాయి జ్యూస్ ఆరోగ్య ప్రయోజనాలు:

బొప్పాయి జ్యూస్‌ లో ఉండే విటమిన్ సి శరీరాని ఇన్ఫెక్షన్‌ల బారిన పడకుండా చేస్తుంది. ముఖ్యంగా రోగనిరోధకశక్తి తక్కువగా ఉండేవారు ప్రతిరోజు బొప్పాయి జ్యూస్‌ లేదా పండు తినడం చాలా మంచిదని ఆరోగ్యనిపుణులు చెబుతున్నారు. బొప్పాయి పండులో ఉండే పాపైన అనే ఎంజైమ్‌, ప్రోటీన్‌లు జీర్ణవ్యవస్థను మెరుగుపరచుతుంది. ఇది గ్యాస్, మలబద్ధకం, అజీర్ణ సమస్యలను తగ్గిస్తుంది. అంతేకాకుండా పేగు కదలికలను క్రమబద్ధీకరించడంలో సహాయపడుతుందని వైద్యులు చెబుతున్నారు.

బొప్పాయి జ్యూస్‌ ఆరోగ్యానికి మాత్రమే కాకుండా చర్మానికి కూడా మేలు చేస్తుంది. ఇందులో ఉండే విటమిన్ ఎ, సి, పాపైన్, యాంటీఆక్సిడెంట్‌లు చర్మాని కాంతివంతంగా, మృదువుగా చేస్తాయి. దీని మొటిమలు, మచ్చలు, నల్ల మచ్చలు రాకుండా ఉంటాయి. కొంతమంది బొప్పాయి పండు ఫ్యేస్‌ పాక్‌ను ఉపయోగిస్తారు కూడా. ఇందులో ఉండే విటమిన్‌ ఎ కంటి సమస్యలను కూడా తగ్గిస్తుంది. రేచీకటి వంటి సమస్యలను కూడా తగ్గిస్తుంది. కాబట్టి ప్రతిరోజు ఒక గ్లాస్‌ జ్యూస్‌ను తాగడం మంచిది.

అధిక బరువు సమస్యతో బాధపడేవారు కూడా బొప్పాయి పండు జ్యూస్‌ తాగవచ్చు. ఇందులో తక్కువ కేలరీలు ఉంటాయి. దీని వల్ల కడుపు నిండిన భావన కలుగుతుంది. దీని వల్ల అతిగా తినకుండా ఉంటారు. బొప్పాయి జ్యూస్‌ చెడు కొలెస్ట్రాల్‌ను తగ్గించడంలో కీలక ప్రాత పోషిస్తుంది. దీని డైట్‌లో చేర్చుకోవడం వల్ల గుండె సమస్యల బారిన పడకుండా ఉంటారు.

బొప్పాయి జ్యూస్‌ను ఇంట్లోనే తయారు చేసుకోవచ్చు. దీని ఉదయం బ్రేక్‌ఫాస్ట్‌లో చేర్చుకోవడం మంచిది.