Encounter: కశ్మీర్ లో ఏం జరుగుతోంది? J&K భద్రతపై అటు షా రివ్యూ..ఇటు జమ్మూ ఎన్ కౌంటర్

పాకిస్థాన్ నుంచి అక్రమంగా మనదేశంలోకి చొరబడి కశ్మీర్ కు వెళ్తున్న నలుగురు టెర్రరిస్టులను మన సైన్యం ఎన్ కౌంటర్ లో మట్టుబెట్టింది. వీరివద్ద నుంచి భారీ ఆయుధ సామగ్రిని సైన్యం స్వాధీనం చేసుకుంది. ఏడు ఏకే-47 రైఫిల్స్, ఒకటి యుఎస్ మేడ్ ఎం4 రైఫిల్, మూడు పిస్టళ్లు, గ్రనేడ్లు డంప్ లో ఉన్నాయి. ఉదయం ఏడు గంటల నుంచే జమ్మూ ఔట్ స్కర్ట్స్ లో భద్రతా దళాలు టెర్రరిస్టులను మట్టుబెట్టేందుకు కాల్పులు జరపటం ప్రారంభించాయి. జమ్ము-శ్రీనగర్ హైవేపై వెళ్తున్న ట్రక్కు అనుమానాస్పదంగా సంచరిస్తుంటే దాన్ని పరిశీలించేందుకు వెళ్లిన సెక్యూరిటీ సిబ్బందిపై ట్రక్కులోని టెర్రరిస్టులు కాల్పులు జరిపారు. దీంతో ఎదురు కాల్పులు ప్రారంభించిన భద్రతా దళాలు టెర్రరిస్టులను మట్టుబెట్టాయి. లే-లడాఖ్, జమ్మూ-కశ్మీర్ లో భద్రతా పరిస్థితిపై కేంద్ర హోంశాఖా మంత్రి అమిత్ షా హై లెవెల్ మీటింగ్ చేపట్టే రోజే ఇలా టెర్రరిస్టులు సంచరిస్తుండటం సంచలనం సృష్టిస్తోంది.