Machkund Power Station Fire Accident: ఆంధ్రా, ఒడిశా సరిహద్దుల్లోని మాచ్ఖండ్ జల విద్యుత్ కేంద్రంలో శనివారం భారీ అగ్నిప్రమాదం సంభవించింది. పవర్ స్టేషన్ను షట్డౌన్ చేసిన అనంతరం ఈ ప్రమాదం చోటుచేసుకుంది. విద్యుత్ కేంద్రంలోని రెండవ అంతస్తులో దట్టమైన పొగలు, మంటలు అకస్మాత్తుగా వ్యాపించాయి. అక్కడే పలువురు కార్మికులు చిక్కుకుపోయినట్లు సమచారం. మంటల తీవ్రత ఎక్కువగా ఉండటంతో లోపలికి వెళ్లలేని పరిస్థితి నెలకొంది.
- Advertisement -
ప్రమాదంపై సమాచారం అందుకున్న అగ్నిమాపక సిబ్బంది, అత్యవసర రెస్క్యూ బృందాలు ఘటనా స్థలానికి చేరుకుని మంటలను అదుపు చేసేందుకు యత్నిస్తున్నారు. లోపల చిక్కుకున్న సిబ్బందిని సురక్షితంగా బయటకు తీసుకురావడానికి చర్యలు ముమ్మరం చేశారు. సంఘటనకి సంబంధించి పూర్తి వివరాలు తెలియాల్సి ఉంది.