Curd In Winter Season: శీతాకాలంలో చాలామంది తక్కువ ఉష్ణోగ్రతల కారణంగా తరచుగా చల్లని ఆహారాలకు బదులుగా వేడిగా ఉండే ఆహారాలను తింటుంటారు. ఎందుకంటే చల్లటి ఆహారాలు తినడం వల్ల జలుబు, గొంతు నొప్పి వచ్చే ప్రమాదం ఉంటుంది. అయితే సీజన్ తో సంబంధం లేకుండా ఏడాది పొడువునా రుచిని ఆస్వాదించే అనేక చల్లని ఆహారాలు తింటుంటాం. అందులో పెరుగు కూడా ఒకటి.

ఆయుర్వేదం ప్రకారం..పెరుగు జీర్ణక్రియ మెరుగుపరుస్తుంది. అలాగే రోగనిరోధక శక్తిని కూడా బలపరుస్తుంది. వేసవిలో అనేక ఆహార రూపంలో తీసుకునే పెరుగును శీతాకాలం వచ్చేసరికి, తినే ముందు సరైన సమయం, పద్ధతిపై ప్రత్యేక శ్రద్ధ వహించాలని ఆరోగ్య నిపుణులు చెబుతున్నారు. ఈ సీజన్ లో పెరుగును సరైన పదార్థాలతో, సరైన సమయంలో తీసుకుంటే, శరీరాన్ని లోపలి నుండి పోషించి బలోపేతం చేయగలదని సూచిస్తున్నారు. ఈ సందర్బంగా శీతాకాలంలో పెరుగు తినడానికి సరైన సమయం, పద్ధతి గురించి తెలుసుకుందాం.

శీతాకాలంలో పెరుగు తినడానికి ఈ నియమాలు పాటించండి

సరైన సమయం: చలికాలంలో పెరుగు తినడానికి సరైన సమయం మధ్యాహ్నం! ఉదయం లేదా సాయంత్రం సూర్యాస్తమయం తర్వాత లేదా పెరుగు తినడం మానుకోవాలి. ఎందుకంటే ఉష్ణోగ్రతలు తక్కువఫా ఉంటాయి. ఈ సమయంలో తినడం వల్ల వల్ల శరీరంలో కఫ సమస్య తీవ్రమవుతుంది. ఇది శ్వాసకోశ లేదా గొంతు సమస్యలకు దారితీస్తుంది.

చల్లటి పెరుగు: మనలో చాలామందికి పెరుగును రిఫ్రిజిరేటర్ పెట్టె అలవాటు ఉంటుంది. అయితే శీతాకాలంలో రిఫ్రిజిరేటర్ నిల్వ చేసిన పెరుగును నేరుగా తినకుండా నివారించాలి. ఎందుఅంటే ఇది ఆరోగ్య సమస్యల్ని కలిగిస్తుంది. తినడానికి కనీసం 1-2 గంటల ముందు రిఫ్రిజిరేటర్ నుండి బయటకు తీయాలి. ఇది పెరుగును సాధారణ ఉష్ణోగ్రతకు తీసుకువస్తుంది.

also read:Moringa Powder: బరువు తగ్గడం నుండి జీర్ణక్రియ వరకు..మునగాకు పొడి అద్భుతమైన ప్రయోజనాలు తెలుసా..?

పెరుగులో ఈ మసాలా దినుసులు చేర్చండి: చలికాలంలో పెరుగు ప్రభావాన్ని సమతుల్యం చేయడానికి చిటికెడు వేయించిన జీలకర్ర, నల్ల ఉప్పు లేదా పొడి అల్లం పొడిని జోడించవచ్చు. ఈ మసాలా దినుసులు రుచిని పెంచడమే కాకుండా జీర్ణక్రియకు కూడా సహాయపడతాయి.

ఫ్రెష్ పెరుగు: శీతాకాలంలో ఎల్లప్పుడూ తాజాగా స్తంభింపచేసిన పెరుగు తినాలని గుర్తించుకోండి. ఎందుకంటే? చాలా రోజులుగా నిల్వ ఉంచిన పుల్లని లేదా పెరుగు గొంతు ఇన్ఫెక్షన్లకు కారణమవుతుంది.

బెల్లం తో పెరుగు: తీపి రుచిని కలిగిన పెరుగును ఇష్టపడితే, చక్కెరకు బదులుగా పెరుగులో బెల్లం ఉపయోగించవచ్చు. ఫలితంగా బెల్లం వేడెక్కే ప్రభావాన్ని కలిగి ఉంటుంది. ఇది పెరుగుతో కలిపి, శీతాకాలానికి గొప్ప కలయికగా ఉంటుంది.

శీతాకాలంలో పెరుగు తినేటప్పుడు ఈ తప్పులు అసలు చేయవద్దు.

1. రాత్రిపూట పెరుగు తినడం నివారించాలి.
2. ఒకేసారి అధిక మోతాదులో కాకుండా తక్కువ పరిమాణంలో తీసుకోవాలి.
3. చాలా పుల్లని పెరుగు తినడం మానుకోవాలి.