Health Care: ప్రతిరోజు ఉదయాన్నే నిద్ర లేవాలని పెద్దలు చెబుతుంటారు. అయినా మనం సూర్యోదయం అయినా కూడా ఉదయం 9 గంటలకు నిద్ర లేస్తూ ఉంటాం. వేకువ జామున నిద్ర లేవడం అలవాటు చేసుకోవాలని ఇంట్లో పెద్దలు అలాగే పండితులు చెబుతుంటారు. దేశం వ్యాప్తంగా పల్లెటూర్లలో ఇదే ఆచరిస్తుంటారు.
రోజు ఉదయాన్నే నిద్ర లేవడం మంచి అలవాటు. పని ఉన్న, లేకపోయినా, సీజన్ సంబంధం లేకుండా ఉదయాన్నే నిద్రలేస్తే ఆరోగ్యానికి ఎంతో మంచిది. ఈ రోజుల్లో చాలామంది అర్ధ రాత్రుల వరకు ఫోన్లు, టీవీలు చూడడం.. దీంతో ఉదయం ఆలస్యంగా నిద్ర లేవడం వల్ల అనారోగ్య సమస్యలు తలెత్తవచ్చు. అందుకే, రాత్రిపూట త్వరగా నిద్రించి, ఉదయాన్నే నిద్ర లేవడం ఆరోగ్యానికి ఎంతో మంచిది. ఈ నేపథ్యంలో ఉదయాన్నే నిద్ర లేవడం వల్ల కలిగే ఆరోగ్య ప్రయోజనాల గురించి తెలుసుకుందాం.
మానసిక ఆరోగ్యం: ఉదయం త్వరగా నిద్ర లేవడం వల్ల మానసిక ఆరోగ్యం మెరుగుపడుతుంది. ఉదయం నిద్ర లేచినప్పుడు రోజును ప్రశాంతంగా మొదలుపెట్టడానికి తగినంత సమయం దొరుకుతుంది. మానసిక ఆరోగ్యం కోసం ఉదయం ధ్యానం, యోగ చేయవచ్చు. కావలిస్తే ఇష్టమైన ఏదైనా పుస్తకాన్ని చదవవచ్చు. ఇది మనసును ప్రశాంత పరుస్తుంది. ఈ అలవాటు రోజంతా సానుకూలంగా ఉంచుతుంది.
aslo read:Lemon Water: రోజూ ఒక్క గ్లాస్‌ నిమ్మరసం తాగితే..నమ్మలేని ఆరోగ్య ప్రయోజనాలు..
అవసరమైన శక్తి: ఉదయం త్వరగా నిద్ర లేవడం వల్ల శక్తి స్థాయిలు ఎక్కువగా ఉంటాయి. రాత్రి సమయంలో త్వరగా నిద్రించి, ఉదయం సమయానికి మేల్కొన్నప్పుడు శరీరానికి అవసరమైనంత విశ్రాంతి లభిస్తుంది. ఇది రిఫ్రెష్ చేస్తుంది. రోజంతా చురుగ్గా ఉండేలా చేస్తుంది.
పోషకాహారం: నేటి బిజీ లైఫ్ లో ఉదయం నిద్ర లేవడం వల్ల పోషకమైన ఆహారం తినడానికి సమయం దొరుకుతుంది. ఉదయం తినే అల్పాహారం పై రోజంతా ఆధారపడి ఉంటుంది. ఎందుకంటే అల్పాహారం శరీర పనితీరును పెంచుతుంది. రోజంతా చురుగ్గా ఉండడానికి శక్తిని అందిస్తుంది. అనేక అనారోగ్య సమస్యల నుండి ఉపశమనం కలిగిస్తుంది
సమయ నిర్వహణలో సహాయపడుతుంది: ఉదయం త్వరగా నిద్ర లేవడం వల్ల సమయాన్ని నిర్వహించడంలో సహాయపడుతుంది. త్వరగా మేల్కొన్నప్పుడు రోజులో ఏం చేయాలో ప్లాన్ చేసుకోవడానికి సమయం ఉంటుంది. ఇది పనులకు ప్రాధాన్యత ఇవ్వడానికి, వాటిని సరిగ్గా పూర్తి చేయడానికి సహాయపడుతుంది. అంతేకాదు ఉదయం సమయంలో అనవసరమైన కార్యకలాపాలపై సమయాన్ని వృధా చేయకుండా నిరోధిస్తుంది.
శారీరక శ్రమ:
ఉదయాన్నే నిద్ర లేవడం వల్ల శారీరక శ్రమ పెరుగుతుంది. ఈ అలవాటు క్రమం తప్పకుండా వ్యాయమం చేయడానికి సహాయపడుతుంది. ఇది శరీరాన్ని ఫిట్ గా ఉంచుతుంది. దీంతో అనేక అనారోగ సమస్యల ప్రమాదాన్ని నివారించవచ్చు. క్రమం తప్పకుండా వ్యాయామం చేయడం వల్ల కండరాలు బలపడతాయి. అంతేకాదు బరువును నియంత్రణలో ఉంచుతుంది. రోగ నిరోధక శక్తి బలపడుతుంది.
