Bhagavad Gita Recitals In MP Police Training: మధ్యప్రదేశ్ పోలీస్ ట్రైనింగ్ వింగ్ ఇటీవల జారీ చేసిన ఒక ఆదేశం రాష్ట్రంలో తీవ్ర రాజకీయ దుమారం రేపింది. శిక్షణ పొందుతున్న రిక్రూట్‌లు ప్రతి రాత్రి భగవద్గీతలోని ఒక అధ్యాయాన్ని చదవాలని ఈ ఆదేశంలో పేర్కొన్నారు. దీనిని ప్రతిపక్ష కాంగ్రెస్ పార్టీ ‘రాడికలైజేషన్’ (మతోన్మాద ధోరణి) ప్రయత్నంగా విమర్శించగా, అధికార భారతీయ జనతా పార్టీ (బీజేపీ) దీనిని ‘నైతిక విలువలను’ పెంపొందించే చర్యగా సమర్థించుకుంది.

శిక్షణా డైరెక్టరేట్ ఆదేశం

అదనపు డైరెక్టర్ జనరల్ ఆఫ్ పోలీస్ (ఏడీజీపీ)- ట్రైనింగ్, రాజా బాబు సింగ్ ఈ ఆదేశాన్ని జారీ చేశారు. మధ్యప్రదేశ్‌లోని మొత్తం ఎనిమిది పోలీస్ శిక్షణా పాఠశాలల్లో రిక్రూట్‌లు రాత్రి ధ్యానం (Meditation) సెషన్‌ల ముందు గీతలోని ఒక అధ్యాయాన్ని పఠించాలని కోరారు.

ALSO READ: Rahul Gandhi vs EC: హర్యానాలో 25 లక్షల ఓట్లు చోరీ అయ్యాయా, రాహుల్ ఆరోపణల్లో నిజమెంత

“నేటి నుంచి మార్గశిర మాసం ప్రారంభమైంది. ధర్మశాస్త్రాల ప్రకారం ఇది శ్రీకృష్ణ భగవానుడి మాసం. ఈ పవిత్ర మాసంలో శిక్షణ పొందుతున్న వారంతా రాత్రి ధ్యానం చేయడానికి ముందు శ్రీమద్ భగవద్గీతలోని ఒక అధ్యాయాన్ని చదవాలని కోరుకుంటున్నాను,” అని ఏడీజీపీ రాజా బాబు సింగ్ తెలిపారు. గీత వారికి ధర్మబద్ధమైన జీవితాన్ని గడపడానికి మార్గనిర్దేశం చేస్తుందని ఆయన అన్నారు.

కాంగ్రెస్ vs బీజేపీ

పోలీసులను ‘కాషాయీకరణ’ చేయడానికి రాజ్యాంగ విరుద్ధంగా ప్రయత్నిస్తున్నారని కాంగ్రెస్ ప్రతినిధి భూపేంద్ర గుప్తా విమర్శించారు. “ప్రతి పౌరుడు తమ విశ్వాసాన్ని అనుసరించగలగాలి. బలగాలను రాడికలైజ్ చేసే ప్రయత్నం మధ్యప్రదేశ్‌లో మొదలైంది,” అని ఆయన ఆరోపించారు.

ALSO READ: Woman Techie: లవర్‌పై కోపంతో స్కూళ్లకు బెదిరింపు మెయిల్స్‌.. బెంగళూరు పోలీసుల అదుపులో మహిళా టెక్కీ

అయితే, బీజేపీ ప్రతినిధి పంకజ్ చతుర్వేది కాంగ్రెస్‌పై ఎదురుదాడికి దిగారు. “భగవద్గీతను మతపరమైనదిగా పరిగణించే వారు, వారి భారతీయతపైనే సందేహం కలుగుతుంది. ఇది మతం గురించి కాకుండా తత్వశాస్త్రం గురించి మాట్లాడుతుంది. దీని సారాంశాన్ని అర్థం చేసుకుంటే పోలీసు వ్యవస్థ మెరుగుపడుతుంది, సమాజం బాగుపడుతుంది. మనం విశ్వగురువులవుతాం. దీనినే కాంగ్రెస్ వ్యతిరేకిస్తోంది,” అని ఆయన అన్నారు.

ఈ రాజకీయ రగడ కొనసాగుతున్నప్పటికీ, శిక్షణ పొందుతున్న పోలీసులు తమ సాయంత్రాలను రామచరితమానస్ శ్లోకాలు, భగవద్గీత అధ్యాయాలు, అర్ధగంట ధ్యానంతో గడుపుతున్నారు.

ALSO READ: Vandemataram: వందేమాతరం గేయానికి 150 ఏళ్లు: ప్రధాని ప్రసంగం, ఏడాది పొడవునా ఉత్సవాలు