RBI| దేశంలో బాంబు బెదిరింపులు ఆగడం లేదు. మొన్నటి వరకు విమానాశ్రయాలతో పాటు విమానాలకు వరుసగా బాంబు బెదిరింపులు(Bomb threats) వచ్చిన సంగతి తెలిసిందే. తాజాగా ముంబైలోని ఆర్బీఐ ప్రధాన కార్యాలయానికి బాంబు బెదిరింపులు వచ్చాయి. భవనాన్ని పేల్చివేస్తామంటూ రష్యన్‌ భాషలో దుండగులు ఈ మెయిల్‌ పంపించారు. దీంతో అప్రమత్తమైన ఉన్నతాధికారులు పోలీసులకు ఫిర్యాదు చేశారు. దీంతో బెదిరింపులకు పాల్పడిన గుర్తు తెలియని వ్యక్తులపై మాతా రమాబాయి మార్గ్‌ పోలీసుస్టేషన్‌లో కేసు నమోదైంది.
దీంతో ఆర్బీఐ కార్యాలయం చుట్టూ పోలీసులు పటిష్ట బందోబస్తును ఏర్పాటు చేసి విస్తృతంగా తనిఖీలు చేపట్టారు. కాగా ఈ ఏడాది నవంబర్‌ 16న ఆర్‌బీఐకి కస్టమర్‌ కేర్‌ నంబర్‌కు బాంబు బెదిరింపు కాల్ వచ్చిన సంగతి తెలిసిందే. ఇదిలా ఉంటే ఇటీవల ప్రఖ్యాత కట్టడం తాజ్‌మహల్‌ను పేల్చేస్తామంటూ బెదిరింపులు వచ్చిన విషయం విధితమే.
