Jinping Homeland in Turmoil: చైనా రాజకీయాల్లో అనూహ్య పరిణామాలు చోటుచేసుకుంటున్నాయా? ప్రపంచాన్ని శాసించాలన్న జిన్‌పింగ్ కలకు తెరపడనుందా? అగ్రరాజ్యం అమెరికాకు సవాల్ విసురుతున్న చైనాలో నాయకత్వ మార్పు అనివార్యమా? బ్రిక్స్ సదస్సుకు జిన్‌పింగ్ గైర్హాజరు, వాంగ్ యాంగ్ పేరు తెరపైకి రావడం వెనుక ఉన్న అసలు కారణాలేమిటి? ఈ ప్రశ్నలకు సమాధానాలు తెలుసుకోవాలంటే కథనం పూర్తిగా చదవండి!
జులై 5 నుంచి 8 వరకు బ్రెజిల్‌లోని రియో డి జనీరోలో 17వ బ్రిక్స్ సదస్సు జరగనుంది. భారత్ ప్రధాని నరేంద్ర మోదీ హాజరయ్యేందుకు సిద్ధమైనప్పటికీ, చైనా అధ్యక్షుడు షి జిన్‌పింగ్ దూరంగా ఉండాలని నిర్ణయించుకున్నారు. ఈ సమావేశానికి చైనా ప్రధాని లీ చియాంగ్ హాజరవుతారని చైనా విదేశాంగ శాఖ ప్రకటించింది. 12 ఏళ్లలో జిన్‌పింగ్ బ్రిక్స్ సదస్సుకు దూరమయ్యే ఇదే మొదటి సారి. ఈ నిర్ణయం వెనక ఆరోగ్య సమస్యలు ఉన్నాయా లేదా రాజకీయ మార్పులకు సంకేతమా అనే అనుమానాలు రేపుతున్నాయి. విలేకరుల ప్రశ్నలకు సమాధానం చెప్పడానికి చైనా అధికారులు నిరాకరించడంతో ఈ అంశంపై ఇంకాస్త ఆసక్తి పెరిగింది.
మే-జూన్ నెలలలో అదృశ్యం: ఏం జరుగుతోంది?
మే 21 నుంచి జూన్ 5 వరకు జిన్‌పింగ్ కనిపించకపోవడం ఆందోళనకరంగా మారింది. ఈ కాలంలో అతని ఆరోగ్య సమస్యలు ఉన్నాయని లేదా రాజకీయ మార్పులకు ముసాయిదాలు సిద్ధమవుతున్నాయని నిఘా సంస్థలు వ్యాఖ్యానించాయి. గతంలో అధ్యక్ష హోదా మారినప్పుడు పూర్వ నాయకులు కొంతకాలం అదృశ్యంగా ఉండేవారని ఈ అనుమానాలకు చరిత్ర సాక్ష్యం చెబుతోంది.
వాంగ్ యాంగ్: తదుపరి అధ్యక్షుడిగా అవకాశం?
జిన్‌పింగ్ అదృశ్యమయ్యాక, తదుపరి నాయకుడిగా వాంగ్ యాంగ్ పేరు వినిపిస్తోంది. సంస్కరణాభిలాషి, టెక్నోక్రాట్‌గా పేరు పొందిన వాంగ్ యాంగ్‌కు అధ్యక్ష పదవి దక్కే అవకాశాలు ఉన్నాయని నిఘా సంస్థలు అంచనా వేస్తున్నాయి. అయితే, జిన్‌పింగ్ అదృశ్యం సాధారణమైన విషయమేనని కొన్ని వర్గాలు భావిస్తున్నాయి. చైనా కమ్యూనిస్ట్ పార్టీ నాయకులను మార్చే సంప్రదాయం ఉన్నందున ఈ మార్పు సహజమేనని వాదిస్తున్నారు.
జిన్‌పింగ్ శకం ముగిసిందా:
మావో జెడాంగ్ తర్వాత అత్యంత శక్తివంతమైన నాయకుడిగా జిన్‌పింగ్‌ను గుర్తించారు. 2012 నుంచి చైనా అధ్యక్షుడిగా, 2018లో పదవీ కాల హద్దులను తొలగించి అధికారంలో కొనసాగుతున్నారు. అయితే, ఇటీవలి సంఘటనలు అతని శకం ముగియనున్నట్లు సూచిస్తున్నాయి. నిఘా సంస్థల ప్రకారం, జిన్‌పింగ్ ఆరోగ్య సమస్యలు లేదా రాజకీయ ఒత్తిడి వల్ల ఈ మార్పు సంభవిస్తోందని అనుమానిస్తున్నారు.