111-Year-Old Woman Casts Vote In Bihar Polls: వయసు కేవలం అంకె మాత్రమేనని ఆమె నిరూపించారు. 111 ఏళ్ల వయసులో, నడవలేని స్థితిలో ఉన్నా, ప్రజాస్వామ్యంపై తనకున్న అపారమైన నమ్మకాన్ని చాటుకున్నారు. బీహార్ అసెంబ్లీ ఎన్నికల రెండో దశ పోలింగ్‌లో 111 ఏళ్ల నసీమా ఖాతూన్ అందరికీ ప్రత్యేక ఆకర్షణగా, స్ఫూర్తిదాతగా నిలిచారు.

సుపాల్ జిల్లాలోని ఛత్తాపూర్ అసెంబ్లీ నియోజకవర్గంలో మంగళవారం ఆమె తన ఓటు హక్కును వినియోగించుకున్నారు. కుటుంబ సభ్యుల సహాయంతో వీల్‌ఛైర్‌లో పోలింగ్ బూత్‌కు చేరుకున్న ఆమె, ఎంతో ఉత్సాహంగా ఓటు వేశారు. అనంతరం ఆమె మాట్లాడుతూ, “నేను నా ఓటు వేశాను. నా బాధ్యతను నెరవేర్చాను” అని ఎంతో సంతృప్తిగా తెలిపారు. సుపాల్ జిల్లా మొత్తంలో కెల్లా అత్యంత వృద్ధ ఓటరు నసీమా ఖాతూన్ అని ఎన్నికల అధికారులు ధృవీకరించారు.

ALSO READ: Supreme Court: ఢిల్లీలో ‘లుంగీ’ కట్టారని దాడి.. హిందీ మాట్లాడాలంటూ కేరళ విద్యార్థులపై వేధింపులు! సుప్రీంకోర్టు తీవ్ర ఆందోళన

రికార్డు స్థాయిలో పోలింగ్:

నసీమా ఖాతూన్ వంటి వృద్ధులు చూపిన ఉత్సాహమే బీహార్ ఓటర్లలోనూ కనిపించింది. మంగళవారం జరిగిన రెండో దశ పోలింగ్‌లో ఓటర్లు భారీగా తరలివచ్చారు. సాయంత్రం 5 గంటల వరకు రాష్ట్రవ్యాప్తంగా 67.14 శాతం భారీ పోలింగ్ నమోదైనట్లు ఎన్నికల సంఘం (ECI) వెల్లడించింది.

ముఖ్యంగా, కిషన్‌గంజ్ జిల్లాలో రికార్డు స్థాయిలో 76.26 శాతం పోలింగ్ జరగగా, కతిహార్ (75.23%), పూర్ణియా (73.79%) జిల్లాలు తర్వాతి స్థానాల్లో నిలిచాయి. నసీమా ఖాతూన్ ఓటు వేసిన సుపాల్ జిల్లాలో 70.69 శాతం పోలింగ్ నమోదైంది. నవాడాలో అత్యల్పంగా 57.11 శాతం పోలింగ్ రికార్డైంది.

ALSO READ: Delhi Blast’s Telegram Link: ఢిల్లీ పేలుడు.. టెర్రరిస్టులకు ‘టెలిగ్రామ్’ అడ్డా! రాడికల్ గ్రూప్ వెనుక సంచలన నిజాలు

ఈ రెండో దశ పోలింగ్ ముఖ్యమంత్రి నితీష్ కుమార్ కేబినెట్‌లోని 12 మంది మంత్రుల భవితవ్యాన్ని తేల్చనుంది. వీరిలో జేడీ(యూ)కి చెందిన విజేంద్ర యాదవ్ (సుపాల్), లెస్సీ సింగ్ (ధమ్‌దాహా), బీజేపీకి చెందిన ప్రేమ్ కుమార్ (గయా), రేణు దేవి (బెట్టియా) వంటి కీలక మంత్రులు బరిలో ఉన్నారు.

మొదటి దశలోనూ బీహార్ చరిత్రలోనే రికార్డు స్థాయిలో 65.08 శాతం పోలింగ్ నమోదైంది. నవంబర్ 14న ఓట్ల లెక్కింపు జరగనుంది.

ALSO READ: IAS Officer Domestic Violence: ఐఏఎస్ భర్త నరకం చూపించాడు.. గృహ హింస, కిడ్నాప్, స్పై కెమెరా.. IAS అధికారిణి ఫిర్యాదు