Banana: ఒక నెల పాటు ప్రతిరోజూ ఒక అరటిపండు తింటే ఏమవుతుందో తెలుసా..?

Banana Benefits: మనం ఆరోగ్యంగా ఉండాలనుకుంటే సరైన ఆహారాన్ని డైట్ లో చేర్చుకోవాలి. మన ఆరోగ్యం పూర్తిగా మనం తీసుకునే ఆహారం పై ఆధారపడి ఉంటుంది. వీలైనంత వరకు తాజా ఆకుపచ్చ కూరగాయలు, పండ్లను ఆహారంలో చేర్చుకోవాలి. అయితే, పండ్లలో ఎల్లప్పుడు మనకు అరటిపండు అందుబాటులో ఉంటుంది. ఇది ఏడాది మొత్తం మార్కెట్లో దొరుకుతుంది. అరటిపండులో ఫైబర్, పొటాషియం, విటమిన్ బి6, విటమిన్ సి వంటి అనేక పోషకాలు పుష్కలంగా ఉంటాయి. దీంతో ఆరోగ్యానికి ఎన్నో ప్రయోజనాలు కలుగుతాయి. అయితే, ఒక నెల పాటు ప్రతిరోజూ ఒక అరటిపండు తింటే ఆరోగ్యానికి ఎలాంటి ప్రయోజనాలు ఉన్నాయో ఇప్పుడు తెలుసుకుందాం.


అరటిపండ్లలో మంచి మొత్తంలో ఫైబర్ ఉంటుంది. దీంతో ఇది మలబద్ధకం సమస్య నుండి ఉపశమనం పొందడంలో సహాయపడుతుంది. అంతేకాకుండా ఇది జీర్ణక్రియను మెరుగుపరచడానికి కూడా పనిచేస్తుంది. ఇందులో ఉండే ప్రోబయోటిక్స్ పేగు ఆరోగ్యానికి ఒక వరం లాంటిది. అరటి పండు తింటే కడుపును ఎక్కువసేపు నిండిన భావన కలుగుతుంది. దీనితో అతిగా తినడం నివారించవచ్చు. బరువు తగ్గాలనుకునే వారు సులభంగా తగ్గుతారు.


రక్తపోటు రోగులకు అరటిపండు దివ్యౌషధంలా పనిచేస్తుందని చెప్పవచ్చు. ఇందులో ఉండే పొటాషియం, మెగ్నీషియం రక్తపోటు సాధారణంగా ఉంచడంలో సహాయపడుతుంది. అరటిపండ్లలో సహజ చక్కెర ఫ్రక్టోజ్, గ్లూకోజ్, సుక్రోజ్ మంచి మొత్తంలో ఉంటాయి. దీనితో పాటు.. ఇది ఫైబర్ మంచి మూలం కూడా. రోజూ ఒక అరటిపండు తింటే రోజు మొత్తం ఎంతో శక్తివంతంగా ఉండొచ్చు. అలసట, బలహీనత సమస్య కూడా అనిపించదు.

రోజూ అరటిపండు తినడం వల్ల శరీర రోగనిరోధక శక్తి కూడాపెరుగుతుంది. ఇది అనేక వ్యాధుల దూరం చేస్తుంది. అరటిపండు తినడం వల్ల శరీరం బలంగా ఉంటుంది. అరటిపండులో ఉండే విటమిన్ సి, ఎ, ఫోలేట్ ఆరోగ్యంగా ఉంచుతాయి. అరటి పండులో విటమిన్ సి, యాంటీఆక్సిడెంట్లు అధికంగా ఉండటం వల్ల ఇది చర్మాన్ని మెరిసేలా చేస్తుంది. అంతేకాకుండా వీటి వినియోగం ముడతలు తగ్గేలా చేస్తుంది.