Hulk Hogan Heart Attack Death: ప్రపంచవ్యాప్తంగా లక్షలాది మంది అభిమానులను కలిగి ఉన్న రెజ్లింగ్ దిగ్గజం టెర్రీ జీన్ బొల్లియా (హల్క్ హోగన్) (71) గురువారం గుండెపోటుతో కన్నుమూశారు. ఫ్లోరిడాలోని తన నివాసంలో కార్డియాక్ అరెస్ట్‌తో కుప్పకూలిన ఆయన్ను వెంటనే ఆసుపత్రికి తరలించగా, చికిత్స పొందుతూ మృతిచెందినట్లు వైద్యులు ప్రకటించారు.

అంబులెన్స్‌లో చివరి ప్రయాణం, పోలీసుల ధృవీకరణ

గురువారం ఉదయం 11:17 నిమిషాలకు హల్క్ హోగన్ మరణించినట్లు పోలీసు శాఖ ధృవీకరించింది. ఆయనకు కార్డియాక్ అరెస్ట్ సంభవించిన తర్వాత అంబులెన్స్‌లో ఆసుపత్రికి తరలించినప్పటికీ, ప్రాణాలు కాపాడుకోలేకపోయారు. ఈ ఘటనలో ఎలాంటి అనుమానాస్పద విషయాలు లేవని పోలీసులు స్పష్టం చేశారు.

WWE అధికారిక సంతాపం: ‘పాప్ కల్చర్‌లో తీరని లోటు’

హల్క్ హోగన్ మరణం పట్ల వరల్డ్ రెజ్లింగ్ ఎంటర్‌టైన్‌మెంట్ (WWE) తీవ్ర విచారం వ్యక్తం చేసింది. పాప్ కల్చర్‌లో అత్యున్నత గౌరవాన్ని పొందిన ఆయన మరణం తీరని లోటని WWE పేర్కొంది. 80వ దశకంలో WWE గ్లోబల్ రికగ్నైజేషన్ పొందడానికి హల్క్ హోగన్ ఎంతగానో దోహదపడిందని స్మరించుకుంది. హల్క్ హోగన్ కుటుంబం, స్నేహితులు, అభిమానులకు WWE అధికారికంగా సంతాపం తెలిపింది.

ALSO READ: https://teluguprabha.net/international-news/india-uk-trade-deal-benefits-indian-farmers/

ఆరోగ్య సమస్యలతో పోరాటం.. అకస్మిక మరణం

గత జూన్‌లో హల్క్ హోగన్ హృదయ శస్త్రచికిత్స చేయించుకున్నట్లు తెలిసింది. కొద్ది వారాల క్రితం ఆయన కోమాలో ఉన్నారనే వార్తలను ఆయన భార్య స్కై హోగన్ ధృవీకరించి, ఆయన ఆరోగ్యంగా ఉన్నాడని… శస్త్రచికిత్స తర్వాత కోలుకుంటున్నారని తెలిపింది. అయితే, అకస్మాత్తుగా గుండెపోటుతో ఆయన మరణించడం అభిమానులను తీవ్ర విషాదంలో ముంచెత్తింది.

ALSO READ: https://teluguprabha.net/international-news/trump-on-indian-employees-us-tech-companies/

రెజ్లింగ్ రంగంలో ‘హల్కమేనియా’ యుగం, సినీ రంగంలోనూ విజయవంతం

టెర్రీ జీన్ బొల్లియాగా జన్మించిన హల్క్ హోగన్ 1980వ దశకంలో ప్రొఫెషనల్ రెజ్లింగ్ ప్రాచుర్యం పెరుగుతున్న సమయంలో ఈ క్రీడకు ముఖముద్రగా మారారు. “హల్కమేనియా” అని పిలువబడే వారి అభిమానుల ఉత్సాహం ప్రపంచవ్యాప్తంగా రెజ్లింగ్‌ను ప్రసిద్ధి చేసింది. ఆయన కేవలం రెజ్లర్‌గానే కాకుండా, హాలీవుడ్ నటుడిగా కూడా గుర్తింపు పొందారు. 1982లో “రాకీ 3” సినిమా ద్వారా సినీ రంగంలోకి ప్రవేశించిన ఆయన “నో హోల్డ్స్ బార్డ్”, “సబర్బన్ కమాండో”, “మిస్టర్ నానీ” వంటి చిత్రాల్లో నటించారు. దాదాపు 25 టెలివిజన్ సీరియల్స్‌లో కూడా నటించి ప్రేక్షకులను అలరించారు.

ALSO READ: https://teluguprabha.net/international-news/us-fertility-rate-decline-historic-low/

రాజకీయ నాయకులు, WWE స్టార్ల సంతాపం

హల్క్ హోగన్ మరణంపై అమెరికా వైస్ ప్రెసిడెంట్ జెడి వాన్స్, రక్షణ మంత్రి పీట్ హెగ్సెత్ సహా అనేక ఉన్నత రాజకీయ నాయకులు సంతాపం వ్యక్తం చేశారు. WWE స్టార్లు కూడా సామాజిక మాధ్యమాల ద్వారా తమ దుఃఖాన్ని వ్యక్తం చేస్తున్నారు. హల్క్ హోగన్ మరణంతో రెజ్లింగ్ ప్రపంచం ఒక దిగ్గజాన్ని కోల్పోయింది.