PNB job : ఢిల్లీకి చెందిన 29 ఏళ్ల వనీ అనే యువతి తన ప్రభుత్వ ఉద్యోగాన్ని స్వచ్ఛందంగా వదిలేసి అందరి దృష్టిని ఆకర్షించింది. పంజాబ్ నేషనల్ బ్యాంక్ (PNB)లో మిరట్ శాఖలో స్కేల్-1 ఆఫీసర్‌గా పనిచేసిన ఆమె, 2022లో IBPS పరీక్షలో ఉత్తీర్ణత సాధించి, ఏడాది శిక్షణ తర్వాత ఈ ఉద్యోగంలో చేరింది. అయితే, ఈ ఉద్యోగం ఆమె మానసిక శాంతిని, వ్యక్తిగత స్వేచ్ఛను హరించిందని, జీవనశైలిని బంధించిందని భావించి రాజీనామా చేసింది.
వనీ తన అనుభవాన్ని సోషల్ మీడియాలో ఓ వీడియో ద్వారా పంచుకుంది. “నాట్ ఆల్ హీరోస్ వేర్ కేప్స్, సమ్ జస్ట్ క్విట్ టాక్సిక్ జాబ్స్” అని టైటిల్ పెట్టిన ఈ వీడియో 53 లక్షలకు పైగా వీక్షణలతో వైరల్‌గా మారింది. “ఈ ఉద్యోగం నాకు ఆర్థిక స్వాతంత్ర్యం, మెరుగైన జీవనశైలిని ఇచ్చినప్పటికీ, నా మనసు ఎప్పుడూ శాంతిగా లేదు. ఇది మానసికంగా డ్రెయిన్ చేసే, కృతజ్ఞత లేని ఉద్యోగం,” అని ఆమె చెప్పింది. “నేను సంతోషకరమైన వ్యక్తిగా ఉండేదాన్ని, కానీ ఈ మూడేళ్లలో చిరాకు, కోపంతో నన్ను నేను ద్వేషించుకునేలా మారాను. అందుకే ఆర్థిక భద్రత కంటే మానసిక శాంతిని ఎంచుకున్నాను..” అని ఆమె స్పష్టం చేసింది.
Friend of mine is going through the same. He hasn't resigned yet. Ironically he is also in the same bank PNB.
He told me that there are no working hours. He reaches home at 7: 30, no hygiene at work place, no air condition (which is shocking considering it's a bank in Delhi). https://t.co/HrlfgLR3Zy— 🍁 (@immgkj_) September 1, 2025
సోషల్ మీడియాలో ఆమె నిర్ణయం తీవ్ర చర్చనీయాంశమైంది. చాలామంది నెటిజన్లు ఆమె సాహసాన్ని మెచ్చుకున్నారు. “ఇంతటి ధైర్యం అందరికీ ఉండదు. నీకు కొత్త జీవితం ఖచ్చితంగా అద్భుతంగా ఉంటుంది,” అని ఒకరు కామెంట్ చేశారు. “కొత్త ఆరంభానికి శుభాకాంక్షలు,” అని మరొకరు పేర్కొన్నారు. అయితే, కొందరు ఆమె నిర్ణయాన్ని ప్రశ్నించారు. “మహిళలు ఇలాంటి నిర్ణయాలు తీసుకోగలరు, కానీ పురుషులకు ఈ ఆప్షన్ లేదు,” అని కొందరు వ్యాఖ్యానించారు. దీనిపై వనీ స్పందిస్తూ, “తీర్పు చెప్పే ముందు ఇతరుల స్థితిని అర్థం చేసుకోవాలి,” అని అన్నారు.
ఈ ఘటన యువతలో మానసిక ఆరోగ్యం, వ్యక్తిగత స్వేచ్ఛపై చర్చకు కారణమైంది. ఉద్యోగ భద్రత కంటే జీవన సంతృప్తి ముఖ్యమని వనీ నిర్ణయం నొక్కి చెబుతోంది.
