ఛత్తీస్గడ్ లో మరోసారి తుపాకుల మోత మోగింది. శనివారం ఉదయం 8 గంటలకు బస్తర్ రీజన్ లో భారీ ఎన్కౌంటర్ జరిగింది. ఎన్కౌంటర్లో నలుగురు మావోయిస్టులు (Maoists) ప్రాణాలు కోల్పోయారు. కాంకేర్, నారాయణపూర్ జిల్లాల మధ్యనున్న ఉత్తర అంబుజ్ మడ్ ప్రాంతంలో మావోయిస్టులు సమావేశమైనట్లు పోలీసులకు పక్కా సమాచారం అందింది.
- Advertisement -
దీంతో బీఎస్ఎఫ్, డీఆర్జీఎఫ్, టీఎస్ఎఫ్ బలగాలు ఆ ప్రాంతాన్ని జల్లెడ పట్టాయి. ఈ క్రమంలో మావోయిస్టులకు, భద్రతా బలగాలకు మధ్య ఎదురు కాల్పులు జరిగాయి. ఈ జాయింట్ ఆపరేషన్లో నలుగురు మావోయిస్టులు (Maoists) చనిపోయినట్లు అధికారులు వెల్లడించారు. కాగా, ఛత్తీస్గడ్ లోని బస్టర్ రీజన్ మావోయిస్టులకు ఒకప్పుడు కంచుకోటగా ఉండేది. కానీ ఇప్పుడు పరిస్థితి మారింది. ఈ ప్రాంతంలో తరచూ ఎన్కౌంటర్లు జరుగుతున్నాయి. మావోయిస్టు పార్టీ భారీగా ప్రాణనష్టం చవిచూస్తోంది.