KFD- ICMR Vaccine: దక్షిణాది రాష్ట్రాల్లో అంటువ్యాధిగా ప్రబలుతున్న క్యాసనూర్‌ ఫారెస్ట్‌ డిసీజ్‌కు చెక్‌ పెట్టేందుకు ICMR గుడ్‌ న్యూస్‌ చెప్పింది. ఈ చికిత్సకి మెరుగైన వ్యాక్సిన్‌ను అభివృద్ధి చేసేందుకు హ్యమన్‌ క్లినికల్‌ ట్రయల్స్‌ను ప్రారంభించింది. 

కర్ణాటక, తమిళనాడు, కేరళ, గోవా, మహారాష్ట్ర వంటి రాష్ట్రాల్లోని పశ్చిమ కనుమల ప్రాంతాల్లో క్యాసనూర్‌ ఫారెస్ట్‌ డిసీజ్‌(KFD) ఒక ప్రాంతీయ అంటు వ్యాధి. కోతుల మరణాలతో ఈ వ్యాధికి సంబంధం ఉండటం వల్ల దీనిని ‘మంకీ ఫీవర్’ అని కూడా పిలుస్తారు. ఈ వ్యాధికి మెరుగైన వ్యాక్సిన్‌ను అభివృద్ధి చేయడానికి ఇండియన్ కౌన్సిల్ ఆఫ్ మెడికల్ రీసెర్చ్(ICMR) హ్యూమన్‌ క్లినికల్ ట్రయల్స్‌ను ప్రారంభించిందని కేంద్ర ఆరోగ్య మంత్రిత్వ శాఖ ప్రకటించింది. కర్ణాటక ప్రభుత్వ అభ్యర్థన మేరకు, ICMR.. KFD వ్యాక్సిన్ అభివృద్ధిని ప్రారంభించగా.. ఇండియన్ ఇమ్యునోలాజికల్స్ లిమిటెడ్(IIL), ICMR-నేషనల్ ఇన్స్టిట్యూట్ ఆఫ్ వైరాలజీ (NIV) కలిసి పూర్తిగా స్వదేశీ రెండు డోసుల అనుబంధ క్రియారహిత వ్యాక్సిన్‌ను అభివృద్ధి చేయడానికి కృషి చేస్తున్నాయి. దీనిని 28 రోజుల వ్యవధిలో ఇవ్వనున్నట్లు మంత్రిత్వ శాఖ తెలిపింది.

Also Read: https://teluguprabha.net/andhra-pradesh-news/travel-budget-planning-tips-telugu-guide/

టీకాను విజయవంతంగా అభివృద్ధి చేసినట్లు పేర్కొంది. అదే విధంగా జంతువుల సవాలు, విషపూరిత అధ్యయనాలు పూర్తయ్యాయని వెల్లడించింది. GLP-గ్రేడ్ వ్యాక్సిన్ పదార్థం తయారైందని.. సెంట్రల్ డ్రగ్స్ స్టాండర్డ్ కంట్రోల్ ఆర్గనైజేషన్ (CDSCO) ఆమోదం పొందిన తర్వాత ఫేజ్‌- I హ్యూమన్‌ క్లినికల్ ట్రయల్ ప్రారంభమైందని ప్రకటించింది. 

ఫేజ్‌- I ట్రయల్ విజయవంతమైతే, మరిన్ని క్లినికల్ ట్రయల్స్‌ను ప్రారంభిస్తారు. టీకా సురక్షితమైనదని.. రోగనిరోధక శక్తిని కలిగి ఉందని తేలితే, CDSCO ఆమోదానికి పంపిస్తారు. కాగా, క్లిష్ట ఆరోగ్య సమస్యలను పరిష్కరించడంలో రాష్ట్ర ప్రభుత్వాలకు నిరంతర మద్దతు అందించడానికి కేంద్రం కట్టుబడి ఉందని మంత్రిత్వ శాఖ స్పష్టం చేసింది. 

1957లో కర్ణాటకలోని షిమోగా జిల్లా ‘క్యాసనూర్’ అటవీ ప్రాంతంలో ఈ వ్యాధిని మొదటగా గుర్తించారు. ‘ఫ్లావివిరిడే’ కుటుంబానికి చెందిన KFD వైరస్ వల్ల వస్తుందని శాస్త్రవేత్తలు తెలిపారు. సోకిన ‘హేమాఫిసాలిస్’ జాతికి చెందిన గట్టి పేలు కాటు ద్వారా లేదా సోకిన జంతువుల (ముఖ్యంగా కోతులు) శరీర ద్రవాలతో నేరుగా సంబంధం ఏర్పడటం వల్ల ఇది మనుషులకు సోకుతుందని చెప్పారు. అయితే ఇది మనుషుల నుంచి మనుషులకు వ్యాపించకపోవడం గమనించదగ్గ విషయం.

Also Read:

ఈ వ్యాధి లక్షణాలు: https://teluguprabha.net/technology-news/pple-2026-20-new-products-launch-iphone18-foldable-iphone-macbook-m5-smart-home-ai-watch-ultra-airpods-pro-telugu-tech-news/

అకస్మాత్తుగా వచ్చే అధిక జ్వరం, చలి, తీవ్రమైన తలనొప్పి, కండరాల నొప్పులు, అలసట, వికారం, వాంతులు, విరేచనాలు, తీవ్రమైన సందర్భాల్లో ముక్కు, చిగుళ్లు లేదా ప్రేగుల నుంచి రక్తస్రావం కావచ్చు, కొందరిలో మానసిక గందరగోళం, వణుకు వంటి నాడీ సంబంధిత సమస్యలు తలెత్తవచ్చు.

ఇప్పటివరకూ ఈ వ్యాధికి ప్రస్తుతం ప్రత్యేకమైన యాంటీవైరల్ చికిత్స లేదు. కేవలం లక్షణాలను తగ్గించే సపోర్టివ్ కేర్ (ద్రవపదార్థాలు ఇవ్వడం, విశ్రాంతి) మాత్రమే అందిస్తున్నారు.