బయట ఎండలు దంచికొడుతున్నాయి. శరీరాన్ని డీహైడ్రేట్ చేసుకోకుండా చూసుకోవాలంటే నీటి శాతం ఎక్కువ ఉన్న ప్రూట్స్ తీసుకోంటే మంచిదని నిపుణులు చెబుతున్నారు. అందులో ఎక్కువగా పుచ్చకాయ, కీరకాయలో ఎక్కువగా నీటి శాతం పుష్కలంగా ఉంటుంది. పుచ్చకాయలో శరీరానికి కావాలసిన అన్ని విటమిన్లు అందిస్తుంది. పుచ్చకాయ అత్యంత సులువుగా జీర్ణమవుతుందని చెబుతుంటారు.
ఈ కర్భుజను( WaterMelon) పసి పిల్లల నుంచి వృద్ధుల దాకా ఇష్టంగా తింటారు. దీనిలో మూడింట ఒక వంతు క్యాలరీలు మాత్రమే ఉండడం వల్ల శరీరం బరువు పెరిగే అవకాశం లేదు. ఒక విధంగా పోషకాల గని అని చెప్పవచ్చు. ఈ పుచ్చకాయలో 92 శాతం నీరు ఉండడం వల్ల వేసవిలో ఇది శరీరానికి కావాల్సిన చల్లదనాన్ని అందిస్తుంది. వేసవిలో దాహార్తి నుంచి రక్షిస్తుంది.
క్యాల్షియం నిల్వలు
పీచుపదార్థం ఎక్కువగా ఉండడం వల్ల ఇది జీర్ణశక్తిని పెంచుతుంది. మలబద్ధకం నుంచి ఉపశమనం కలిగిస్తుంది. ఇందులో విటమిన్- ఏ సరిపడా ఉండడం వల్ల ఇది చర్మం, కేశ సంరక్షణలో బాగా తోడ్పడుతుంది. ఎండాకాలం జుత్తుకు కావాల్సిన తేమను అందిస్తుంది.
అన్నిరకాల విటమిన్
ఈ పుచ్చకాయలో 21 శాతం సి- విటమిన్, 18 శాతం ఏ-విటమిన్, 5 శాతం పొటాషియంతో పాటు బి- 1, బి-5, బి-6 విటమిన్లు 3 శాతం దాకా ఉంటాయి. దీనిలో క్యాల్షియం నిల్వలు కూడా ఎక్కువే. పుచ్చకాయలో వ్యాధి నిరోధక శక్తినీ, గుండె ఆరోగ్యాన్నీ, కంటి, చర్మం ఆరోగ్యాన్నీ పరిరక్షించే కెరొటనాయిడ్లు ఉంటాయి.
చెడు కొలెస్ట్రాల్‌ను తగ్గిస్తుంది
శ్వాసకోశాలను ఆరోగ్యంగా ఉంచడంతో పాటు, కేన్సర్‌ నిరోధకంగా పనిచేసే బీటా కెరోటిన్లు కూడా అవసరమైన మోతాదులో ఉంటాయి. దీనిలోని లైకోసిన్‌ చెడు కొలెస్ట్రాల్‌ను తగ్గించడం ద్వారా రక్తపోటును అదుపులో ఉంచుతుంది. రక్తనాళాలు గట్టి పడి, బిగుసుకుపోకుండా కూడా కాపాడుతుంది. మెదడును శక్తివంతంగా మార్చడం ద్వారా మతిమరుపును కలిగించే అల్జీమర్‌ వ్యాధిని నిరోధిస్తుంది.
లైంగిక శక్తిని పెంచుతుంది
వృద్ధాప్యంలో వచ్చే కంటి సమస్యలను కూడా నివారిస్తుంది. దీనిలో కుకుర్‌ బిటాసిన్‌-ఇ శరీరంలో వాపులు రాకుండా నివారిస్తుందని చెబుతున్నారు నిపుణులు. పుచ్చకాయలోని సిట్రులిన్‌ లైంగిక శక్తిని పెంచుతుంది.
రక్తపోటు అదుపు
ఈ పుచ్చకాయలో సిట్రులిన్‌ శరీరంలో నైట్రిక్‌ ఆక్సైడ్‌ నిల్వలను పెంచుతుంది. ఇది రక్తనాళాలను విశాలం చేయడం ద్వారా రక్తపోటును తగ్గిస్తుంది. ఇందులోని మెగ్నీషియం, పొటాషియం గుండె ఆరోగ్యానికి తోడ్పడతాయి.
