ISKCON| శ్రీకృష్ణుడిని ఆదరించే స్వచ్ఛంద సంస్థ ‘ఇస్కాన్’ను టెర్రరిస్టు సంస్థ అంటూ బంగ్లాదేశ్ పోలీసులు విమర్శించారు. రాజకీయ అనిశ్చితి నేపథ్యంలో ఆ దేశంలో తమకు భద్రత కల్పించాలని హిందూ కమ్యూనిటీ ప్రజలు పెద్ద ఎత్తున ఆందోళనలు చేపట్టారు. దీంతో వారిని అక్కడి పోలీసులు దారుణంగా అణిచివేస్తున్నారు. ఈ క్రమంలోనే ‘జై శ్రీరాం’ అని గట్టిగా నినాదం చేసినందుకు ఇస్కాన్ కమ్యూనిటీని టెర్రరిస్టు సంస్థగా బంగ్లా పోలీసులు ప్రెస్ మీట్‌లో తెలిపారు. ఇస్కాన్ ‘రా’ కోసం పనిచేస్తోందని దానిని బ్యాన్ చేయాలని బంగ్లా తాత్కాలిక ప్రధాని మహమ్మద్ యూనస్ పేర్కొన్నారు.
దీంతో బంగ్లా పోలీసులు, తాత్కాలిక ప్రధాని వ్యాఖ్యలపై తీవ్ర దుమారం రేగుతోంది. సోషల్ మీడియాలో బంగ్లాదేశ్ ప్రభుత్వంపై భారతీయ హిందువులు తీవ్రంగా విరుచుకుపడుతున్నారు. బంగ్లాదేశ్‌లో నివసించే హిందువులను కాపాడాలంటూ కోరుతున్నారు. కాగా ఆ దేశ మాజీ ప్రధాని షేక్ హసీనా ప్రజల తిరుగుబాటు నేపథ్యంలో ఇండియాలో తలదాచుకుంటున్న సంగతి తెలిసిందే. అప్పటి నంచి అక్కడి హిందువులు, ఆలయాలపై దాడులు పెరిగిపోయాయి. మహిళలను బహిరంగా వేధించడం వంటి ఘటనలు అక్కడి పరిస్థితికి అద్దం పడుతున్నాయి.
