Railways AC Blanket New Rules : భారతదేశంలో రోజుకు కోట్ల మంది ప్రయాణికులను తమ గమ్యస్థానాలకు చేర్చుతూ రైల్వే దేశ రవాణా వ్యవస్థలో ప్రధాన స్థానం పొందింది. తక్కువ ఛార్జీలు, విస్తృత నెట్‌వర్క్ వల్ల రైల్వే ప్రజల మొదటి ఎంపిక. కానీ ఏసీ కోచ్‌లలో దుప్పట్ల శుభ్రతపై ప్రయాణికుల్లో ఎప్పుడూ సందేహాలు ఉండటం తెలిసిందే. ఈ సమస్యకు రైల్వే శాఖ ముందుకొచ్చి, ఒక చారిత్రక మార్పు తీసుకువచ్చింది. ఇకపై ఏసీ బోగీల్లో ప్రతి ప్రయాణికుడికి శుభ్రమైన కవర్‌తో కప్పిన దుప్పట్లను అందిస్తారు. ఈ కొత్త వ్యవస్థను పైలట్ ప్రాజెక్ట్‌గా మొదలుపెట్టారు. ముఖ్యంగా దుప్పట్లపై ఉండే సందేహాలను తొలగించడమే దీని ప్రధాన లక్ష్యం. రైల్వే మంత్రి అశ్విని వైష్ణవ్ ఈ చొరవకు శ్రీకారం చుట్టారు. ప్రస్తుతం ఈ ప్రయోగం జైపూర్-అహ్మదాబాద్ మార్గంలోని రైల్వేల్లో మొదలైంది.
కొత్త వ్యవస్థ వివరాలు: ప్రతి ప్రయాణికుడికి, ప్రతి ప్రయాణంలో శుభ్రమైన కవర్‌తో కప్పిన దుప్పట్లు అందిస్తారు. ఈ కవర్లు ఉతకగలిగే మెటిరీయల్ తో తయారు చేస్తారు. ప్రతి ట్రిప్ తర్వాత తప్పనిసరిగా మార్చి శుభ్రం చేస్తారు. వెల్క్రో లేదా జిప్ లాక్‌లతో మూసివేసి, పరిశుభ్రత చెక్‌లు చేస్తారు. ప్రారంభంలో సంగనేరి ప్రింట్ ఫాబ్రిక్ ఉపయోగిస్తున్నారు. ప్రయోగ ఫలితాలు మంచివి అయితే, దేశవ్యాప్తంగా అమలు చేస్తారు. రైల్వే మంత్రి అశ్విని వైష్ణవ్ మాట్లాడుతూ, “రైల్వేలో దుప్పట్ల శుభ్రతపై సందేహాలు తొలగించాలి. జైపూర్-అహ్మదాబాద్ మార్గంలో పైలట్‌గా ఈ పనిని మొదలుపెట్టాం” అన్నారు. చిన్న స్టేషన్‌లలో ప్లాట్‌ఫామ్ ఎత్తు, సమాచార బోర్డులు, సైన్‌బోర్డులు మెరుగుపరుస్తామని సూచించారు.
లాభాలు: ఈ వ్యవస్థ వ్యాధులు, ఇన్ఫెక్షన్ ప్రమాదం తగ్గుతుంది. ప్రయాణికులు సంతోషంగా ట్రావెల్ చేస్తారు. దీపావళి, పెళ్లిళ్ల సీజన్‌లో రైల్వే ప్రయాణికులు పెరుగుతుంది. ఈ మార్పు వారికి మరింత సౌకర్యం కల్పిస్తుంది. రైల్వే ఈ చొరవతో ప్రయాణికుల సంతృప్తి పెంచుకుంటోంది. ప్రయాణికులు “ఇది స్వాగతమైన మార్పు” అని స్వాగతించారు. రైల్వే “విజయవంతమైతే దేశవ్యాప్తంగా అమలు” అని ప్రణాళికలు వేస్తోంది. ఈ పైలట్ ప్రాజెక్ట్ రైల్వే సేవల్లో కొత్త ఆవిష్కరణగా నిలుస్తుంది.
