JeM Women Wing Strategy : పాకిస్తాన్ కేంద్రంగా పనిచేసే ఉగ్రవాద సంస్థ జైష్-ఎ-మహమ్మద్ (JeM) తన కార్యకలాపాలను విస్తరించేందుకు ప్రమాదకరమైన కొత్త వ్యూహాన్ని అమలు చేస్తోంది. ఇప్పటివరకు యువకులను మాత్రమే లక్ష్యంగా చేసుకున్న ఈ సంస్థ, తాజాగా విద్యావంతులైన ముస్లిం మహిళలను ఉగ్రవాదం వైపు ఆకర్షించేందుకు ప్రయత్నిస్తోంది. భారత నిఘా వర్గాలు ఈ సమాచారాన్ని వెల్లడించాయి. మతపరమైన ప్రసంగాలు, భావోద్వేగ సందేశాలతో వారిని బ్రెయిన్‌వాష్ చేసి, తమ నెట్‌వర్క్‌లో చేర్చుకోవడానికి పక్కా ప్రణాళిక పని చేస్తోంది.
ALSO READ: Surya 46: షూటింగ్ అప్డేట్..
JeMకు అనుబంధంగా పనిచేసే ‘జమాత్-ఉల్-ముమినాత్’ (Jamaat-ul-Mominaat) అనే సంస్థ ఈ నియామకాల్లో కీలక పాత్ర పోషిస్తోంది. 2004 నుంచి చురుకుగా ఉన్న ఈ విభాగం, 2024-25లో ముమ్మరంగా పని చేస్తోంది. మసూద్ అజ్హర్ సోదరి సాదియా అజ్హర్ నేతృత్వంలో ఏర్పడిన ఈ మహిళల విభాగం, జమ్మూ-కాశ్మీర్, ఉత్తరప్రదేశ్, దక్షిణ భారతదేశ పట్టణ ప్రాంతాల్లో చదువుకున్న మహిళలను టార్గెట్ చేస్తోంది. వాట్సాప్, టెలిగ్రామ్‌లలో చిన్న గ్రూపులు ఏర్పాటు చేసి, మక్కా-మదీనా చిత్రాలు, ఖురాన్ శ్లోకాలతో ప్రచారం చేస్తున్నారు.
“ఈ వ్యవస్థ అల్లాహ్ ఇచ్చినది”, “వెలుగు ప్రపంచమంతా వ్యాపిస్తుంది” వంటి భావోద్వేగ నినాదాలతో మహిళలను ప్రలోభపెడుతున్నారు. హిజాబ్ ధరించడం, ప్రార్థనలు చేయడమే మత సేవ అని నమ్మించి, ఉగ్ర కార్యకలాపాల వైపు మళ్లిస్తున్నారు. ఇది మనస్తాత్విక యుద్ధం (పసైకాలజికల్ వార్‌ఫేర్)లో భాగం. భారత్ ‘ఆపరేషన్ సిందూర్’లో JeM 9 శిబిరాలు ధ్వంసం చేసిన తర్వాత, ఉగ్రులు పాక్-ఆఫ్ఘన్ సరిహద్దు కఠిన ప్రాంతాలకు తరలుతున్నారు.
భారత సైన్యం హెచ్చరిక: “ఉగ్రులు ఎంత దూరం వెళ్లినా ప్రతీకారం తప్పదు” అని ఆర్మీ చీఫ్ ఉపేంద్ర ద్వివేది చెప్పారు. JeM మార్చిన వ్యూహం భారత్‌లో మత ఉద్విగ్నతలు పెంచుతుందని నిఘా వర్గాలు ఆందోళన వ్యక్తం చేశాయి. మహిళల రిక్రూట్‌మెంట్‌తో సంస్థ బలోపేతం చేసుకుంటుందని, సోషల్ మీడియా మానిటరింగ్ పెంచాలని సూచన. JeM మసూద్ అజ్హర్ నేతృత్వంలో 2000లో ప్రారంభమై, పుల్వామా (2019) వంటి దాడులకు పాల్పడింది. ఈ కొత్త వ్యూహం భారత భద్రతకు ప్రత్యేక ఆందోళన కలిగిస్తోంది.
