Warm Water With Ghee:ఇప్పటి రోజుల్లో గ్యాస్, అసిడిటీ, మలబద్ధకం వంటి జీర్ణ సంబంధ సమస్యలు చాలా మందిని వేధిస్తున్నాయి. బిజీ జీవనశైలిలో తప్పు ఆహార అలవాట్లు, సమయానికి తినకపోవడం, ఫాస్ట్ ఫుడ్ ఎక్కువగా తీసుకోవడం ఇవన్నీ కడుపు సమస్యలకు దారితీస్తున్నాయి. చాలామంది వెంటనే మందులు వాడుతారు కానీ ఎప్పటికీ మాత్రలపైనే ఆధారపడటం శరీరానికి మంచిది కాదు. అందుకే సులభంగా ఇంట్లో చేయగల ఒక చిట్కా ఇప్పుడు ఎక్కువగా ప్రాచుర్యం పొందుతోంది. అది గోరు వెచ్చని నీటిలో కొద్దిగా నెయ్యి కలిపి తాగడం.

కడుపు సమస్యలు

ఆయుర్వేదం ప్రకారం కడుపు సమస్యలు మొదలవడానికి కారణం జఠరాగ్ని తగ్గిపోవడమే. జఠరాగ్ని అంటే ఆహారం అరిగే శక్తి. ఈ శక్తి సరిగ్గా లేకపోతే గ్యాస్, అసిడిటీ, రిఫ్లక్స్, మలబద్ధకం వంటి ఇబ్బందులు వస్తాయి. గోరు వెచ్చని నీరు తాగడం వల్ల ఈ అగ్ని మళ్లీ చురుకుగా మారుతుంది. అంతేకాదు పేగుల్లో కదలికలు పెరిగి మలవిసర్జన సులువవుతుంది. ఈ నీటిలో నెయ్యి కలపడం వల్ల ప్రయోజనం మరింత ఎక్కువ అవుతుంది. నెయ్యిలో ఉండే గుణాలు పేగుల్లో పేరుకుపోయిన వ్యర్థాలను వదిలించడంలో సహాయపడతాయి.

Also Read: https://teluguprabha.net/health-fitness/morning-cigarette-habit-linked-to-severe-health-risks/

జీర్ణశక్తి

జీర్ణశక్తి బలహీనంగా ఉన్నప్పుడు శరీరంలో టాక్సిన్స్ పెరుగుతాయి. వీటి వల్ల ఇతర అవయవాల పనితీరుపై కూడా ప్రతికూల ప్రభావం పడుతుంది. గోరు వెచ్చని నీరు తాగితే ఈ టాక్సిన్స్ బయటికి వెళ్తాయి. నెయ్యి కలిపితే ఇది సహజమైన డిటాక్సిఫయర్‌లా పనిచేస్తుంది. నెయ్యిలో ఉండే బ్యూటిరిక్ యాసిడ్ శరీరానికి అవసరమైన మంచి కొవ్వు పదార్థం. ఇది పేగులను శుభ్రం చేయడంతో పాటు లివర్ పనితీరును మెరుగుపరుస్తుంది. రెగ్యులర్‌గా ఈ చిట్కా పాటిస్తే శరీరం శుభ్రంగా మారి బరువు తగ్గడానికి కూడా తోడ్పడుతుంది.

గోరు వెచ్చని నీటి…

ఆహారంలోని పోషకాలు శరీరానికి సరిగ్గా అందకపోవడం కూడా ఒక పెద్ద సమస్య. గోరు వెచ్చని నీటిలో నెయ్యి కలిపి తాగితే ఈ సమస్య తగ్గుతుంది. ఆహారం ఏదైనా తీసుకున్నా అందులోని పోషకాలు శరీరానికి సరిగ్గా అందేలా చేస్తుంది. నెయ్యిలో విటమిన్ A, D, E, K ఎక్కువగా ఉంటాయి. ఇవి కడుపులో పీహెచ్ స్థాయిలను సరిగ్గా ఉంచి ఇన్‌ఫ్లమేషన్ తగ్గించడంలో సహాయపడతాయి. ఫలితంగా అసిడిటీ తగ్గి కడుపులో మంట కూడా తగ్గిపోతుంది. నెయ్యి చల్లదనాన్ని కలిగించే గుణం కలిగి ఉండటంతో కడుపు ఇబ్బందులు సర్దుబాటు అవుతాయి.

Also Read: https://teluguprabha.net/health-fitness/morning-cigarette-habit-linked-to-severe-health-risks/

ఈ చిట్కా పాటించే విధానం చాలా సులభం. ముందుగా ఒక గ్లాసు నీటిని స్వల్పంగా వేడి చేయాలి. అది మరీ మరిగిపోకుండా కాస్త గోరు వెచ్చగా ఉండేలా చూడాలి. ఈ నీటిలో ఒక టీ స్పూన్ నెయ్యి వేసి బాగా కలపాలి. ఉదయం లేవగానే పరగడుపున తాగితే మరింత మంచిది. లేకపోతే రాత్రి నిద్రపోయే ముందు కూడా తీసుకోవచ్చు.

నాణ్యమైన నెయ్యి

నాణ్యమైన నెయ్యి ఉపయోగిస్తేనే మంచి ఫలితం వస్తుంది. ఈ సులభమైన అలవాటు వల్ల గ్యాస్, అసిడిటీ సమస్యలు తగ్గటమే కాకుండా మలబద్ధకం సమస్య కూడా తగ్గుతుంది. శరీరంలో పేరుకుపోయిన వ్యర్థాలు బయటికి వెళ్లిపోవడం వల్ల చర్మం కాంతివంతంగా మారుతుంది. లివర్ శుభ్రంగా ఉండటం వలన శరీర శక్తి పెరుగుతుంది.

కడుపు సమస్యలకు..

అందువల్ల చిన్న చిన్న కడుపు సమస్యలకు వెంటనే మందులు వాడే బదులుగా గోరు వెచ్చని నీరు, నెయ్యి కలిపి తాగే అలవాటు చేసుకుంటే సహజ రీతిలో ఉపశమనం పొందవచ్చు. ఈ చిట్కా సులభమైనదే కాకుండా ఆరోగ్యానికి ఎలాంటి దుష్ప్రభావం లేకుండా పనిచేస్తుంది.