SkinCare: ఈరోజుల్లో మెరిసే ముఖాన్ని ఎవరు కోరుకోరు చెప్పండి. ఇందుకోసం చాలామంది మార్కెట్లో లభించే ఖరీదైన బ్యూటీ ఉత్పత్తులను ఉపయోగిస్తుంటారు. అయినా ఆ ప్రొడక్ట్స్ ఆశించిన ప్రయోజనాలను అందించవు. పైగా కొన్నిసార్లు వాటి దుష్ప్రభావాల కారణంగా మొటిమలు, దద్దుర్లు, చర్మ ఇన్ఫెక్షన్లు కూడా వేధిస్తుంటాయి. ఇది ఇలా ఉంటె, ఇటీవల సోషల్ మీడియాలో అనేక చర్మ సంరక్షణ హ్యాక్‌లు ట్రెండ్ అవుతున్నాయి.
ఇవి ఆసక్తికరంగా ఉండటమే కాకుండా, సరైన మార్గంలో అమలు చేస్తే, చాలా ప్రభావవంతంగా పని చేస్తాయి. ప్రత్యేక విషయం ఏమిటంటే? ఈ హ్యాక్‌లలో చాలా వరకు పూర్తిగా సహజమైనవి. వీటిని వాడితే ఖరీదైన బ్యూటీ ఉత్పత్తులకు వాడాల్సిన అవసరం ఉండదు. అయితే మెరిసే, ఆరోగ్యకరమైన, యవ్వన చర్మాన్ని సాధించడంలో సహాయపడే కొన్ని ట్రెండీ చర్మ సంరక్షణ హ్యాక్‌లను ఈ ఆర్టికల్ ద్వారా తెలుసుకుందాం.
ఐస్ ఫేషియల్: ముఖంపై ఐస్ క్యూబ్‌లను అప్లై చేయడం వల్ల చర్మం తక్షణమే రిఫ్రెష్ అవుతుంది. ఇది రక్త ప్రసరణను సైతం పెంచుతుంది. ముఖంపై ఉన్న రంధ్రాలను బిగుతుగా చేస్తుంది. ఈ ట్రిక్ మేకప్ చేయడానికి ముందు చర్మానికి మృదువైన రూపాన్ని అందిస్తుంది.
గ్రీన్ టీ టోనర్: మరిగించి గ్రీన్ టీని చల్లబరిచి, టోనర్‌గా ఉపయోగించాలి. ఇందులోని యాంటీఆక్సిడెంట్లు చర్మాన్ని నిర్విషీకరణ చేస్తాయి. ఇది చికాకును తగ్గించి, టానింగ్ నుండి కూడా రక్షిస్తాయి.
అలోవెరా మాస్క్: పడుకునే ముందు ముఖానికి అలోవెరా జెల్ రాసుకోవడం వల్ల చర్మం రిపేర్ అవుతుంది. ఉదయానికి ముఖం తాజాగా, ప్రకాశవంతంగా కనిపిస్తుంది.
కాఫీ స్క్రబ్: కాఫీ పౌడర్, కొబ్బరి నూనె కలిపి తయారు చేసిన మిశ్రమాన్ని ముఖంపై స్క్రబ్ చేస్తే, చర్మ కణాలను తొలగిస్తుంది. వారానికి ఒకసారి దీని ట్రై చేస్తే చర్మాన్ని బిగుతుగా, ప్రకాశవంతంగా చేస్తుంది.
రోజ్ వాటర్: రోజుకు రెండు నుండి మూడు సార్లు ఫేస్ మిస్ట్‌గా రోజ్ వాటర్‌ను ఉపయోగించండి. ఇది తక్షణమే చర్మాన్ని రిఫ్రెష్ చేస్తుంది. ఇది మేకప్ సెట్టింగ్ స్ప్రేగా కూడా పనిచేస్తుంది.
దోసకాయ ఐ ప్యాడ్‌లు: కళ్లపై దోసకాయ సన్నని ముక్కలను ఉంచడం వల్ల నల్లటి వలయాలు, ,ఉడతలు తగ్గుతాయి. ఈ ట్రిక్ కళ్ళను చల్లబరుస్తుంది. ఉపశమనం కలిగిస్తుంది. అలసిపోయిన కళ్ళను రిఫ్రెష్ చేస్తుంది.
