Bank Holidays in October: సెప్టెంబర్‌ నెల ముగింపునకు వచ్చేశాం. మరి కొద్ది రోజుల్లోనే అక్టోబర్ నెల ప్రారంభం కానుంది. వచ్చే నెలలో దేశంలోనే అదిపెద్ద పండుగలు దసరా, దీపావళి రానున్నాయి. ఈ పండుగలతో పాటు ప్రతి ఒక్కరూ నవరాత్రి ఉత్సవాలను జరుపుకుంటారు. దసరా, దీపావళి, ఛత్ పూజ, దుర్గా పూజ వంటి ముఖ్యమైన పండుగల సందర్బంగా ఆయా రోజుల్లో అనేక రాష్ట్రాల్లో బ్యాంకులు మూసి ఉంటాయి.రిజర్వ్ బ్యాంక్ ఆఫ్ ఇండియా (ఆర్‌బీఐ) అక్టోబర్ 2025 బ్యాంకు సెలవుల జాబితాను విడుదల చేసింది. ఈ జాబితా ప్రకారం కస్టమర్లు ప్లాన్‌ చేసుకోవాలని ఆయా బ్యాంకులు కోరుతున్నాయి. అయితే, ఈ సెలవులు బ్యాంకు నిమిత్తం పనులు చేసుకునేవారికి మాత్రమే ప్రభావితం చేస్తాయి. వినియోగదారులు మునుపటిలా ఆన్‌లైన్ బ్యాంకింగ్ సేవలను ఉపయోగించుకోవచ్చు.

బ్యాంకు సెలవుల లిస్ట్..

అక్టోబరు 1: నవరాత్రి ముగింపు, మహా నవమి, దసరా, విజయదశమి/దుర్గాపూజ కారణంగా అగర్తల, బెంగళూరు, భువనేశ్వర్, చెన్నై, గ్యాంగ్‌టక్, గౌహతి, ఇటానగర్, కాన్పూర్, కొచ్చి, కొహిమా, కోల్‌కతా, లక్నో, పాట్నా, రాంచీ, షిల్లాంగ్, తిరువనంతపురంలో బ్యాంకులు మూసి ఉంటాయి.
అక్టోబర్ 2: మహాత్మా గాంధీ జయంతి, దసరా, విజయదశమి, దుర్గా పూజ కారణంగా దేశవ్యాప్తంగా బ్యాంకులు మూసి ఉంటాయి.
అక్టోబర్ 3: దుర్గా పూజ కారణంగా గాంగ్‌టక్‌లో బ్యాంకులకు సెలవు.
అక్టోబర్ 6: లక్ష్మీ పూజ కారణంగా అగర్తల, కోల్‌కతాలోని బ్యాంకులు మూసి ఉంటాయి.
అక్టోబర్ 7: మహర్షి వాల్మీకి జయంతి, కుమార్ పూర్ణిమ సందర్భంగా బెంగళూరు, భువనేశ్వర్, చండీగఢ్, సిమ్లాలోని బ్యాంకులు మూసి ఉంటాయి.
అక్టోబర్ 10: కర్వా చౌత్ సందర్భంగా సిమ్లాలోని బ్యాంకులు మూసి ఉంటాయి.
అక్టోబర్ 18: కటి బిహు కారణంగా గౌహతిలో బ్యాంకులకు సెలవు.
అక్టోబర్ 20: దీపావళి, నరక్ చతుర్దశి, కాళి పూజ కారణంగా అహ్మదాబాద్, బెంగళూరు, కోల్‌కతా, న్యూఢిల్లీ, లక్నో, చెన్నై సహా 25 ప్రధాన నగరాల్లో బ్యాంకులు మూసి ఉంటాయి.
అక్టోబర్ 21: దీపావళి అమావాస్య, గోవర్ధన్ పూజ కారణంగా బేలాపూర్, భోపాల్, భువనేశ్వర్, గ్యాంగ్‌టక్, ఇంఫాల్, జమ్ము, ముంబై, నాగ్‌పూర్, శ్రీనగర్‌లలో బ్యాంకులు మూసింటాయి.
అక్టోబర్ 22: దీపావళి, విక్రమ్ సంవత్ నూతన సంవత్సరం, బలిపాడమి, లక్ష్మీ పూజ కారణంగా అహ్మదాబాద్, బేలాపూర్, బెంగళూరు, డెహ్రాడూన్, గ్యాంగ్‌టక్, జైపూర్, కాన్పూర్, లక్నో, ముంబై, నాగ్‌పూర్, పాట్నాలలో బ్యాంకులకు సెలవు.
అక్టోబరు 23: అహ్మదాబాద్, గ్యాంగ్‌టక్, ఇంఫాల్, కాన్పూర్, కోల్‌కతా, లక్నో, సిమ్లాలోని బ్యాంకులు భాయ్ దూజ్, భత్రి ద్వితీయ, చిత్రగుప్త జయంతి, లక్ష్మీ పూజల కారణంగా మూసి ఉంటాయి.
అక్టోబర్ 27, 28: ఛఠ్ పూజ కారణంగా కోల్‌కతా, పాట్నా, రాంచీలలో బ్యాంకులు మూసి ఉంటాయి.
అక్టోబర్ 31: సర్దార్ వల్లభాయ్ పటేల్ పుట్టినరోజున అహ్మదాబాద్‌లోని బ్యాంకులు మూతపడతాయి.
వారాంతపు సెలవులు: దేశవ్యాప్తంగా బ్యాంకులు నెలలో రెండవ, నాల్గవ శనివారాలు (అక్టోబర్ 11, 25), ప్రతి ఆదివారం (అక్టోబర్ 5, 12, 19,26) మూసి ఉంటాయి. ఈ పండుగ, సెలవుల కాలంలో ఈ సమాచారం చాలా ముఖ్యమైనది. దీన్ని దృష్టిలో ఉంచుకుని ప్రజలు తమ బ్యాంకింగ్ లావాదేవీలను ప్లాన్ చేసుకోవచ్చు.