ప్రతిష్టాత్మక ‘‘వక్ఫ్ సవరణ బిల్లు-2025’’((Waqf Amendment Bill))ని కేంద్ర ప్రభుత్వం లోక్‌సభ(Lok Sabha)లో ప్రవేశపెట్టింది. పార్లమెంటరీ, మైనారిటీ వ్యవహారాల మంత్రి కిరణ్ రిజిజు బిల్లును సభ ముందుకు తీసుకొచ్చారు. ఈ బిల్లుకు వ్యతిరేకంగా విపక్షాలు ఆందోళన చేపట్టాయి. ప్రతిపక్షాల నిరసనల నడుమ ఈ బిల్లును సభలో ప్రవేశపెట్టారు. బిల్లుపై దాదాపు 8 గంటల పాటు చర్చించనున్నారు. అనంతరం ఓటింగ్‌ నిర్వహించనున్నారు.
- Advertisement -
సభలో ఎన్డీయేకు మెజార్టీ ఉండటంతో బిల్లు సునాయాసంగా ఆమోదం పొందనుంది. లోక్‌సభలో బిల్లు ఆమోదం అనంతరం రాజ్యసభలో ప్రవేశపెట్టనున్నారు. ఈ నేపథ్యంలో వచ్చే మూడు రోజుల పాటు ఎంపీలందరూ తప్పకుండా పార్లమెంట్‌కు హాజరుకావాలని ఎన్డీయే, ఇండియా కూటమి పార్టీలు తమ ఎంపీలకు విప్ జారీ చేశాయి.
