capsicum health tips: క్యాప్సికం… మన రోజువారీ వంటల్లో ఎక్కువగా ఉపయోగించే కూరగాయ. స్టిర్ ఫ్రై అయినా, కర్రీ అయినా, సలాడ్ అయినా… ప్రతి చోట క్యాప్సికం కనిపిస్తుంది. కానీ ఇటీవల సోషల్ మీడియాలో ఒక వీడియో బాగా వైరల్ అవుతోంది. క్యాప్సికం కింద ఉన్న గుబ్బల సంఖ్య చూసి “ఇది మేల్ క్యాప్సికం… అది ఫీమేల్ క్యాప్సికం” అంటూ చెబుతున్నారు. నాలుగు గుబ్బలు ఉంటే తీపి అంటున్నారు, మూడు గుబ్బలు ఉంటే మసాలా అంటున్నారు. అసలు నిజంగా క్యాప్సికంకి లింగం ఉంటుందా? ఇది సైన్స్ ప్రకారమా? ఇప్పుడు అసలు విషయం చూద్దాం.

క్యాప్సికం మేల్ ఫ్రూట్?

క్యాప్సికం అనేది ఒక పండు. మొక్క మీద పూసే పువ్వు పరాగసంపర్కం జరిగి ఏర్పడే ఫ్రూట్ ఇది. మొక్కలకు మగ పువ్వులు, ఆడ పువ్వులు ఉండొచ్చు. కానీ మనం చేతిలో పట్టుకునే క్యాప్సికం మాత్రం “మేల్ ఫ్రూట్”, “ఫీమేల్ ఫ్రూట్” అనే విభజనలో ఉండదు. ప్రతి క్యాప్సికం ఒకే బయాలజికల్ ప్రాసెస్‌లో తయారవుతుంది. అంటే మార్కెట్‌లో కనిపించే ఏ క్యాప్సికమైనా లింగం పరంగా ఒకటే.

తేడా ఎందుకు?

అయితే కింద భాగంలో కనిపించే మూడు గుబ్బలు, నాలుగు గుబ్బలు ఏంటి? అది క్యాప్సికం పెరిగే సమయంలో లోపల ఏర్పడే సెగ్మెంట్స్ ఆకారం మాత్రమే. వాతావరణం, నీటి మోతాదు, మట్టిలో పోషకాలు, మొక్కకి అందిన సూర్యకాంతి… ఇవన్నీ కలిసి ఫ్రూట్ షేప్‌ని నిర్ణయిస్తాయి. అందుకే కొన్ని క్యాప్సికాలు మూడు లోబ్స్‌తో వస్తాయి, కొన్ని నాలుగు లోబ్స్‌తో వస్తాయి. దీనికి లింగంతో ఎలాంటి సంబంధం లేదు.

Read Also:Diabetes Tips: ఆపిల్ తింటే షుగర్ తగ్గుతుందా? అరటిపండుకు దీనికి ఉన్న తేడా ఇదే

ఇది అపోహనా లేక నిజమా?

ఇంకో అపోహ ఏమిటంటే నాలుగు గుబ్బలు ఉన్న క్యాప్సికం తీపిగా ఉంటుంది, గింజలు తక్కువగా ఉంటాయి… మూడు గుబ్బలు ఉన్నవి మసాలాగా ఉంటాయి అని. నిజానికి క్యాప్సికం టేస్ట్ దాని వేరైటీ మీద ఆధారపడి ఉంటుంది. గ్రీన్ క్యాప్సికం సాధారణంగా పూర్తిగా పండకముందే కోసేస్తారు కాబట్టి కొంచెం చేదు టచ్ ఉంటుంది. రెడ్ క్యాప్సికం, యెల్లో క్యాప్సికం పూర్తిగా రైప్ అయిన తర్వాత కోస్తారు కాబట్టి నేచురల్ షుగర్ ఎక్కువగా ఉంటుంది. అందుకే అవి తీపిగా అనిపిస్తాయి. ఇది గుబ్బల సంఖ్య వల్ల కాదు. గింజల విషయం కూడా అలాగే. లోపల గింజలు ఎక్కువగా ఉంటాయా, తక్కువగా ఉంటాయా అనేది ఆ ఫ్రూట్ ఎలా డెవలప్ అయ్యిందో దానిపైనే ఆధారపడి ఉంటుంది. మూడు గుబ్బల క్యాప్సికంలో కూడా తక్కువ గింజలు ఉండొచ్చు. నాలుగు గుబ్బల క్యాప్సికంలో ఎక్కువ గింజలు ఉండొచ్చు. దీనికి ఫిక్స్‌డ్ రూల్ ఏమీ లేదు.

అయితే మంచి క్యాప్సికం ఎలా ఎంచుకోవాలి?

ముందుగా కలర్ బ్రైట్‌గా ఉండాలి. పై తొక్క స్మూత్‌గా ఉండాలి. ముడతలు పడకుండా ఫ్రెష్ లుక్ ఉండాలి. చేతిలో పట్టుకుంటే బరువుగా అనిపించాలి. స్టెమ్ గ్రీన్‌గా ఉండాలి, పూర్తిగా డ్రై అయిపోకూడదు. ఇవి చూస్తే క్యాప్సికం ఫ్రెష్ ఉందా లేదా అనేది అర్థమవుతుంది. గుబ్బలు లెక్క పెట్టడం కన్నా ఇవే చాలా ముఖ్యమైన విషయాలు. వంట కోసం చిన్న సూచన. సలాడ్స్‌కి రెడ్ క్యాప్సికం, యెల్లో క్యాప్సికం బాగుంటాయి. కర్రీలు, స్టిర్ ఫ్రైకి గ్రీన్ క్యాప్సికం సరిపోతుంది. స్టఫ్డ్ రెసిపీస్ చేయాలంటే సైజ్ పెద్దగా ఉన్న క్యాప్సికం తీసుకుంటే ఈజీగా స్టఫ్ చేయొచ్చు. ఇవన్నీ ప్రాక్టికల్ టిప్స్. “మేల్ – ఫీమేల్ క్యాప్సికం” అనే కాన్సెప్ట్ ఇక్కడ అవసరం లేదు.

ఒక రీల్ చూసి అది సైన్స్ అనుకోవడం తప్పు

సోషల్ మీడియాలో కనిపించే చాలావరకు ఫుడ్ వీడియోలు హాఫ్ నాలెడ్జ్‌తో వైరల్ అవుతుంటాయి. ఒక రీల్ చూసి అది సైన్స్ అనుకోవడం తప్పు. క్యాప్సికంకి లింగం ఉండదు. తీపి, టేస్ట్, గింజలు అన్నీ వేరైటీ, రైప్నెస్, గ్రోత్ కండిషన్స్ మీద ఆధారపడి ఉంటాయి. కాబట్టి ఇకపై మార్కెట్‌లో క్యాప్సికం కొనే ముందు మూడు గుబ్బలా నాలుగు గుబ్బలా అని చూడాల్సిన పని లేదు. ఫ్రెష్‌నెస్ చూడండి, కలర్ చూడండి, ఫీలింగ్ చూడండి. అంతే. వైరల్ వీడియోల కన్నా నిజమైన సైన్స్‌ని నమ్మితే మీ వంట కూడా బాగుంటుంది, డబ్బు కూడా వృథా కాదు.